Գինցբուրգը բացատրել է, թե ինչու են երբեմն պատվաստվածները հիվանդանում COVID-19-ով

© Sputnik / Рамиль Ситдиков / Անցնել ֆոտոբանկԱլեքսանդր Գինցբուրգ
Ալեքսանդր Գինցբուրգ - Sputnik Արմենիա, 1920, 30.10.2021
Բաժանորդագրվեք
Բանն այն է, որ 6-8 ամիս հետո առողջացածների մոտ սկսում է ընկնել հակամարմինների մակարդակը, սակայն պահպանվում են հիշողության բջիջները, որոնք սկսում են հակամարմիններ արտադրել վարակվելուց հետո 2-4-րդ օրվա ընթացքում, իսկ դա արդեն ուշ է։
ԵՐԵՎԱՆ, 30 հոկտեմբերի – Sputnik. Կորոնավիրուսի դեմ պատվաստվածները կարող են հիվանդանալ, քանի որ «Դելտա» շտամի դեպքում հիշողության բջիջները չեն հասցնում գործել։ ՌԻԱ Նովոստիին այս մասին պատմել է Գամալեայի անվան համաճարակաբանության և մանրէաբանության ազգային հետազոտական կենտրոնի տնօրեն Ալեքսանդր Գինցբուրգը։

«Պատվաստվածները վարակվում են, քանի որ «Դելտայի» դեպքում հիշողության բջիջները չեն հասցնում սկսել աշխատանքը: «Դելտա» մանրէահիմքը փոխել է բջիջների հետ փոխազդեցության բնույթը և հենց բջիջների ներսում է ապրում։ Հակամարմինների ցածր մակարդակի ֆոնին վիրուսը հասցնում է ներթափանցել բջիջներ»,-ասել է նա։

Գինցբուրգը պարզաբանել է, որ, որպես կանոն` վեց-ութ ամիս հետո առողջացածների մոտ սկսում է նվազել հակամարմինների տիտրը, սակայն պահպանվում են հիշողության բջիջները, և դրանք սկսում են հակամարմիններ արտադրել վարակվելուց հետո 2-4-րդ օրվա ընթացքում, իսկ դա արդեն շատ ուշ է։ Վիրուսը մի բջիջից մյուսն է անցնում՝ առանց դրանցից դուրս գալու, և կուտակվում է շատ մեծ քանակությամբ։
Նա ընդգծել է, որ հենց այդ պատճառով է, որ անհրաժեշտ է արյան մեջ մշտապես հակամարմինների բարձր մակարդակ պահպանել, այսինքն՝ կես տարին մեկ կրկնակի պատվաստում ստանալ։
Անահիտ Ավանեսյան - Sputnik Արմենիա, 1920, 16.09.2021
Կորոնավիրուսի «Դելտա» շտամի պատճառով ՀՀ–ում մահերն ու ծայրահեղ ծանր վիճակներն ավելացել են
Ավելի վաղ ՌԴ առողջապահության նախարար Միխայիլ Մուրաշկոն հայտարարել էր, որ ՌԴ-ում ստացիոնար բուժման տեղափոխվող կորոնավիրուսով հիվանդ բուժառուների մեծամասնությունը պատվաստված չեն, իսկ հիվանդանոցներում Covid-ի ծանր ընթացքով հոսպիտալացվածների թվում պատվաստվածները 0,03 տոկոսից էլ քիչ են։
Իմունոլոգը պատասխանել է պատվաստանյութերի ու պատվաստումների մասին ամենատարածված հարցերին
COVID-19-ից հիմնականում մահանում են նրանք, ովքեր չեն պատվաստվել․ «Ռոսպոտրեբնադզորի» ղեկավար Աննա Պոպովայի խոսքով՝ Ռուսաստանում կորոնավիրուսից ամեն օր մահացածների թվում պատվաստվածներ գրեթե չկան, իսկ «Դելտա» շտամով վարակվում է պատվաստում ստացածների ոչ ավելի, քան 2 տոկոսը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала