Հիմա, երբ պատերազմ չէ և խաղաղություն չէ, փրկարարները շարունակում են իրենց գործը. Սարգսյան

© Photo : Edgar Kamalyan / official site of the Police of ArtsakhԱրցախի ներքին գործերի նախարար Կարեն Սարգսյան
Արցախի ներքին գործերի նախարար Կարեն Սարգսյան - Sputnik Արմենիա, 1920, 30.10.2021
Բաժանորդագրվեք
ԱԻՊԾ համակարգում աշխատողի մասնագիտական օրվա առթիվ Կարեն Սարգսյանը նշել է, որ ծառայողական գործունեության այս մակարդակը, որը կա այսօր, վկայում է համակարգում աշխատողների մասնագիտական բարձր պատրաստվածության մասին:
ԵՐԵՎԱՆ, 30 հոկտեմբերի – Sputnik. Արցախի արտակարգ իրավիճակների պետական ծառայությունը կարևորագույն դերակատարություն ունեցավ պատերազմական շրջանում ստեղծված իրավիճակում: ԱԻՊԾ համակարգում աշխատողի մասնագիտական օրվա առթիվ իր ուղերձում այս մասին ասել է Արցախի ներքին գործերի նախարար Կարեն Սարգսյանը, տեղեկանում ենք նախարարության կայքից։

«Երբ հրթիռակոծվում էին խաղաղ բնակավայրերը, փրկարարները, վտանգելով սեփական կյանքը, օդային տագնապի խլացնող ազդանշանի ուղեկցությամբ արձագանքում էին բոլոր արտակարգ կանչերին։ Իսկ բռնկված հրդեհների դեպքում արագ կազմակերպում հրդեհաշիջման աշխատանքներ, փլված ու ավերված շենք-շինություններում կատարում էին որոնողափրկարարական աշխատանքներ, հումանիտար օգնություն տրամադրում ապաստարաններում պատսպարվածներին»,–ասել է Սարգսյանը։

Նա նշել է նաև, որ փրկարարները նաև ռազմական գործողությունների էպիկենտրոնում էին՝ զոհված և վիրավորում ստացած զինծառայողներին տարհանելու նպատակով: Բացի այդ, այսօր էլ, երբ պատերազմ չէ ու խաղաղություն չէ, փրկարարները շարունակում են Ադրբեջանի կողմից բռնազավթված Արցախի տարածքներում իրականացնել որոնողական աշխատանքներ, տարհանել աճյուններ ու մասունքներ:
Президент Карабаха Араик Арутюнян поздравил сотрудников ГСЧС с профессиональным праздником (30 октября 2020). Карабах - Sputnik Արմենիա, 1920, 30.10.2020
Մասնագիտական տոնի առիթով Արցախի նախագահը պարգևատրել է հերոս փրկարարներին. լուսանկարներ
Նախարարի խոսքով` սակրավորական խմբերին էլ վերապահվել է Արցախի տարածքը մաքրել ռազմամթերքից, և այդ աշխատանքի արդյունքում մինչ օրս քաղաքացիական բնակչության շրջանում դժբախտ ելքով դեպքեր չեն արձանագրվել:
Սարգսյանն իր խոսքն ամփոփել է` ասելով, որ ծառայողական գործունեության այս մակարդակը, որը կա այսօր, վկայում է համակարգում աշխատողների մասնագիտական բարձր պատրաստվածության մասին:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала