Կրիպտոարժույթները նույնպես պետք է հարկել. ԿԲ խորհրդի անդամի թեկնածու

© Sputnik / Asatur YesayantsԱրտակ Մանուկյան
Արտակ Մանուկյան - Sputnik Արմենիա, 1920, 27.10.2021
Արտակ Մանուկյան
Բաժանորդագրվեք
«Ապօրինի գույքի բռնագրավման մասին» օրենքում կրիպտոարժույթներն արդեն գրանցված են, սակայն քաղաքացիական օրենսգրքում դեռ չկան։
ԵՐԵՎԱՆ, 27 հոկտեմբերի – Sputnik. Հայաստանում կրիպտոարժույթները նույնպես պետք է հարկվեն։ Այս մասին խորհրդարանում հայտարարեց Կենտրոնական բանկի խորհրդի անդամի թեկնածու Արտակ Մանուկյանը։
Նա նշեց, որ «Ապօրինի գույքի բռնագրավման մասին» օրենքում առգրավման ենթակա ակտիվների թվում նշված են նաև կրիպտոարժույթներ, սակայն Քաղաքացիական օրենսգրքում դրանց սահմանումը դեռ չկա: Մանուկյանը հավելեց, որ խորհրդարանը պետք է հստակություն մտցնի այդ հարցում։
Կենտրոնական բանկ - Sputnik Արմենիա, 1920, 25.10.2021
Կենտրոնական բանկը 2022-ի պետբյուջեի նախագիծը բավական հավակնոտ է համարում
«Շատ երկրներում հարկերի հավաքագրման նպատակով արդեն հաշվի են առնվում և՛ հանքարդյունաբերությունը, և՛ կրիպտոարժույթը։ Իհարկե, այդ հարկերն ավելի հեշտ է հավաքել այնտեղ, որտեղ ներդրված են համընդհանուր հարկային հայտարարագրեր, բայց աշխատանքի այդ ճակատում էլ մենք պետք է գործենք»,- ասաց նա։
ԿԲ խորհրդի անդամի պաշտոնի համար Արտակ Մանուկյանի թեկնածությունն առաջարկել է ԱԺ ֆինանսավարկային և բյուջետային հարցերի մշտական հանձնաժողովը։
Հանձնաժողովին Մանուկյանի թեկնածությունն առաջարկել է «Քաղաքացիական պայմանագիր» խմբակցությունը։
Համընդհանուր հարկային հայտարարագրերը 2022 թվականին չեն գործի. նախարար
Հիշեցնենք, որ յոթերորդ գումարման խորհրդարանում Մանուկյանը պատգամավոր էր Նիկոլ Փաշինյանի «Իմ քայլը» դաշինքից, ինչպես նաև ֆինանսավարկային և բյուջետային հարցերի մշտական հանձնաժողովի փոխնախագահը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала