Նոյեմբերի 1-ից դիմակը պարտադիր է նաև բաց տարածքներում. ո՞ր դեպքերում է բացառություն արվում

© Sputnik / Andranik GhazaryanԱրխիվային լուսանկար
Արխիվային լուսանկար - Sputnik Արմենիա, 1920, 30.10.2021
Բաժանորդագրվեք
Եթե հանրային տարածքում եք ու ձեզ վրա չի տարածվում առողջապահության նախարարության սահմանած բացառություններից ոչ մեկը, առանց դիմակի կարող եք լինել միայն ծխելիս, խմելիս և սնվելիս:
ԵՐԵՎԱՆ, 30 հոկտեմբերի – Sputnik. Կորոնավիրուսային հիվանդության տարածման ռիսկը նվազեցնելու նպատակով նոյեմբերի 1-ից դիմակ դնելը պարտադիր է նաև բնակության վայրի բնակելի տարածքից դուրս գտնվելիս հանրային բաց տարածքներում: Այս մասին տեղեկացնում է ՀՀ առողջապահության նախարարությունը։
Նշվում է, որ բնակության վայրի բնակելի տարածքից դուրս գտնվելիս հանրային բաց տարածքներում դիմակ դնելու պահանջը չի վերաբերվում միայն
Մինչև 5 տարեկան երեխաներին,
Հայաստանի Հանրապետության նախագահի, Ամենայն հայոց կաթողիկոսի, վարչապետի, Ազգային ժողովի նախագահի, Սահմանադրական դատարանի նախագահի, Բարձրագույն դատական խորհրդի նախագահի գլխավորությամբ անցկացվող արարողակարգային միջոցառումների ժամանակ ելույթ և ուղերձ ունեցողներին և միջոցառման անմիջական մասնակիցներին (բացառությամբ լրագրողների և սպասարկող անձնակազմի),
Քրոնիկ շնչառական հիվանդություններ ունեցողներին՝ ասթմա, թոքերի քրոնիկ օբստրուկտիվ հիվանդություն, էմֆիզեմա կամ բրոնխիտ` ծանր շնչառական անբավարարություն, 3-րդ, 4-րդ ֆունկցիոնալ դասի քրոնիկ սրտային անբավարարությունը՝ պայմանով, որ նշված անձինք իրենց մոտ ունենան համապատասխան հիվանդության փաստը հաստատող բժշկական փաստաթուղթ,
ֆիզիկական վարժություններ կամ հեծանվավարություն իրականացնողներին,
Բացօթյա հանգստի նպատակով հատուկ առանձնացված վայրերում, հանգստյան գոտիներում և լողափներում, սարերում, անտառներում և նմանատիպ բացօթյա տարածքներում գտնվողներին, սակայն ոչ զբոսայգիներում, քաղաքային պուրակներում, բուսաբանական և կենդանաբանական այգիներում, պատմամշակութային վայրեր այցելությունների, ուխտագնացության, որպես տնտեսական գործունեություն կազմակերպված՝ անհատական և խմբային արշավների, էքսկուրսիաների, քայլարշավների, ուղևորությունների և նման բնույթի այլ միջոցառումներին մասնակցության դեպքում,
Հեռուստահաղորդավարների` հեռուստահաղորդումների և հեռուստածրագրերի հեռարձակման ժամանակ հեռուստատեսային տաղավարում միայնակ գտնվողներին,
Հեռուստահաղորդումների հեռարձակման ժամանակ սուրդոթարգմանություն իրականացնողներին,
Խուլ ու համրերին (խլությամբ տառապող անձինք, որոնք շրթունքների շարժումներին հետևելով են ընկալում խոսքը),
Հոգեկան խանգարումներ և վարքի խանգարումներ ունեցողներին,
Կոգնիտիվ խանգարումներ ունեցողներին,
Դեմքի վնասվածք ունեցող կամ բերանի շրջանում դիմածնոտային միջամտություն տարածներին,
Դիմակ կարելի է չդնել նաև ծխելիս, խմելիս և սնվելիս:
Կորոնավիրուսային բաժանմունքում - Sputnik Արմենիա, 1920, 30.10.2021
«Դելտա» մանրէահիմքը ո՞ր դեպքերում է առանց ախտանշանների դրսևորվում
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала