Նորվեգիայի նվիրաբերած 620 000 դեղաչափ «Մոդեռնայի» պատվաստանյութը Հայաստանում է

© REUTERS / Dado Ruvic / Illustration // File PhotoВакцины от коронавируса Pfizer-BioNTech и Moderna
Вакцины от коронавируса Pfizer-BioNTech и Moderna - Sputnik Արմենիա, 1920, 30.10.2021
Բաժանորդագրվեք
ԵՄ դեսպանը նշել է, որ հաշվի առնելով Հայաստանում COVID-19-ի դեպքերի աճը՝ պատվաստանյութի առաքումը, տեղի է ունենում ճիշտ ժամանակին։
ԵՐԵՎԱՆ, 30 հոկտեմբերի – Sputnik. Նորվեգիայի կողմից «Թիմ Եվրոպա» նախաձեռնության շրջանակում հասանելի «ԵՄ քաղաքացիական պաշտպանության մեխանիզմի» աջակցությամբ Հայաստանին նվիրաբերված «Մոդեռնա» պատվաստանյութի 620 000 դեղաչափն արդեն Հայաստանում է: Տեղեկությունը հայտնում է ՀՀ առողջապահության նախարարությունը։
Նվիրատվությունն առողջապահության նախարարությանն է հանձնել Հայաստանում ԵՄ դեսպան Անդրեա Վիկտորինը և Հայաստանում Նորվեգիայի դեսպան Հելեն Սանդ Անդրեսենը «Զվարթնոց» օդանավակայանում։

«Չնայած մեր երկրում առկա՝ համավարակով պայմանավորված հրատապ մարտահրավերներին, մենք շարունակում ենք պատվաստումների վերաբերյալ տեղեկատվական արշավը։ Այսպիսի մեծ նվիրատվության միջոցով հնարավորություն կունենանք բարձրացնելու բնակչության պատվաստումների տոկոսային մակարդակը և ընդլայնել ծածկույթն ամբողջ Հայաստանում», - նշել է առողջապահության նախարար Անահիտ Ավանեսյանը։

ԵՄ դեսպանն էլ իր հերթին նշել է, որ հաշվի առնելով Հայաստանում COVID-19-ի դեպքերի աճը և պատվաստումների մակարդակը բարձրացնելու անհրաժեշտությունը՝ պատվաստանյութի առաքումը տեղի է ունենում ճիշտ ժամանակին։
Ректор ЕрГМУ Армен Мурадян и почетный доктор ЕрГМУ Нубар Афеян на встрече с членами Ученого совета университета - Sputnik Արմենիա, 1920, 21.07.2021
Բոլոր պատվաստանյութերն էլ չպատվաստվելուց լավ են. Նուբար Աֆեյան
Հիշեցնենք, որ «Մոդեռնա» ընկերության պատվաստանյութի առաջին խմբաքանակը՝ 50 հազար դեղաչափ, Հայաստանին էր փոխանցել Լիտվան։
Հայաստանում կորոնավիրուսի դեմ պատվաստում են «Սպուտնիկ V», «AstraZeneca», «Sinopharm», «Coronavac», «Moderna» պատվաստանյութերով։
Հավելենք` կորոնավիրուսով վարակվածների թիվը վերջին մեկ օրում ավելացել է 2193-ով և դարձել 306 739:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала