Որն է վաղաժամ ճաղատության պատճառը. գիտնականների նոր բացահայտումը

© Sputnik / Руслан Кривобок / Անցնել ֆոտոբանկՃաղատներ
Ճաղատներ - Sputnik Արմենիա, 1920, 31.10.2021
Ճաղատներ
Բաժանորդագրվեք
Նոր հետազոտությունների արդյունքներով` ժամանակի ընթացքում հնարավոր կլինի լուծել ճաղատության խնդիրը։
ԵՐԵՎԱՆ, 31 հոկտեմբերի – Sputnik. Ծերացող ցողունային բջիջները հանգեցնում են մազաթափության։ Այս եզրակացությանն են հանգել Չիկագոյի Հյուսիսարևմտյան համալսարանի գիտնականները։ Նրանց հետազոտության արդյունքները հրապարակված են Nature Aging ամսագրում։
Գիտնականները հետազոտություն են անցկացրել մկների վրա։ Փորձերը ցույց են տվել, որ երբ մազի ցողունային բջիջները ծերանում են, դրանք անջատվում են մազի մազարմատից և հայտնվում մաշկային հյուսվածքում, սակայն վերջինիս միջավայրում ապրել չեն կարող և արագ մահանում։
«Արդյունքում ավելի ու ավելի քչանում են ցողունային բջիջները, որոնք այդքան անհրաժեշտ են մազերի աճի համար: Սա հանգեցնում է մազերի նոսրացման և աստիճանական ճաղատության»,- ասվում է հրապարակման մեջ։
Դդմի սերմ - Sputnik Արմենիա, 1920, 31.10.2021
Յուղ, որն օգնում է պայքարել թրոմբի և քաղցկեղի դեմ
ՌԻԱ Նովոստին, հղում անելով հետազոտության արդյունքներին, գրում է, որ գիտնականներն առաջին անգամ են հայտնում ճաղատության նման մեխանիզմի մասին։
Փորձերի հեղինակները հույս ունեն, որ իրենց հայտնագործությունը մարդկանց կօգնի հաղթահարել մազաթափությունը, քանի որ մկների ֆոլիկուլները նման են մարդու ֆոլիկուլներին։
Ալոպացիան (ճաղատություն) պաթոլոգիական մազաթափություն է, որը հանգեցնում է մազերի մասնակի կամ ամբողջական անհետացմանը։
Գիտնականն ասել է` ինչպես դանդաղեցնել մարդու ուղեղի ծերացումը
Նախկինում հնդիկ գիտնականները հետազոտություններ են անցկացրել և կարողացել են ապացուցել, որ այն տղամարդիկ, որոնց մոտ առկա է մազաթափություն մինչև 40 տարեկանը, սրտի իշեմիկ հիվանդության բարձր ռիսկ ունեն: Ընդ որում, ալոպացիայի դեպքում ռիսկն ավելանում է 5,6 անգամ, իսկ վաղաժամ սպիտակելու դեպքում` 5,3 անգամ։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала