Հայաստանում Covid-19-ի դեմ կարող են պատվաստվել նաև երեխաները․ ի՞նչ պատվաստանյութ կկիրառվի

Բաժանորդագրվեք
Երեխաները կարող են պատվաստվել ծնողների կամ այլ օրինական ներկայացուցչի գրավոր համաձայնությամբ։
Հայաստանում կորոնավիրուսի դեմ կարող են պատվաստվել նաև երեխաները։ 12-ից բարձր երեխաների համար կկիրառվի «Մոդեռնա» պատվաստանյութը։ Տեղեկությունը հայտնում է առողջապահության նախարարության մամուլի ծառայությունը։

«Առողջապահության նախարարի հրամանով փոփոխություն է կատարվել «Մոդեռնա» պատվաստանյութի կիրառման ուղեցույցում և սահմանվել, որ «Մոդեռնա» պատվաստանյութով կարող են պատվաստվել երեխաները 12 տարեկանից սկսած` ըստ դիմելիության, ծնողների կամ այլ օրինական ներկայացուցիչների գրավոր համաձայնության ներկայացման դեպքում»,- նշված է հաղորդագրության մեջ։

Հիվանդությունների վերահսկման և կանխարգելման ազգային կենտրոնի իմունոկանխարգելման բաժնի մանկաբույժ Պիրիջիտա Սիմոնյանի խոսքով՝ որոշում է կայացվել նվազեցնել «Մոդեռնայով» պատվաստվելու տարիքային շեմը, քանի որ այն Եվրամիության երկրներում կիրառվել է 12-ից բարձր տարիքի անձանց շրջանում։ Փոփոխությունը պայմանավորված է նաև նրանով, որ այս ընթացքում նաև ծնողներ են դիմել՝ հետաքրքրվելով, թե արդյոք կարող են նաև երեխաները պատվաստվել։
«Քանի որ այս հիվանդության տարածողն ավելի շատ երեխաները, դեռահասներն են, շատ ցանկալի կլինի, որ նրանք էլ պատվաստված լինեն և փոխանցող չհանդիսանան»,- նշում է Սիմոնյանը։
Հավելենք, որ առողջապահության նախկին նախարար, ԱԺ «Իմ քայլը» խմբակցության պատգամավոր Արսեն Թորոսյանը Facebook-ի իր էջում տեղեկացնում է, որ իր 12-ամյա դուստրն արդեն իսկ պատվաստվել է «Մոդեռնայով»։ Նրա խոսքով՝ երեխայի մոտ հետպատվաստումային բարդություններ չեն եղել, միայն մեկ օր քիչ ջերմել է։ Թորոսյանն ընդգծել է՝ ջերմելն այս դեպքում նույնիսկ լավ է, նշանակում է՝ պատվաստանյութն ազդել է։
Չինաստանը Հայաստանին կորոնավիրուսի դեմ պատվաստանյութի նոր խմբաքանակ կնվիրի
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала