Երկու հայ գրոսմայստերներ «Greater Swiss» շախմատի միջազգային մրցաշարի առաջատարների թվում են

© Sputnik / Andranik GhazaryanՇախմատ
Շախմատ - Sputnik Արմենիա, 1920, 31.10.2021
Շախմատ
Բաժանորդագրվեք
Ռիգայի մրցաշարում կայացավ «հայկական դերբին», Պետրոսյանը «Մեծ շվեյցարկա» առաջատարների թվում է։
ԵՐԵՎԱՆ, 31 հոկտեմբերի – Sputnik. Երկու հայ գրոսմայստերներ՝ Մանուել Պետրոսյանը և Ռոբերտ Հովհաննիսյանը, Ռիգայում ընթացող «Greater Swiss» միջազգային խոշոր մրցաշարի առաջատարների թվում են։
Չորրորդ տուրում Մանուել Պետրոսյանը հաղթեց իսպանացի գրոսմայստեր Դավիթ Գուիխարոյին: Սամվել Տեր-Սահակյանը սպիտակներով զիջեց իրանցի Ամիրա Տաբատաբային, Հայկ Մարտիրոսյանը` ևս, նա սպիտակներով զիջեց ամերիկացի Ջեֆրի Շոնգին, Սերգեյ Մովսիսյանը ՝ հնդիկ Պենտալա Խարիկրիշնային: Գաբրիել Սարգսյանը միավորը կիսեց գերմանացի Վինսենտ Գեյմերի հետ։
Լևոն Արոնյան - Sputnik Արմենիա, 1920, 29.10.2021
Արոնյանը ոչ ոքի խաղաց, Հովհաննիսյանը հաղթեց. հայ շախմատիստները` Ռիգայի մրցաշարում
Ոչ–ոքի ավարտվեց նաև տուրի «հայկական դերբին»։ Խաղաղությամբ բաժանվեցին Լևոն Արոնյանն ու Ռոբերտ Հովհաննիսյանը:
Չորս տուրից հետո Պետրոսյանն ու Հովհաննիսյանն ունեն 3 միավոր, նրանք առաջատարների խմբում են։ Իսկ Ռիգայում միանձնյա առաջատարն է Ֆրանսիայի ներկայացուցիչ Ալիրեզա Ֆիրուջան, որը վաստակել է 3,5 միավոր։
Հայաստանի 7 շախմատիստներ Արոնյանի գլխավորությամբ մասնակցում են Ռիգայի միջազգային մրցաշարին
Կանանց մրցաշարում շարունակում է անկայուն խաղերի շարքը: Հերթական պարտությունը կրեց Էլինա Դանիելյանը՝ մնալով 1.5 միավորով: Այս տուրում ոչ-ոքի խաղաց ու միավորների քանակը 2.5-ի հասցրեց Աննա Սարգսյանը:
Հիշեցնենք, որ առաջին երկու տեղ գրաված շախմատիստները կնվաճեն աշխարհի չեմպիոնի հավակնորդների մրցաշարի ուղեգրեր։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала