2020-ի դեկտեմբերից ինչ դիրքերում եղել ենք, շարունակում ենք մնալ. Նիկոլ Փաշինյան

© Sputnik / Asatur YesayantsՆիկոլ Փաշինյան
Նիկոլ Փաշինյան - Sputnik Արմենիա, 1920, 27.10.2021
Նիկոլ Փաշինյան. Արխիվային լուսանկար
Բաժանորդագրվեք
Վարչապետն անդրադարձավ Փելա սարի մասին տարածվող այն լուրերին, թե այն հանձնել են ադրբեջանական կողմին։
ԵՐԵՎԱՆ, 27 հոկտեմբերի – Sputnik. Սյունիքի մարզի Փելա սարի հատվածում սահմանապահ զորքերը ծառայություն են սկսել իրականացնել 2020-ի դեկտեմբերից և մինչ օրս շարունակում են ծառայություն իրականացնել։ ԱԺ–ում կառավարության հետ հարցուպատասխանի ժամանակ հայտարարեց վարչապետ Նիկոլ Փաշինյանը` անդրադառնալով Փելա սարը հանձնելու լուրերին։
«ԱԱԾ սահմանապահ զորքերի հրամանատար Արման Մարալչյանը երեկ ԱԺ–ում պատգամավորների հետ հանդիպման ժամանակ հայտարարել է, որ դիրքային որևէ փոփոխություն տեղի չի ունեցել։ Հիմա կարող եմ արձանագրել` 2020-ի դեկտեմբերից ինչ դիրքերում եղել ենք, շարունակում ենք մնալ»,–ասաց Փաշինյանը։
Վաղարշակ Հարությունյանը Սյունիքում. արխիվային լուսանկար - Sputnik Արմենիա, 1920, 26.10.2021
«Վաղարշակ Հարությունյանը եկավ Սյունիք, ասաց` մինչև վաղը բոլորդ դիրքերից իջնեք». Սարգսյան
Նա հիշեցրեց, որ ԱԱԾ–ն նույնպես հայտարարություն էր տարածել` Փելա սարի հանձնման մասին տարածվող լուրերը հերքելով։
Հիշեցնենք, որ երեկ ԱԺ–ում սահմանին տիրող իրավիճակի, ինչպես նաև սահմանազատման թեմայով փակ քննարկում էր, որին ներկա են եղել ԳՇ պետի տեղակալ Կամո Քոչունցը և ԱԱԾ սահմանապահ զորքերի հրամանատար Արման Մարալչյանը։ «Հայաստան» խմբակցության ղեկավար Սեյրան Օհանյանը լրագրողների հետ զրույցում հայտնեց` Փելա սարի վերաբերյալ հարցերին իրենց վստահեցրել են` դիրքերի որևէ փոփոխություն տեղի չի ունեցել։
ՀՀ կառավարությունն ամրացնում է Սյունիքի սահմանները
Հավելենք, որ նախորդ շաբաթ լուրեր էին շրջանառվում, թե իբր Կապանի Փելա սարը հանձնել են Ադրբեջանին։ Մամուլի այդ տեղեկությունները որոշ լրատվամիջոցների հետ զրույցում հաստատել էր Կապանի համայնքապետ Գևորգ Փարսյանը։ Նրա խոսքով` եղել են չափագրումներ, էլեկտրոնային քարտեզով սարի երկու հատվածում տեղակայվել են հայ և ադրբեջանցի զինծառայողները։
Հոկտեմբերի 18-ին ԱԱԾ–ն հերքեց այդ լուրերը` ասելով, որ ՀՀ սահմանապահ զորքերը շարունակում են իրականացնել պետական սահմանի պահպանությունը նշված հատվածում։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала