Հռոմի Ֆրանցիսկոս պապը ՀՀ նախագահին պարգևատրել է Սուրբ աթոռի բարձրագույն շքանշանով

Բաժանորդագրվեք
ՀՀ նախագահն առաջինն է Հայաստանում և միակը տարածաշրջանում, որն արժանանում է Սուրբ աթոռի բարձրագույն՝ Grand Collar of the Papal Order of Pius IX շքանշանին:
Հռոմի Ֆրանցիսկոս պապը ՀՀ նախագահ Արմեն Սարգսյանին պարգևատրել է Սուրբ աթոռի բարձրագույն՝ Grand Collar of the Papal Order of Pius IX շքանշանով։ Տեղեկությունը հայտնում են ՀՀ նախագահի մամուլի ծառայությունից։
Շքանշանը Սարգսյանին հանձնել է պաշտոնական այցով Հայաստանում գտնվող Սուրբ աթոռի պետքարտուղարի ընդհանուր հարցերով փոխանորդ արքեպիսկոպոս Էդգար Պենյա Պառան։
Նշվում է, որ շքանշանին Սարգսյանն արժանացել է Հայաստանի և Սուրբ աթոռի միջև հարաբերությունների զարգացման գործում ունեցած մեծ ավանդի համար, ինչպես նաև որպես Վատիկանում Հայաստանի Հանրապետության առաջին դեսպան:

«Հռոմի պապն ինձ պատվիրակել է ձեզ հանձնել Վատիկանի բարձրագույն պարգևը։ Սա վկայությունն է մեր երկրների միջև գոյություն ունեցող յուրահատուկ հարաբերությունների: Երևանում բացելով Առաքելական նվիրակությունը՝ մենք ցանկանում ենք շատ բարձր մակարդակի հարաբերություններ հաստատել և աշխարհին ցույց տալ պատմության մեջ առաջին քրիստոնյա ազգի կարևորությունը մեզ համար»,-ասել է Պառան:

Նշվել է, որ ՀՀ նախագահն առաջինն է Հայաստանում և միակը տարածաշրջանում, որ արժանանում է Սուրբ աթոռի բարձրագույն՝ Grand Collar of the Papal Order of Pius IX շքանշանին:
Տեղի է ունեցել Հայաստանում Սուրբ Աթոռի առաքելական նվիրակության բացման արարողությունը - Sputnik Արմենիա, 1920, 27.10.2021
Հայաստանում Սուրբ աթոռի առաքելական նվիրակություն բացվեց. տեսանյութ
«Ես այն ընդունում եմ որպես իմ համեստ աշխատանքի գնահատական, ինչպես նաև որպես ճանաչում այն փաստի, որ ես Հայաստանի առաջին դեսպանն եմ եղել Սուրբ աթոռում: Ես մշտապես աշխատել եմ հանուն Հայաստանի և Վատիկանի միջև սերտ հարաբերությունների: Ուստի ես սա ընդունում եմ՝ խոստանալով, որ ավելին եմ անելու»,-ասել է Սարգսյանը:
ՀՀ նախագահն առաջարկել է Հայաստանի և Սուրբ աթոռի միջև 30 տարվա դիվանագիտական կապերը նշանավորել նոր ցուցադրությամբ՝ ևս մեկ անգամ ընդգծելով պատմական ու մշակութային հարուստ ժառանգությունը:
Սուրբ Աթոռի պետքարտուղարի ընդհանուր հարցերով փոխանորդ Էդգար Պենյա Պառանև Արարատ Միրզոյանը - Sputnik Արմենիա, 1920, 27.10.2021
Սուրբ Աթոռի նվիրակությունը ՀՀ-ի համար կլինի տարածաշրջանում կամուրջներ հիմնելու խորհրդանիշ
Նշենք, որ 1999 թ. մարտին Վատիկանի գրադարանի Սիքստինյան սրահում Հայաստանում քրիստոնեությունը պետական կրոն հռչակելու 1700-ամյակի տոնակատարության շրջանակներում բացվեց «Հայաստան-Հռոմ. երկու հազար տարվա հարաբերություններ» խորագրով ցուցահանդեսը։
Հոկտեմբերի 27-ին Հայաստանում Սուրբ աթոռի առաքելական նվիրակություն բացվեց։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала