Մասիսի համայնքապետը կմասնակցի առաջիկա ՏԻՄ ընտրություններին «Դավիթ Համբարձումյան» դաշինքով

© Sputnik / Aram NersesyanՆախընտրական պայքար
Նախընտրական պայքար - Sputnik Արմենիա, 1920, 31.10.2021
Բաժանորդագրվեք
Համբարձումյանը տեղեկացրել է, որ հանդես կգա հաշվետվությամբ՝ իր ղեկավարման տարիներին կատարված աշխատանքների վերաբերյալ։
ԵՐԵՎԱՆ, 31 հոկտեմբերի – Sputnik. ՀՀ Արարատի մարզի Մասիսի համայնքապետ Դավիթ Համբարձումյանը կմասնակցի առաջիկա ՏԻՄ ընտրություններին «Դավիթ Համբարձումյան» դաշինքով։ Համբարձումյանն այս մասին հայտնել է Facebook–ի իր էջում։
«Դեկտեմբերի 5-ին կայանալիք ՏԻՄ համամասնական ընտրություններին մասնակցելու եմ «Դավիթ Համբարձումյան» դաշինքով, որտեղ ընդգրկված են մեծամասամբ երիտասարդ, իրենց գործում հաջողություններ գրանցած, բանիմաց անհատներ, ովքեր պատրաստակամ են իրենց ամբողջ կարողությունները ներդնել խոշորացված համայնքի՝ մեր մեծ ընտանիքի զարգացման գործում»,–գրել է նա:
«Ապրելու երկիր» կուսակցության անդամներ - Sputnik Արմենիա, 1920, 30.10.2021
«Ապրելու երկիր» կուսակցությունը որոշել է մասնակցել ՏԻՄ ընտրություններին
Համբարձումյանը տեղեկացրել է, որ հանդես կգա հաշվետվությամբ՝ իր ղեկավարման տարիներին կատարված աշխատանքների վերաբերյալ, իսկ սպասվող ծրագրերի մասին կխոսի նախընտրական քարոզարշավի ժամանակ։
Նշենք, որ Մասիս քաղաքը խոշորացվել է և այսուհետ իր մեջ ընդգրկում է նախկին Մասիսի շրջանի բոլոր համայնքները:
2018թ. ապրիլի 22-ին Էրեբունի վարչական շրջանում մի խումբ անձինք հարձակվել էին բողոքի ակցիա իրականացնող քաղաքացիների վրա և քարերով, մահակներով, էլեկտրահարող սարքերով բռնություն գործադրել: Այդ փաստով ձերբակալված Մասիսի քաղաքապետ Դավիթ Համբարձումյանին, քաղաքապետի տեղակալ Կարեն Օհանյանին, Մասիս քաղաքի բնակիչներ՝ 36-ամյա Սարգիս Սահակյանին, 22-ամյա Գևորգ Համբարձումյանին, 30-ամյա Գոռ Խաչատրյանին մեղադրանք է առաջադրվել:
«Բալասանյանն» ու ՔՊ-ն հուշագիր ստորագրեցին. հայտնի է Գյումրու քաղաքապետի թեկնածուի անունը
Հունիսի 2-ին դատարանը որոշել էր քաղաքապետ Դավիթ Համբարձումյանի և փոխքաղաքապետ Կարեն Օհանյանի նկատմամբ որպես խափանման միջոց կիրառել ստորագրությունը չհեռանալու մասին, և նրանք ազատ էին արձակվել: Ավելի ուշ Մասիսի քաղաքապետին ևս մեկ մեղադրանք էր առաջադրվել՝ խուլիգանություն զենքի գործադրմամբ:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала