«40 տարի անց պատիվ ունեմ լինելու հայրենի հողում». Համբիկ Սասունյանը Հայաստանում է

© Photo : AgosՀամբիկ Սասունյան
Համբիկ Սասունյան - Sputnik Արմենիա, 1920, 30.10.2021
Բաժանորդագրվեք
Համբիկ Սասունյանը հայտնել է, որ հայերի ցուցաբերած աջակցությունը մշտապես քաջալերել է իրեն։
ԵՐԵՎԱՆ, 30 հոկտեմբերի – Sputnik. 1982 թվականին Լոս Անջելեսում Թուրքիայի հյուպատոս Քեմալ Արիկանին սպանելու մեղադրանքով դատապարտված և արդեն իսկ ազատության մեջ գտնվող Համբիկ Սասունյանը ժամանել է Հայաստան: Տեղեկությունը հայտնում է ՀՅԴ–ի ԱՄՆ գրասենյակը:
«Ամենայն ուրախությամբ գրում եմ ձեզ Հայաստանից: Մոտավորապես 40 տարի անց պատիվ ունեմ լինելու հայրենի հողում, խմել հայրենի ջուրը, շնչել օդը և զգալ ընտանեկան ջերմությունը»,–Սասունյանի խոսքերն է փոխանցել ՀՅԴ գրասենյակը։
Նա հավելել է, որ հայերի ցուցաբերած աջակցությունը մշտապես քաջալերել է իրեն։
Համբիկ Սասունյանը «Հայոց ցեղասպանության արդարության մարտիկներ» խմբի անդամ է եղել:
Հիշեցնենք` Սասունյանը 1915 թվականին Օսմանյան կայսրությունում իրագործված Հայոց ցեղասպանության համար Թուրքիայից վրեժ լուծելու նպատակով այդպես էլ չհայտնաբերված հանցակցի հետ գնդակահարել էր Արիկանին ու դատապարտվել ցմահ ազատազրկման։
Полиция США. Архивное фото - Sputnik Արմենիա, 1920, 28.05.2020
Թուրքիայի գլխավոր հյուպատոսին սպանած Համբիկ Սասունյանը կմնա անազատության մեջ. որոշում
Սասունյանին ազատ արձակելու որոշումը 2016 թվականին մերժել էր այն ժամանակվա նահանգապետ Ջերի Բրաունը։ Նա վկայակոչել էր ԱՄՆ պետքարտուղար Ռեքս Թիլերսոնի և գլխավոր դատախազ Ջեֆ Սեյշնի նամակները։
Ի վերջո, Սասունյանն ազատ արձակվեց այս տարի։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала