https://arm.sputniknews.ru/20211028/imunvolvogy-pataskhanel-e-patvastanjuteri-u-patvastumneri-masin-amenataratsvats-harcerin-34770503.html

Իմունոլոգը պատասխանել է պատվաստանյութերի ու պատվաստումների մասին ամենատարածված հարցերին

Իմունոլոգը պատասխանել է պատվաստանյութերի ու պատվաստումների մասին ամենատարածված հարցերին

Sputnik Արմենիա

Ինչո՞ւ հանեցին կերակրող մայրերի պատվաստումների սահմանափակումները, ե՞րբ են երեխաներին պատվաստելու, ինչպե՞ս է աշխատում կոլեկտիվ իմունիտետը։ Այս և այլ հարցերին... 28.10.2021, Sputnik Արմենիա

2021-10-28T23:59+0400

2021-10-28T23:59+0400

2021-10-28T23:59+0400

բժիշկ

պատվաստում

կորոնավիրուս

կորոնավիրուսը աշխարհում

կորոնավիրուսը հայաստանում և արցախում

պատվաստանյութ

իմունիտետ

https://cdn.am.sputniknews.ru/img/07e4/0c/19/25889215_0:0:1664:937_1920x0_80_0_0_95f8dad99cbf3568f9629a6f478d1294.jpg

ԵՐԵՎԱՆ, 28 հոկտեմբերի – Sputnik. Կերակրող մայրը կարող է պատվաստանյութը ստանալ՝ չվախենալով իր երեխայի առողջության համար, վստահեցնում է բժիշկ-իմունոլոգ, բժշկական գիտությունների դոկտոր Վյաչեսլավ Ժեմչուգովը։ Sputnik-ին տված հարցազրույցում առանձնապես վտանգավոր ինֆեկցիաների մասնագետ Վլադիսլավ Ժեմչուգովը պատասխանել է կորոնավիրուսի և այդ վիրուսի դեմ պայքարի միջոցների մասին առավել հաճախ տրվող հարցերին։Պատվաստումը լակտացիայի շրջանումՌԴ առողջապահության նախարարության՝ լակտացիան պատվաստումների համար սահմանափակումների ցանկից բացառելու մասին որոշումը ճիշտ է, քանի որ պատվաստանյութում չկա այնպիսի բան, որը կարող է վնասել նորածնին: Բացի այդ, պատվաստանյութի մոլեկուլները մոր կաթի մեջ փաստացի չեն հայտնվում։ Ընդհակառակը, պատվաստված մայրը երեխայի վրա որևէ վնասակար ազդեցություն կանխելու երաշխիք է։Այս պահին իրավիճակն այնպիսին է, որ նույնիսկ փոքր երեխան կարող է վարակվել կորոնավիրուսով։ Եթե նա կուշտ է, տակը չոր, բայց ունի բարձր ջերմություն ու շատ է լացում, պետք է անհապաղ բժշկի դիմել, քանի որ եթե դա կորոնավիրուս է, շատ արագ հանգեցնում է շնչառության բարդացման ու սրտի աշխատանքի խանգարումների։Երեխաների և դեռահասների պատվաստումներ, պաշտպանության միջոցներԱշխարհում արդեն կան մի քանի երկրներ, որտեղ սկսել են երեխաներին կորոնավիրուսի դեմ պատվաստումներ անել։ Ռուսաստանում դեռ կլինիկական փորձարկումներ են անցկացվում, դա որոշակի ժամանակ կպահանջի։ՌԴ–ում կորոնավիրուսի դեմ պատվաստանյութը կսկսեն փորձարկել երեխաների վրաԾնողներին մտահոգում է նաև՝ արդյո՞ք երեխաների դիմակ դնելը չի հանգեցնի նրանց զարգացման դժվարությունների։ Իհարկե, քթով շնչելու ցանկացած սահմանափակում հանգեցնում է ուղեղին արյուն մատակարարելու վատթարացման։ Բայց շատ ավելի մեծ վնաս կարող է տալ հարբուխը կամ ծուռ միջնապատը։ Մի քանի ժամ դիմակ դնելը չի կարող նման հետևանքների հանգեցնել։Կոլեկտիվ իմունիտետԿորոնավիրուսը շատ նենգ է ու անընդհատ մուտացիայի է ենթարկվում, ինչը հանգեցնում է կոլեկտիվ իմունիտետի ձևավորման դանդաղեցմանը։Պատվաստանյութերը ստեղծվել են կորոնավիրուսի առաջին մանրէահիմքերի հիման վրա, այդ պատճառով էլ հին շտամներով հիվանդացած ու պատվաստված մարդիկ կրկին հիվանդանում են, բայց ավելի հեշտ են տանում հիմա տարածված ավելի ագրեսիվ «Դելտա» մանրէահիմքը։Շատ դժվար է կանխատեսել՝ որքան մուտացիաներ կլինեն, ինչպես կդրսևորի իրեն վիրուսը: Չկա իրական իմունիտետի ձևավորմամբ ամբողջական, համակարգված վերլուծություն, որը կներառեր մանրէահիմքի տեսակը, մարդու տարիքը, ուղեկցող հիվանդությունների առկայությունը և այլն: Առանց այդ տվյալների դժվար է եզրակացություններ անել`արդյո՞ք կոլեկտիվ իմունիտետ ձևավորվել է, թե ոչ: Բայց հավանաբար արդեն կարելի է ասել, որ բնակչության մոտ 50-60%–ը դիմացկուն է վիրուսի հանդեպ։Պատվաստանյութի կողմնակիցներն ու ընդդիմադիրները«Շատ լինի, քիչ չլինի» սկզբունքն այստեղ չի գործում։ Ավելորդ պատվաստումը կարող է վնաս հասցնել օրգանիզմին, առավել ևս, եթե մարդու իմունիտետը թուլացած է։ 6 ամիսը մեկ առանց բազմաթիվ գործոններ հաշվի առնելու պատվաստվելը հարցի լուծում չէ։ Մյուս կողմից` անհասկանալի է, թե ինչու են որոշ հեղինակավոր բժիշկներ, գիտությունների դոկտորներ կտրականապես դեմ պատվաստումներին։ Դա ոչնչով հնարավոր չէ բացատրել, բացի անձնական դառը փորձից:ՌԴ մասնագետները կօգնեն գնահատել ՀՀ բնակչության պոպուլյացիոն իմունիտետը Covid-19-ի նկատմամբԻմունոլոգը նշում է, որ անհրաժեշտ է կրթել բնակչությանը, մարդկանց հետ խոսել մատչելի լեզվով, հետևողականորեն և մտածված։

https://arm.sputniknews.ru/20210825/koronavirus-patvastum-erexa-vrastan-28779198.html

https://arm.sputniknews.ru/20210829/mamas-xosq-er-tvel-bayc-eli-dimak-e-gnel-koronavirusayin-u-tankarjeq-septemberi-1-28820365.html

https://arm.sputniknews.ru/20210719/VIRUSABAN-delta-massayakan-imunitet-28339011.html

https://arm.sputniknews.ru/20211028/emn-kynduni-kvorvonavirusi-dem-patvastman-hajastani-tramadrats-sertifikaty-34763892.html

2021

Լուրեր

am_HY

բժիշկ, պատվաստում, կորոնավիրուս, կորոնավիրուսը աշխարհում, կորոնավիրուսը հայաստանում և արցախում, պատվաստանյութ, իմունիտետ