Փաշինյանը նիստ է անցկացրել. իրավաբանական անձինք պետք է բացահայտեն օգուտ ստացողներին

© Photo / official site of the Prime minister of RA Gevorg PerkuperkyanСовещание во главе с и.о. премьер-министра Николом Пашиняном по вопросам реализации инвестиционных программ (21 июля 2021). Еревaн
Совещание во главе с и.о. премьер-министра Николом Пашиняном по вопросам реализации инвестиционных программ (21 июля 2021). Еревaн - Sputnik Արմենիա, 1920, 28.10.2021
Բաժանորդագրվեք
Պաշտոնյաներն ու նրանց հետ փոխկապակցված անձինք պարտավոր են հայտարարագրել նաև այն գույքը, որից փաստացի օգուտ է ստանում կամ տնօրինում է հայտարարատուն:
ԵՐԵՎԱՆ, 28 հոկտեմբերի – Sputnik. ՀՀ վարչապետ Նիկոլ Փաշինյանն այսօր հրավիրել է Հակակոռուպցիոն քաղաքականության խորհրդի նիստ: Տեղեկությունը հայտնում է վարչապետի մամուլի ծառայությունը։ Այս ոլորտում վերջին օրենսդրական բարեփոխումները ներկայացրել է արդարադատության փոխնախարար Սուրեն Գրիգորյանը:
Զեկուցվել է, որ հակակոռուպցիոն ինստիտուցիոնալ համակարգի կայացման շրջանակում հաշվետու ժամանակահատվածում ԱԺ-ի կողմից ընդունվել է Հակակոռուպցիոն կոմիտեի ստեղծմանն ուղղված օրենսդրական փաթեթը: Վերջինիս ձևավորման մեկնարկն ապահովելու նպատակով կայացել է կոմիտեի նախագահի մրցույթը, որի արդյունքներով սեպտեմբերի 16-ին կոմիտեի նախագահ է նշանակվել Հատուկ քննչական ծառայության նախկին ղեկավար Սասուն Խաչատրյանը։ Միաժամանակ, Հատուկ քննչական ծառայությունից 30 քննիչներ Հակակոռուպցիոն կոմիտեում նշանակվել են ինքնավար պաշտոններում՝ որպես ժամանակավոր պաշտոնակատարներ, մինչև մրցութային ընթացակարգերով տվյալ պաշտոնների համալրումը: Աշխատանքներ են իրականացվում Հակակոռուպցիոն կոմիտեի օպերատիվ-հետախուզական գործունեություն իրականացնող ստորաբաժանման ձևավորման իրավական հիմքերի սահմանման ուղղությամբ: Զուգահեռաբար աշխատանքներ են տարվում Հակակոռուպցիոն կոմիտեի շենքային պայմանների ստեղծման ուղղությամբ:
Այս տարվա ապրիլի 14-ին Ազգային ժողովն ընդունվել է «ՀՀ դատական օրենսգիրք» սահմանադրական օրենքում լրացումներ և փոփոխություններ կատարելու մասին» սահմանադրական օրենք և հարակից օրենքները, որոնք ուղղված են Հակակոռուպցիոն մասնագիտացված դատարանի ստեղծմանը:
Վարոսյան. «Հակակոռուպցիոն պայքարը վերածվել է պատվերով համերգի» - Sputnik Արմենիա, 1920, 13.05.2021
«Գործող իշխանություններն ամեն ինչի պես տապալել են նաև հակակոռուպցիոն պայքարը». փաստաբան
«Օրենսդրական ակտերի ուժի մեջ մտնելուց հետո մեկշաբաթյա ժամկետում Բարձրագույն դատական խորհուրդը դատավորների թվակազմն ավելացնելու համաձայնություն ստանալու համար դիմելու է կառավարություն՝ 1) հակակոռուպցիոն դատարանում՝ տասնհինգ դատավորով. 2) վերաքննիչ քրեական դատարանում՝ վեց դատավորով. 3) վերաքննիչ քաղաքացիական դատարանում՝ վեց դատավորով. 4) վճռաբեկ դատարանի քրեական պալատում՝ երկու դատավորով ավելացնելու համար: Կառավարության համաձայնությունը հնգօրյա ժամկետում ստանալուց հետո` մեկշաբաթյա ժամկետում, Բարձրագույն դատական խորհուրդը ավելացնելու է դատավորների թվակազմը»,- նշված է հաղորդագրության մեջ։
Խորհրդարանն ընդունել է նաև «Դատախազության մասին» օրենքում լրացումներ կատարելու մասին օրենքը։ Այս փոփոխություններով կոռուպցիոն գործերի մինչդատական վերահսկողությունը վարելու է Գլխավոր դատախազության առանձին ստորաբաժանումը: Այդ ստորաբաժանման դատախազների համար նախատեսվել է բարեվարքության ստուգման կառուցակարգ։ Նման ընթացակարգ նախատեսված է նաև գլխավոր դատախազի և նրա տեղակալների համար։
Նորիկյան. «Հակակոռուպցիոն դատարանի ստեղծումն ուղղակի ժամավաճառություն է» - Sputnik Արմենիա, 1920, 20.01.2021
Հակակոռուպցիոն դատարանի ստեղծումն ուղղակի ժամավաճառություն է. Նորայր Նորիկյան
Այլ օրենսդրական փոփոխությունների համաձայն՝ ընդլայնվել է հարկային հայտարարագրեր ներկայացնելու պարտավորություն ունեցող անձանց շրջանակը, ներդրվել է ծախսերը, անձի կողմից փաստացի տիրապետվող գույքը հայտարարագրելու պահանջ: Այսուհետև պետք է հայտարարագրվի նաև այն գույքը, որից փաստացի օգուտ է ստանում կամ տնօրինում է հայտարարատուն: Նվազեցվել է հայտարարագրման ենթակա թանկարժեք գույքի դրամական շեմը՝ 8 միլիոն դրամի փոխարեն սահմանվել է 4 միլիոն դրամ։

Օրենսդրական փաթեթ է ընդունվել է նաև իրավաբանական անձանց իրական սեփականատերերի բացահայտման համար, որի շրջանակներում ստեղծվել է ձեռնարկությունների բաց ռեեստր։ Հանրապետության իրավաբանական անձանց պահանջ է ներկայացվել բացահայտել նրանց անունները, ովքեր, ի վերջո, օգուտ են ստանում:

Կոռուպցիոն հանցագործությունների բացահայտման համար ընդունվել է նոր «Քրեական օրենսգիրքը», վերանայվել են կոռուպցիոն հանցագործությունների հանցակազմերը, ներդրվել է իրավաբանական անձանց քրեական պատասխանատվության ինստիտուտը:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала