https://arm.sputniknews.ru/20211027/hajastan-himnadrami-havaqats-gumarn-usumnasirvogh-qnnich-handznazhvoghvovy-11-andam-kunena-34710147.html
«Հայաստան» հիմնադրամի հավաքած գումարն ուսումնասիրող քննիչ հանձնաժողովը 11 անդամ կունենա
«Հայաստան» հիմնադրամի հավաքած գումարն ուսումնասիրող քննիչ հանձնաժողովը 11 անդամ կունենա
Sputnik Արմենիա
«Մենք ենք, մեր սահմանները» խորագրով համազգային դրամահավաք-արշավի ժամանակ հավաքագրված միջոցներից ավելի քան 52 միլիարդը փոխանցվել էր պետական բյուջե։ 27.10.2021, Sputnik Արմենիա
2021-10-27T12:08+0400
2021-10-27T12:08+0400
2021-10-27T12:11+0400
հայաստան
արծվիկ մինասյան
հիմնադրամ
հանձնաժողով
https://cdn.am.sputniknews.ru/img/07e5/08/18/28762298_0:156:1001:719_1920x0_80_0_0_fed252c8d1da269a6044747fb593aa0b.jpg
ԵՐԵՎԱՆ, 27 հոկտեմբերի – Sputnik. ՀՀ ազգային ժողովը հաստատեց «Հայաստան» համահայկական հիմնադրամի հավաքագրած գումարների, հատկապես պետբյուջե փոխանցած միջոցների օգտագործումն ուսումնասիրող ԱԺ քննիչ հանձնաժողովի անդամների թիվը:Հարցի շուրջ քննարկումը սկսվել էր դեռ հոկտեմբերի 26-ին և շարունակվում է նաև այսօր։Հանձնաժողովի ղեկավար «Հայաստան» խմբակցության պատգամավոր Արծվիկ Մինասյանը ելույթի ժամանակ ասաց` պետք է արձանագրել, որ անհրաժեշտ է համահայկական, կարևոր նախաձեռնության նկատմամբ վստահությունը բերել հավուր պատշաճի:«Մեր գլխավոր խնդիրը լինելու է բացահայտել, եթե եղել են ապօրինություններ, անօրինականություններ, ինչպես նաև մեղավորներին պատասխանատվության ենթարկել, վերականգնել միջոցները։ Հայ ժողովրդի մոտ պետք է վերականգնվի Հայաստանի, Արցախի ու հայոց պետականության նկատմամբ այս կարևոր գործիքի հանդեպ վստահությունը»,-ասաց Մինասյանը:Նա վստահեցրեց, որ քննությունը լինելու է օբյեկտիվ, համակողմանի, ամբողջական, ու այդ քննության արդյունքում վեր են հանվելու բոլոր կնճռոտ հարցերը: Պատգամավորը նաև հույս հայտնեց, որ «Քաղաքացիական պայմանագիր» խմբակցության պատգամավորները, որոնք ընդգրկված կլինեն քննիչ հանձնաժողովում, հենց իր նշած մղումներով կառաջնորդվեն։ՔՊ–ական պատգամավոր Նազելի Բաղդասարյանն էլ շեշտեց, որ ցանկացած խնդիր, որը հանրության ուշադրության դաշտում է, պետք է պարզ ու թափանցիկ կերպով քննվի:«Եթե կան որոշակի հարցեր, դրանց պետք է տրվեն պատասխաններ: Մենք ունենք բավարար քաղաքական կամք` ցանկացած հարցի տալ սպառիչ պատասխաններ, բայց այդ ամենն արվելու է առանց էմոցիաների, առանց քաղաքական ենթատեքստերի, օբյեկտիվ քննության դաշտում»,– նշեց Բաղդասարյանը:Նա վստահեցրեց, որ այդ հանձնաժողովն իր բովանդակությամբ պետք է արտացոլի քննիչ հանձնաժողովի բոլոր գործառույթները, և միաժամանակ խորհուրդ տվեց ընդդիմադիրներին զերծ մնալ քաղաքական երանգներից:Ի սկզբանե ընդդիմությունն առաջարկել էր, որ հանձնաժողովն ունենա 10 անդամ, սակայն իշխանության առաջարկով ընդունվեց 11 անդամ ունենալու տարբերակը:«Հայաստան» համահայկական հիմնադրամի հավաքագրած և Հայաստանի Հանրապետության պետական բյուջե փոխանցված միջոցների օգտագործումը ուսումնասիրող ԱԺ քննիչ հանձնաժողովի անդամների թիվը սահմանելու մասին նախագծին կողմ էին պատգամավորներից 83–ը, 1–ը ձեռնպահ քվեարկեց։Հիշեցնենք, որ 2020 թվականի սեպտեմբերի 27-ին Ադրբեջանի սանձազերծած պատերազմի առաջին օրից «Հայաստան» համահայկական հիմնադրամը նախաձեռնել էր «Մենք ենք, մեր սահմանները» խորագրով համազգային դրամահավաք-արշավ, որի արդյունքում հավաքագրված միջոցներից 52,7 միլիարդ դրամը նախորդ տարվա նոյեմբերին փոխանցվել էր պետական բյուջե։2020 թվականի նոյեմբերի 18-ին ՀՀ փոխվարչապետ Մհեր Գրիգորյանը ԱԺ–ում պատգամավորների հետ հարցուպատասխանի ժամանակ հայտնել էր, որ «Հայաստան» համահայկական հիմնադրամի միջոցների մի մասը ծախսված չեն, մի մասը պատերազմի ընթացքում նվիրաբերվել էր ՀՀ կառավարությանը։ Այս հայտարարությունը շահարկումների և առիթ էր դարձել, և մեղադրանքներ էին հնչում «Հայաստան» հիմնադրամի հասցեին։Քննիչ հանձնաժողով ստեղծելու համար ԱԺ նախագահին էին դիմել «Պատիվ ունեմ» և «Հայաստան» խմբակցությունների պատգամավորները։
https://arm.sputniknews.ru/20211027/inchu-chyndunvec-hhadrbejan-sahmanajin-iravitshakin-ev-sahmanazatmany-verabervogh-nakhagitsy-34708851.html
https://arm.sputniknews.ru/20201118/hayastan-hamahaykakan-himnadrami-mijocneri-mi-mas-nvirabervel-e-karavarutyan-25392398.html
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, արծվիկ մինասյան, հիմնադրամ, հանձնաժողով
հայաստան, արծվիկ մինասյան, հիմնադրամ, հանձնաժողով
«Հայաստան» հիմնադրամի հավաքած գումարն ուսումնասիրող քննիչ հանձնաժողովը 11 անդամ կունենա
12:08 27.10.2021 (Թարմացված է: 12:11 27.10.2021) «Մենք ենք, մեր սահմանները» խորագրով համազգային դրամահավաք-արշավի ժամանակ հավաքագրված միջոցներից ավելի քան 52 միլիարդը փոխանցվել էր պետական բյուջե։
ԵՐԵՎԱՆ, 27 հոկտեմբերի – Sputnik. ՀՀ ազգային ժողովը հաստատեց «Հայաստան» համահայկական հիմնադրամի հավաքագրած գումարների, հատկապես պետբյուջե փոխանցած միջոցների օգտագործումն ուսումնասիրող ԱԺ քննիչ հանձնաժողովի անդամների թիվը:
Հարցի շուրջ քննարկումը սկսվել էր դեռ հոկտեմբերի 26-ին և շարունակվում է նաև այսօր։
Հանձնաժողովի ղեկավար «Հայաստան» խմբակցության պատգամավոր Արծվիկ Մինասյանը ելույթի ժամանակ ասաց` պետք է արձանագրել, որ անհրաժեշտ է համահայկական, կարևոր նախաձեռնության նկատմամբ վստահությունը բերել հավուր պատշաճի:
27 հոկտեմբերի 2021, 11:38
«Մեր գլխավոր խնդիրը լինելու է բացահայտել, եթե եղել են ապօրինություններ, անօրինականություններ, ինչպես նաև մեղավորներին պատասխանատվության ենթարկել, վերականգնել միջոցները։ Հայ ժողովրդի մոտ պետք է վերականգնվի
Հայաստանի,
Արցախի ու հայոց պետականության նկատմամբ այս կարևոր գործիքի հանդեպ վստահությունը»,-ասաց Մինասյանը:
Նա վստահեցրեց, որ քննությունը լինելու է օբյեկտիվ, համակողմանի, ամբողջական, ու այդ քննության արդյունքում վեր են հանվելու բոլոր կնճռոտ հարցերը: Պատգամավորը նաև հույս հայտնեց, որ «Քաղաքացիական պայմանագիր» խմբակցության պատգամավորները, որոնք ընդգրկված կլինեն քննիչ հանձնաժողովում, հենց իր նշած մղումներով կառաջնորդվեն։
ՔՊ–ական պատգամավոր Նազելի Բաղդասարյանն էլ շեշտեց, որ ցանկացած խնդիր, որը հանրության ուշադրության դաշտում է, պետք է պարզ ու թափանցիկ կերպով քննվի:
«Եթե կան որոշակի հարցեր, դրանց պետք է տրվեն պատասխաններ: Մենք ունենք բավարար քաղաքական կամք` ցանկացած հարցի տալ սպառիչ պատասխաններ, բայց այդ ամենն արվելու է առանց էմոցիաների, առանց քաղաքական ենթատեքստերի, օբյեկտիվ քննության դաշտում»,– նշեց Բաղդասարյանը:
Նա վստահեցրեց, որ այդ հանձնաժողովն իր բովանդակությամբ պետք է արտացոլի քննիչ հանձնաժողովի բոլոր գործառույթները, և միաժամանակ խորհուրդ տվեց ընդդիմադիրներին զերծ մնալ քաղաքական երանգներից:
Ի սկզբանե ընդդիմությունն առաջարկել էր, որ հանձնաժողովն ունենա 10 անդամ, սակայն իշխանության առաջարկով ընդունվեց 11 անդամ ունենալու տարբերակը:
«
Հայաստան» համահայկական հիմնադրամի հավաքագրած և Հայաստանի Հանրապետության պետական բյուջե փոխանցված միջոցների օգտագործումը ուսումնասիրող ԱԺ քննիչ հանձնաժողովի անդամների թիվը սահմանելու մասին նախագծին կողմ էին պատգամավորներից 83–ը, 1–ը ձեռնպահ քվեարկեց։
Հիշեցնենք, որ 2020 թվականի սեպտեմբերի 27-ին Ադրբեջանի սանձազերծած պատերազմի առաջին օրից «Հայաստան» համահայկական հիմնադրամը նախաձեռնել էր «Մենք ենք, մեր սահմանները» խորագրով համազգային դրամահավաք-արշավ, որի արդյունքում հավաքագրված միջոցներից 52,7 միլիարդ դրամը նախորդ տարվա նոյեմբերին փոխանցվել էր պետական բյուջե։
2020 թվականի նոյեմբերի 18-ին ՀՀ փոխվարչապետ Մհեր Գրիգորյանը ԱԺ–ում պատգամավորների հետ հարցուպատասխանի ժամանակ հայտնել էր, որ «Հայաստան» համահայկական հիմնադրամի միջոցների մի մասը ծախսված չեն, մի մասը պատերազմի ընթացքում նվիրաբերվել էր ՀՀ կառավարությանը։ Այս հայտարարությունը շահարկումների և առիթ էր դարձել, և մեղադրանքներ էին հնչում «Հայաստան» հիմնադրամի հասցեին։
