https://arm.sputniknews.ru/20211028/ishkhan-saghateljany-pashinjanin-24-zham-e-tvel-inch-e-pahanjum-e-na-34748142.html

Իշխան Սաղաթելյանը Փաշինյանին 24 ժամ է տվել. ի՞նչ է պահանջում նա

Իշխան Սաղաթելյանը Փաշինյանին 24 ժամ է տվել. ի՞նչ է պահանջում նա

Sputnik Արմենիա

ԱԺ փոխնախագահը երկրի ղեկավարին հորդորում է մարդկանց այլևս չմոլորեցնել։ 28.10.2021, Sputnik Արմենիա

2021-10-28T09:16+0400

2021-10-28T09:16+0400

2021-10-28T09:23+0400

հայաստան

նիկոլ փաշինյան

աժ (ազգային ժողով)

արցախյան պատերազմ

իշխան սաղաթելյան

https://cdn.am.sputniknews.ru/img/07e5/06/16/28033184_0:0:1600:901_1920x0_80_0_0_57b4d7cd7ff6831612377ec04f10b811.jpg

ԵՐԵՎԱՆ, 28 հոկտեմբերի - Sputnik. ՀՀ ԱԺ փոխնախագահ Իշխան Սաղաթելյանը ՀՀ վարչապետ Նիկոլ Փաշինյանին 24 ժամ է տվել և պահանջել է հրապարակել արտախորհրդարանական ուժերի հետ 2020–ի հոկտեմբեր 12-ին և հոկտեմբեր 19-ին կայացած հանդիպման, ինչպես նաև ՀՅԴ ներկայացուցիչների և Նիկոլ Փաշինյանի միջև պատերազմի օրերին տեղի ունեցած 3 հանդիպումների ձայնագրություններն ամբողջությամբ։ Նա այս մասին գրել է Facebook–ի իր պաշտոնական էջում։«Այսօր (հոկտեմբերի 27–ին–խմբ.) ԱԺ-ում կառավարության հետ հարցուպատասխանի ընթացքում գլխավոր կապիտուլյանտը տվել է իմ անունը՝ կրկին հիշելով հոկտեմբերի 19-ի իր և արտախորհրդարանական ուժերի հանդիպումը`ասելով․ «Բա որ ասում էի՝ գնում եմ այս գնով պատերազմը դադարեցնելու, բա ձեր ներկայացուցիչը ինչի էր ասում բա ըտենց ոնց կլինի և այլն, և այլն»»,–Փաշինյանի ասածն է մեջբերել նա ու համապատասխան տեսանյութը տեղադրել։Սաղաթելյանը նաև հիշեցրել է, որ «Հայաստան» դաշինքի պատգամավոր Քրիստինե Վարդանյանի ելույթին Փաշինյանն արձագանքել է, թե «ձեր ավագ ընկերները խաբել են ձեզ այդ հանդիպումների բովանդակության մասով»։Նա նշել է, որ հիմա չի անդրադառնա այդ հանդիպումների բովանդակությանը, բայց պահանջել է բոլոր հանդիպումների ձայնագրություններն ամբողջությամբ հրապարակել, որպեսզի պարզ լինի, թե ո՞վ ում ինչ է ասել և ինչպե՞ս։«Հերիք է մարդկանց մոլորեցնեք, մեր ժողովուրդը ամեն ինչ պետք է իմանա: Ի դեպ, «...և այլն, և այլն»-ների փոխարեն գուցե հայտարարի, թե ինչ եմ ասել իրեն։ Ժամանակը գնաց... Չհրապարակելու դեպքում մեկ անգամ ևս ապացուցելու եք, որ շարքային ստախոս բանսարկու եք»,–գրել է Սաղաթելյանը։Ե՞րբ է զեկուցվել, որ պատերազմի շեմին ենք. պատասխանում է ՓաշինյանըՀիշեցնենք, որ Արցախյան 44–օրյա պատերազմից հետո հայտնի դարձավ, որ մի քանի անգամ, մասնավորապես հոկտեմբերի 19–ին, հնարավոր է եղել պատերազմը կանգնեցնել, բայց Նիկոլ Փաշինյանը չի արել դա և գաղտնի գնացել է ստորագրելու նոյեմբերի 9–ի եռակողմ համաձայնագիրը։ Փաշինյանն էլ ի պատասխան ասում է, որ արտախորհրդարանական ուժերը տեղյակ են եղել և չեն համաձայնել կանգնեցնել պատերազմը։

https://arm.sputniknews.ru/20211027/sjuniqum-zvorqeri-hetqashman-hramann-inqs-em-tvel-vor-paterazm-chliner-pashinjan-34735382.html

2021

Լուրեր

am_HY

հայաստան, նիկոլ փաշինյան, աժ (ազգային ժողով), արցախյան պատերազմ, իշխան սաղաթելյան