Օրենքը խախտող միգրանտները հաճախ դառնում են թրաֆիքինգի զոհ. ՌԴ գլխավոր դատախազ

© AP Photo / Mindaugas KulbisՄիգրանտներ. արխիվային լուսանկար
Միգրանտներ. արխիվային լուսանկար - Sputnik Արմենիա, 1920, 29.10.2021
Բաժանորդագրվեք
Ռուսաստանում անօրինական միգրացիայի խնդիրը դեռ պահպանվում է, սակայն իրավիճակի որոշակի բարելավումն ակնհայտ է դարձել։ Այս մասին ասել է երկրի գլխավոր դատախազ Իգոր Կրասնովը։
ԵՐԵՎԱՆ, 29 հոկտեմբերի – Sputnik. Ավելի հաճախ թրաֆիքինգի զոհ են դառնում այն անձինք, որոնք խախտել են ՌԴ մուտք գործելու և բնակվելու օրենքը: Նման միգրանտները հանցագործների համար դյուրին «որս» են, հայտարարել է Ռուսաստանի գլխավոր դատախազ Իգոր Կրասնովը։
Գործակալության փոխանցմամբ՝ Կրասնովը տեսակապով մասնակցել է Շանհայի համագործակցության կազմակերպության (ՇՀԿ) անդամ երկրների գլխավոր դատախազների 19-րդ հանդիպմանը, որի թեման եղել է «Մարդկանց, հատկապես կանանց և երեխաների թրաֆիքինգի սպառնալիքի դեմ պայքարը»։
Կրասնովի խոսքով՝ մարդկանց թրաֆիքինգի հետ կապված հանցագործությունները կանխելու համար դատախազությունը մշտապես վերահսկում է միգրացիոն օրենսդրության պահպանման հարցերը։

«Միայն նախորդ տարի Ռուսաստանում դատախազական ստուգումների նյութերի հիման վրա գրեթե հազար քրեական գործ է հարուցվել միգրացիայի ոլորտում հանցագործությունների վերաբերյալ։ Խնդիրը սերտորեն կապված է հիմնականում ստրկական աշխատանքի կիրառման հետ, որն ունի լատենտության բարձր մակարդակ, քանի որ շատ դեպքերում հենց իրենք՝ տուժողները, խուսափում են իրավապահ մարմինների հետ շփումներից»,- ասել է Ռուսաստանի գլխավոր դատախազը։

Միաժամանակ Կրասնովը նշել է, որ Աշխատանքի միջազգային կազմակերպության կոնվենցիաներով ամրագրված միջազգային իրավական նորմերի համեմատ, Ռուսաստանի օրենսդրությամբ հարկադիր աշխատանքի հասկացությունը զգալիորեն ընդլայնվել է։
«Ցանկացած աշխատանք կարող է հարկադիր ճանաչվել, եթե ապացուցվել է դրա անբարեխիղճ լինելը և պատժի կիրառման սպառնալիքի առկայությունը։ Դատախազության համարժեք պատասխանը կիրառվում է այն դեպքերում, երբ գործատուներն անտեսում են օրենքի պահանջները աշխատողների հետ աշխատանքային հարաբերությունները գրանցելիս: Անհրաժեշտ իրավական և սոցիալական երաշխիքներ չտրամադրող պայմանագրերի կնքումը կասեցվում է»,-ասել է նա։
Очереди мигрантов в УФМС - Sputnik Արմենիա, 1920, 16.09.2021
Ռուսաստանում աշխատանքային միգրանտներին «չիպավորում» են
Ռուսաստանի գլխավոր դատախազի կարծիքով՝ միգրացիոն օրենսդրության պահանջների խստացումը և շահագրգիռ գերատեսչությունների միջև համագործակցության ամրապնդումը միգրանտներին ստիպում են ավելի խստորեն իրականացնել այդ պահանջները, միջոցներ ձեռնարկել իրավական կարգավիճակ ստանալու համար։
ՌԴ-ում աշխատանքային միգրանտները սկսել են ավելի լավ վարձատրվել․ ո՞ր աշխատանքների համար
Կրասնովը նաև նշել է, որ Ռուսաստանում անօրինական միգրացիայի խնդիրը դեռևս պահպանվում է, սակայն իրավիճակի որոշակի բարելավումն ակնհայտ է դարձել։ Այս գործընթացի բարելավումը կայանում է նաև մինչև 2025 թվականն ընկած ժամանակահատվածի համար երկրի վարած պետական միգրացիոն քաղաքականության արդյունքում։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала