«70 օր անց առաջին լուրը ստացանք». փրկված զինվորի մոր հուզիչ շնորհավորանքը փրկարարներին

© Photo : Facebook / ԱՀ ՆԳՆ արտակարգ իրավիճակների պետական ծառայությունԱրցախի ներքին գործերի նախարար Կարեն Սարգսյանը 70 օր անհետ կորած համարվող և փրկված զինծառայողների հետ (20 դեկտեմբերի, 2020թ․). Ստեփանակերտ
Արցախի ներքին գործերի նախարար Կարեն Սարգսյանը 70 օր անհետ կորած համարվող և փրկված զինծառայողների հետ (20 դեկտեմբերի, 2020թ․). Ստեփանակերտ - Sputnik Արմենիա, 1920, 30.10.2021
Բաժանորդագրվեք
70 օր անհետ կորած համարվող և ողջ գտնված Արթուր Հովհաննիսյանի մայրը շնորհակալություն է հայտնել փրկարարներին` մանրամասներ ներկայացնելով որդու մասին լուր չունենալու ընթացքում իր ապրումները։
ԵՐԵՎԱՆ, 30 հոկտեմբերի – Sputnik. 2020-ի պատերազմից հետո անհետ կորած համարվող և 70 օր անց ողջ գտնված զինծառայող Արթուր Հարությունյանի մայրը` Սոնա Ադամյանը, հուզիչ շնորհավորական խոսք է հղել Արցախի փրկարարներին մասնագիտական օրվա առթիվ։ Կնոջ շնորհավորանքը փոխանցել է Արցախի ԱԻՊԾ–ն` Facebook–ի էջում հրապարակելով այդ խոսքը։
Պատերազմի հետևանքով գրավված Հադրութում մնացած և 70 օր կապի դուրս չեկած 6 զինվորի 2021-ի դեկտեմբերի 20–ին ողջ էին գտել։

«2020 թվականի 44-օրյա պատերազմի բոթը թակեց նաև մեր դուռը: Ընդամենը 2 ամսվա ժամկետային զինծառայող մեր որդուց` Արթուր Հարությունյանից վերջին լուրը ստացել էինք հոկտեմբերի 16-ին՝ ամսի 10-ից արդեն թշնամու թիկունքում հայտնվելու, շրջափակման մեջ լինելու ընթացքում: Դժոխք դարձած օրերը ամեն անգամ մեզ հեռացնում էին նրան գտնելու հույսից, բայց չէին կտրում»,–պատմում է տիկին Սոնան։

Կինն ասում է, որ ամեն լուսաբացին հույս էր ավելանում, քանի որ որոնողական աշխատանքներն էին սկսում, իսկ մայրամուտին այդ հույսը կարծես մարում էր... Եվ այդպես մինչև դեկտեմբերի 17-ը։ Այդ օրն էր, երբ 70 օր հետո առաջին լուրը ստացան:
Давид Саакян - один из шестерых призывников, пропавших без вести более 70 суток, во время интервью общественному каналу Армении (21 декабря 2020). Карабах - Sputnik Արմենիա, 1920, 21.12.2020
Մոր երազը և անտառում 70 օր թաքնված Դավիթի ցանկությունը. հնարավոր է` էլի կան ողջ մնացածներ
«Աննկարագրելի զգացողություններ ունեմ դեկտեմբերի 20-ի հետ կապված, երբ արդեն կազմ ու նախապատրաստված որոնողական խմբերը դուրս էին եկել առաջին անգամ հաստատ կյանքեր փրկելու, որոնց մեջ էր նաև որդիս: Մեր հանդիպանը դժվար էր ողջ օրը սպասել, առավել ևս, որ վտանգներով դեռ լեցուն էր վերջնական տունդարձի ճանապարհը: Սրտի թրթիռով րոպեներն էինք հաշվում, սպասում օպերացիայի իրականացմանը»,–ասում է տիկին Սոնան։
Նա նաև շնորհակալություն է հայտնել գեներալ-մայոր Կարեն Սարգսյանին։
Հիշեցնենք, որ այդ 6 տղաներից մեկի` Նիկոլայի հորաքույրը, Sputnik Արմենիային մանրամասներ էր պատմել դեպքից։ Հադրութում գտնվող տղաներին հաջողվել է փրկվել, երբ կիսաքանդ տներից մեկում հեռախոսի լիցքավորման սարք էին գտել ու կարողացել մի քանի րոպեով հեռախոսը լիցքավորել։ Մի քանի րոպեով, քանի որ ամեն վայրկյան թշնամին կարող էր նկատել իրենց։
Խմբի տղաներից մեկը` Արմանը, կարողացել է զանգել եղբորն ու իրենց տեղն ասել, որից հետո էլ փրկարարների շնորհիվ կայացել է նրանց որոնման և հայտնաբերման գործընթացը։
Шестеро призывников, пропавших без вести более 70 суток, усилиями ГСЧС, российских миротворцев в Карабахе и МККК вернулись на родину (20 декабря 2020). Степанакерт - Sputnik Արմենիա, 1920, 21.12.2020
6 ընկերներով էինք, ինչ էլ լիներ` պիտի միասին փրկվեինք. 70 օր անհետ կորածների պատմությունը
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала