https://arm.sputniknews.ru/20211031/g20-i-erkrnery-ampvopich-bazmashert-hajtararutjun-en-yndunel-hrvomi-gagatnazhvoghvovum-34862051.html

G20-ի երկրներն ամփոփիչ բազմաշերտ հայտարարություն են ընդունել Հռոմի գագաթնաժողովում

G20-ի երկրներն ամփոփիչ բազմաշերտ հայտարարություն են ընդունել Հռոմի գագաթնաժողովում

Sputnik Արմենիա

G20-ի պետությունները պարտավորվել են լուծումներ տալ մի շարք գլոբալ խնդիրների։ 31.10.2021, Sputnik Արմենիա

2021-10-31T20:35+0400

2021-10-31T20:35+0400

2021-10-31T20:39+0400

աշխարհ

գագաթնաժողով

կորոնավիրուս

համավարակ

g20 գագաթնաժողով

https://cdn.am.sputniknews.ru/img/07e5/0a/1e/34848081_0:0:3185:1793_1920x0_80_0_0_e45c2c760c26919da12f6583808faea5.jpg

ԵՐԵՎԱՆ, 31 հոկտեմբերի – Sputnik. G20-ի երկրները ամփոփիչ հայտարարություն են ընդունել Հռոմի գագաթնաժողովում, գրում է Iz.ru-ն։Նրանք նախ պարտավորվել են ջանքեր ներդնել՝ ապահովելու համընդհանուր, արդյունավետ, որակյալ, մատչելի և անվտանգ պատվաստանյութերի հասանելիությունը։Աշխարհի 20 խոշորագույն տնտեսությունների ղեկավարները խորը մտահոգություն են հայտնել կայուն տնտեսական զարգացման վրա COVID-19 համավարակի ազդեցության վերաբերյալ: G20-ի ղեկավարները նաև մտադիր են համավարակի պայմաններում տարբեր հիվանդությունների դեմ նոր պատվաստանյութերի մշակման տևողությունը 300-ից կրճատել մինչև 100 օր:Կոմյունիկեում ասվում է, որ երկրները ձգտում են դիվերսիֆիկացնել և ընդլայնել պատվաստանյութերի արտադրությունը։Քայլեր կձեռնարկվեն նաև բնակչության կողմից պատվաստանյութերի նկատմամբ վստահության ամրապնդման ուղղությամբ։ Խոսքը, մասնավորապես, կողմնակի ազդեցությունների և դեղամիջոցների արդյունավետության վերաբերյալ ապատեղեկատվության դեմ պայքարի մասին է։Բացի այդ, գագաթնաժողովի մասնակիցները ճանաչել են մինչև 21-րդ դարի կեսերը գլոբալ ածխածնային չեզոքության հասնելու անհրաժեշտությունը: Երկրները պայմանավորվել են ձգտել կանոնակարգված և անվտանգ կերպով վերսկսել այնպիսի միջազգային կազմակերպությունների աշխատանքն, ինչպիսիք են տնտեսական համագործակցության և զարգացման կազմակերպությունը (ՏՀԶԿ), Առողջապահությանհամաշխարհային կազմակերպությունը (ԱՀԿ), Քաղաքացիական ավիացիայի միջազգային կազմակերպությունը (ICAO), ինչպես նաև միջազգային ծովային կազմակերպությունը (IMO):G20-ի երկրների ղեկավարները հայտարարել են, որ անհրաժեշտ են արդյունավետ և նշանակալի գործողություններ՝ ջերմացումը 1,5 աստիճանի մակարդակում պահելու համար: Նրանք հայտարարել են, որ անհրաժեշտ է նպաստել էներգիայի արտադրողների և սպառողների միջև երկխոսությանը՝ միջազգային էներգետիկ ֆորումի հետ համագործակցությամբ: Հայտարարության մեջ կողմերը հավանություն են տվել արտադրողականության վերականգնմանն ու թվային տրանսֆորմացիային։ Ասվում է, որ 2021 թվականի ընթացքում գլոբալ տնտեսական ակտիվությունը վերականգնվում է կայուն տեմպերով՝ շնորհիվ մշտական քաղաքական աջակցության և պատվաստումների:Խոշոր տնտեսությունների ղեկավարները նաև ընդունել են 2022-2024 թվականների կոռուպցիայի դեմ պայքարի գործողությունների պլանը: Երկրները պարտավորվել են աջակցել արհեստական բանականության տեխնոլոգիաների զարգացմանը և ամրապնդել համագործակցությունը կիբեռհանցագործությունների դեմ պայքարում:Բացի այդ, G20-ի երկրները ճանաչել են անօրինական միգրացիայի հոսքերի կանխման կարևորությունը և պարտավորվել քայլեր ձեռնարկել միգրանտների «լիակատար ներգրավմանը» աջակցելու համար: G20-ի երկրները նաև պարտավորվել են պահպանել զբոսաշրջության ոլորտի կայուն և արագ վերականգնումը, որն ամենաշատն է տուժել համավարակից: Հռչակագրում ասվում է, որ կողմերը հանդես են գալիս մշակութային ժառանգության պահպանության և անդառնալի մշակութային ռեսուրսների պահպանման օգտին։

https://arm.sputniknews.ru/20211031/bajdeny-ev-erdvoghany-qnnarkel-en-siriaji-afghanstani-libiaji-u-haravajin-kvovkasi-khndirnery-34859965.html

https://arm.sputniknews.ru/20211031/lavrvovy-hrvomum-yntriqi-zhamanak-khvosel-e-bajdeni-het-34859322.html

2021

Լուրեր

am_HY

աշխարհ, գագաթնաժողով, կորոնավիրուս, համավարակ, g20 գագաթնաժողով