Քոչարյանի ու Գևորգյանի գործով դատական նիստը հետաձգվեց

© Sputnik / Asatur YesayantsАрмен Геворгян на судебном заседании (20 сентября 2019). Еревaн
Армен Геворгян на судебном заседании (20 сентября 2019). Еревaн - Sputnik Արմենիա, 1920, 02.11.2021
Բաժանորդագրվեք
Ռոբերտ Քոչարյանի մոտ նկատվել են կորոնավիրուսի որոշակի նախանշաններ։
ԵՐԵՎԱՆ, 2 նոյեմբերի – Sputnik. Երևան քաղաքի ընդհանուր իրավասության դատարանում ՀՀ երկրորդ նախագահ Ռոբերտ Քոչարյանի և ՀՀ նախկին փոխվարչապետ Արմեն Գևորգյանի գործով այսօր վերսկված լսումները հետաձգվեցին։ Ռոբերտ Քոչարյանը չի մասնակցում դատական նիստին։
Ինչպես տեղեկացրեց պաշտպան Հայկ Ալումյանը՝ նախագահի հարազատներից մեկի մոտ կորոնավիրուս է հաստատվել։ Վերջին մի քանի օրվա ընթացքում Ռոբերտ Քոչարյանը շատ է շփվել այդ մարդու հետ։
«Դատախազությունը դեռևս ներողություն չի խնդրել ինձնից». Քոչարյանը ելույթ ունեցավ դատարանում
«Այսօր նախագահի մոտ նկատվել են կորոնավիրուսի որոշակի նախանշաններ, և նա թեստ է հանձնել։ Այնուամենայնիվ, եթե դատարանը գտնի, որ Քոչարյանը պետք է ներկայանա, 15 րոպեի ընթացքում նա կներկայանա նիստին»,- ասաց Ալումյանը։
Հենց նիստի ընթացքում Ալումյանը ճշտեց, որ թեստի պատասխանը կլինի այսօր երեկոյան՝ 17։30-18։00-ի սահմաններում։
Դատախազ Գևորգ Բաղդասարյանը պահանջեց, որ պաշտպանը ճշտի, թե կոնկրետ ինչ նախանշաններ են Քոչարյանի մոտ։ Պատասխանը ստանալուց հետո դատախազը նշեց, որ այլևս քննարկելու հարց չկա։
Աննա Դանիբեկյան - Sputnik Արմենիա, 1920, 26.10.2021
Դատավորը մերժեց Ռոբերտ Քոչարյանի ու Արմեն Գևորգյանի փաստաբանների միջնորդությունները
Դատական նիստը հետաձգվեց մեկ շաբաթով՝ մինչև նոյեմբերի 9-ը։
Հիշեցնենք, որ ՀՀ երկրորդ նախագահ Ռոբերտ Քոչարյանին այս գործով առանձնապես խոշոր չափերի կաշառքի, իսկ նախկին փոխվարչապետ Արմեն Գևորգյանին՝ փողերի լվացման մեղադրանք է առաջադրվել: Նախորդ նիստերից մեկին Քոչարյանի պաշտպան Հովհաննես Խուդոյանն ու Գևորգյանի պաշտպան Ալեքսանդր Կոչուբաևը դատավոր Աննա Դանիբեկյանին բացարկ ներկայացնելու միջնորդություն էին ներկայացրել, որը սակայն հոկտեմբերի 26-ին մերժվել էր։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала