ՀՀ–ն գնահատում է Վատիկանի դիրքորոշումը ԼՂ հակամարտության և հայ գերիների հարցում․ ԱԳՆ

© Sputnik / Aram NersesyanԱԳՆ նախարար Արարատ Միրզոյանն ու Սուրբ աթոռի պետքարտուղարի ընդհանուր հարցերով փոխանորդ Էդգար Պենյա Պառան ասուլիսից առաջ
ԱԳՆ նախարար Արարատ Միրզոյանն ու Սուրբ աթոռի պետքարտուղարի ընդհանուր հարցերով փոխանորդ Էդգար Պենյա Պառան ասուլիսից առաջ - Sputnik Արմենիա, 1920, 27.10.2021
ԱԳՆ նախարար Արարատ Միրզոյանն ու Սուրբ աթոռի պետքարտուղարի ընդհանուր հարցերով փոխանորդ Էդգար Պենյա Պառան ասուլիսից առաջ
Բաժանորդագրվեք
Հայաստանի արտգործնախարարը խնդրեց, որի Հռոմի սուրբ քահանայապետն իր աղոթքներում և հրապարակային ուղերձներում մշտապես շարունակի հիշել հայ ռազմագերիներին և շեշտադրի նրանց անհապաղ ազատ արձակման անհրաժեշտությունը։
ԵՐԵՎԱՆ, 27 հոկտեմբերի – Sputnik. Հայաստանը գնահատում է Վատիկանի հետևողական դիրքորոշումը Լեռնային Ղարաբաղի հիմնախնդրի խաղաղ կարգավորման և տարածաշրջանում երկարատև խաղաղության ու կայունության պահպանման հարցում։ Այսօր այս հայտարարությունն արեց ՀՀ արտգործնախարար Արարատ Միրզոյանը՝ ամփոփելով Սուրբ աթոռի պետքարտուղարի ընդհանուր հարցերով փոխանորդ Էդգար Պենյա Պառայի հետ ունեցած բանակցությունների արդյունքները։
Նրա խոսքով ՝ Սուրբ աթոռը մշտապես Հայաստանի կողքին է եղել դժվարին ժամանակներում, և այս առումով նախորդ տարին ևս բացառություն չէր։

«Ադրբեջանի կողմից Արցախի դեմ ագրեսիայի օրերին և դրան հաջորդած ժամանակաշրջանում սրբազան քահանայապետի հղած ուղերձները, ինչպես նաև ռազմագերիների անհապաղ ազատ արձակման ուղղված կոչերը մեծ նշանակություն են ունեցել»,-ասաց Միրզոյանը։

Նա կրկին շեշտեց, որ այժմ էլ Ադրբեջանը խախտելով միջազգային մարդասիրական իրավունքը և նոյեմբերի 9-ի հայտարարությամբ իր ստանձնած պարտավորությունները` շարունակում է պատանդառության մեջ պահել հայ ռազմագերիներին և քաղաքացիական անձանց։
ՆԱՏՕ–ի պատվիրակությունը` ՀՀ վարչապետի մոտ - Sputnik Արմենիա, 1920, 22.10.2021
Որքա՞ն գումար է արժեցել Հայաստանի բյուջեի վրա ՆԱՏՕ–ի պատվիրակության երկօրյա այցը
«Մենք խնդրում ենք, որ Հռոմի սուրբ քահանայապետն իր աղոթքներում և հրապարակային ուղերձներում մշտապես շարունակի հիշել հայ ռազմագերիներին և շեշտադրի նրանց անհապաղ ազատ արձակման անհրաժեշտությունը»,- ասաց Միրզոյանը։
ԱԳՆ ղեկավարը նաև ուշադրություն հրավիրեց այն հանգամանքին, որ 44-օրյա պատերազմից հետո Բաքվի վերահսկողության տակ է հայտնվել հայկական պատմամշակութային ժառանգությունը, որն այժմ ոչնչացման վտանգի տակ է:
Այս առումով նա կարևորեց խնդրի նկատմամբ ինչպես ՅՈւՆԵՍԿՕ-ի, այնպես էլ Սուրբ աթոռի հետաքրքրությունը։
Բացի այդ, Երևանը շնորհակալ է Վատիկանին Հայոց ցեղասպանության ճանաչման հարցում սկզբունքային դիրքորոշման համար։ Միրզոյանն ընդգծեց, որ մարդկության դեմ այս հանցագործության դատապարտումը կարևոր է ապագայում նման երևույթները կանխելու համար։
Հոկտեմբերի 27-28–ը պաշտոնական այցով Հայաստան է ժամանել Սուրբ աթոռի պետքարտուղարի ընդհանուր հարցերով փոխանորդ Էդգար Պենյա Պառան: Նա մասնակցելու է Հայաստանում Սուրբ աթոռի առաքելական նվիրակության պաշտոնական բացման արարողությանը:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала