Фон для радио  - Sputnik Արմենիա, 1920
ՌԱԴԻՈ

Հերթով զմռսում ենք սողանցքները. Քերոբյանը` շուկայում թուրքական ապրանքի առկայության մասին

Մինչև երբ պետք է շարունակվի թուրքական ապրանքների ներկրման արգելքը. Քերոբյանի տարբերակը
Բաժանորդագրվեք
ՀՀ էկոնոմիկայի նախարար Վահան Քերոբյանը Sputnik Արմենիայի եթերում անդրադարձել է թուրքական ապրանքների ներկրման արգելքին և դրա հետ կապված որոշ տնտեսական իրողությունների։
ՀՀ էկոնոմիկայի նախարարությունը գտնում է, որ թուրքական ապրանքների ներկրման արգելքն, անկախ տնտեսական ազդեցությունից, պետք է շարունակվի մինչև այն պահը, երբ հարաբերությունները սիմետրիկորեն կկարգավորվեն, այսինքն` մենք էլ կարողանանք ապրանքներ արտահանել Թուրքիա։ Sputnik Արմենիայի հետ զրույցում նման տեսակետ հայտնեց ՀՀ էկոնոմիկայի նախարար Վահան Քերոբյանը։
Ըստ նրա` հիմա վերլուծվում է թուրքական ապրանքների արգելքի ազդեցության հարցը Հայաստանի տնտեսության վրա և դրա հետ կապված կկայացվեն համապատասխան որոշումներ։
Վարոս Սիմոնյան - Sputnik Արմենիա, 1920, 11.10.2021
Հայաստանը ԵԱՏՄ գործընկերներին առաջարկել է գրավել թուրքական արգելված ապրանքների տեղը
Նախարարի պնդմամբ` այժմ թուրքական ապրանքները շրջանառության մեջ շատ ավելի քիչ են հանդիպում և անընդհատ կատարվում են փոփոխություններ, որպեսզի սահմանափակումներն ավելի խստանան և օրենքը գործի ամբողջ ուժով։

«Թուրքական ապրանքները գնալով ավելի հազվադեպ են երևում խանութներում, քան մի քանի ամիս առաջ։ Մենք հասկանում ենք, որ կան սողանցքներ, որոնցից օգտվում են տնտեսվարողները, և հերթով զմռսում ենք դրանք»,– ասաց ՀՀ էկոնոմիկայի նախարարը։

Անդրադառնալով այն հարցին, թե կոնկրետ աշխատանքներ տարվո՞ւմ են տնտեսվարողների համար ներկրման երկրների աշխարհագրությունն ընդլայնելու, գուցե ԵԱՏՄ ուղղորդելու առումով, Քերոբյանն ընդգծեց, որ մարդիկ շատ լավ հասկանում են, թե ինչ ապրանք են վաճառում, իսկ օրենքն ամբողջ ուժով չկիրառելու հանգամանքը խոսում է մեր ինստիտուտների անկատարության մասին։
«Բայց պետք է նաև հասկանալ` քանի որ գտնվում ենք մեծ մաքսային միության մեջ, որտեղ ապրանքները տեղաշարժվում են ազատ, դժվարություններ այսպես թե այնպես` ունենում ենք։ Պատկերացրեք` մի ապրանք արգելված է Աբովյանում, բայց Երևանում արգելված չէ, այսիքն` երբ ապրանքը մտնում է ԵԱՏՄ տարածք, դառնում է այդ տիրութի ապրանք և մաքսային վերահսկողություն բնականաբար չկա»,– նշեց ՀՀ էկոնոմիկայի նախարարը։
Сделано в Турции - Sputnik Արմենիա, 1920, 09.08.2021
Թուրքական ապրանքը բերում՝ պիտակը փոխում են․ ՊԵԿ-ը նախազգուշացնում է
Քերոբյանի դիտարկմամբ`հաշվի առնելով, որ սահման չունենք ակումբակից երկրների հետ, շատ դժվար է զուտ այն առումով, որ մաքսազերծման որևէ փաստաթուղթ չկա, ապրանքները կապարակնքված գալիս են և Հայաստանում կնիքն ուղղակի հանում են։
Հիշեցնենք, որ 2020թ.-ին ընդունված որոշմամբ` Հայաստանում թուրքական ապրանքների 6-ամսյա արգելքն ուժի մեջ է մտել 2021թ–ի հունվարի 1-ից։ ՀՀ կառավարությունը հունիսի 26-ի նիստում վեց ամիս ժամկետով երկարաձգեց թուրքական ապրանքների ներմուծման արգելքը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала