Սոթքում ադրբեջանցիների պատճառով օտարերկրյա ընկերությունը 5 մլն դոլարի վնաս է կրել. Թաթոյան

© Sputnik / Asatur YesayantsԱդրբեջանցիների խլած հողմակայանները
Ադրբեջանցիների խլած հողմակայանները - Sputnik Արմենիա, 1920, 27.10.2021
Բաժանորդագրվեք
Արման Թաթոյանը տեսանյութ է հրապարակել` մանրամասներ հայտնելով, թե ինչպես են ադրբեջանցիերը երկու հողմակայանները խլել։
Գեղարքունիքի մարզի գյուղերի հարևանությամբ ադրբեջանական ԶՈւ-ի անօրինական տեղակայումների պատճառով վտանգված, գնդակոծություններով խաթարված է մարդկանց խաղաղ կյանքը։ ՀՀ ՄԻՊ Արման Թաթոյանը Facebook–ի իր էջում տեսանյութ է հրապարակել` այդ մասին փաստեր ներկայացնելով։
Նշենք, որ խոսքը Սոթքի տարածքի մասին է։

«Ադրբեջանական ԶՈւ-ի հանցավոր արարքների ու ներկայության պատճառով ՀՀ գործարար ընկերությունը (ԶՈԴ ՈւԻՆԴ) չի կարողանում օգտվել ՀՀ կառավարության որոշմամբ ու Կադաստրի կոմիտեի սեփականության վկայականով իրեն օրինական հատկացված 200 հա տարածքից։ Այդ տարածքի 75 հեկտարի վրա ընկերությունը կառուցել է երկու հողմակայան։ 2020-ի նոյեմբերին ադրբեջանական ԶՈՒ–ն տեխնիկայով ներխուժել է ընկերության տարածք և աշխատակիցներն այլևս չեն կարողացել մուտք գործել այնտեղ»,–ասվում է Թաթոյանի հրապարակած տեսանյութում։

Նշվում է նաև, որ գործարար ընկերությունը զրկվել է 2 հողմակայանից, որի հետևանքով 5 միլիոն դոլարի վնաս է կրել։
Ի դեպ, դեռ մայիսին ընկերությունը հայց է ներկայացրել ՀՀ կառավարության դեմ՝ ՀՀ վարչական դատարանում փոխհատուցում պահանջելով բիզնեսը չպաշտպանելու համար։
Ի դեպ, հենց այդ վայրից ադրբեջանական զինված ուժերը պարբերաբար գնդակոծության տակ են պահում ՀՀ գյուղերը, ինչի հետևանքով էլ մարդիկ զրկվել են խոտհարքներից և արոտավայրերից օգտվելու իրավունքից։ Սա էլ սոցիալական խնդիրների կտրուկ աճի է հանգեցրել։
Այսպիսով, ադրբեջանական զինված ուժերի քայլերի հետևանքով Գեղարքունիքի մարզի Սոթք համայնքի բնակիչների մի շարք իրավունքներ են խախտվել` կյանքի, սեփականության և այլն։
Вид на горящую траву в приграничном армянском селе Кут - Sputnik Արմենիա, 1920, 02.09.2021
Կյանքը` կրակի տակ. ինչպես են Սոթքի և Կութի բնակիչները հարմարվում նոր իրողություններին
Թաթոյանը հավելում է, որ այս փաստերը կուղարկվեն միջազգային համապատասխան մարմիններին, ինչպես նաև ՀՀ պետական մարմիններին ու ՀԿ-ներին՝ իրենց աշխատանքում օգտագործելու նպատակով:
Հիշեցնենք, որ հոկտեմբերի 18-ին էլ Թաթոյանը հայտնել էր` Գեղարքունիքի մարզ ներխուժած ադրբեջանական զինված ուժերը կառուցել են մեծ ապաստարաններ, կուտակել մեծ քանակությամբ վառելափայտ, բետոնապատել են իրենց դիրքեր տանող ճանապարհները: Օմբուդսմանը շեշտել էր` խոսքը ՀՀ ինքնիշխան տարածքում ադրբեջանական անօրինական տեղակայման ու հանցավոր արարքների մասին է։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала