Ակադեմիկոս Յուրի Հովհաննիսյանը ՅՈւՆԵՍԿՕ–ի հեղինակավոր մրցանակի է արժանացել

© Sputnik / Григорий СысоевНаучный руководитель ЛЯР ОИЯИ Юрий Оганесян после запуска циклотрона ДЦ-280 (25 марта 2019). Дубна
Научный руководитель ЛЯР ОИЯИ Юрий Оганесян после запуска циклотрона ДЦ-280 (25 марта 2019). Дубна - Sputnik Արմենիա, 1920, 03.11.2021
Բաժանորդագրվեք
Մրցանակի հանձնման հանդիսավոր արարողությունը կկայանա նոյեմբերի 15-ին։
ԵՐԵՎԱՆ, 3 նոյեմբերի – Sputnik. Ռուսաստանցի գիտնական, ակադեմիկոս Յուրի Հովհաննիսյանը հիմնարար գիտությունների ոլորտի ձեռքբերումների համար արժանացել է Դ.Ի. Մենդելեևի անվան ՅՈւՆԵՍԿՕ–Ռուսաստան միջազգային մրցանակի։ Տեղեկությունը հայտնում է ՄԱԿ–ի կրթության, գիտության և մշակույթի հարցերի կազմակերպությունը։
Գիտնականն այս բարձր պարգևը ստացել է պարբերական աղյուսակի սահմաններն ընդլայնած հեղափոխական հայտնագործությունների ճանաչման, ինչպես նաև գլոբալ մասշտաբներով հիմնարար գիտությունների զարգացման մեջ նշանակալի ներդրում ունենալու համար։
Մրցանակի հանձնման հանդիսավոր արարողությունը կկայանա նոյեմբերի 15-ին ՅՈւՆԵՍԿՕ–ի գլխավոր գրասենյակում, որը գտնվում է Փարիզում։
Աշխարհահռչակ հայ ակադեմիկոսի համեստ կյանքն ու կենցաղը. կնոջ մահից հետո վերքը չի սպիանում
Յուրի Հովհաննիսյանը ատոմային միջուկի փորձարարական ֆիզիկայի, միջուկային ռեակցիաների ուսումնասիրման, Մենդելեևի պարբերական աղյուսակի նոր տարրերի սինթեզի և հատկությունների հետազոտման, լիցքավորված մասնիկների արագացուցիչների ֆիզիկայի և տեխնիկայի, նանոտեխնոլոգիաներում արագացված ծանր իոնների կիրառման մասնագետ է։ Հովհաննիսյանը ծանր իոնների ֆիզիկայի հիմնադիրներից մեկն է։
Նրա ղեկավարությամբ 2000–ականներին Միջուկային հետազոտությունների ինստիտուտում քիմիական նոր տարրեր են բացահայտվել` 113–ից մինչև 118–ը ներառյալ։
2016 թվականին Տեսական և կիրառական քիմիայի միջազգային միությունը Մենդելեևի պարբերական աղյուսակի 118-րդ քիմիական տարրը ի պատիվ Յուրի Հովհաննիսյանի «օգանեսոն» է անվանել։
Գիտության և մասնավորապես միջուկային ֆիզիկայի զարգացման ոլորտում ունեցած մեծ ներդրման համար Յուրի Հովհաննիսյանը ՀՀ նախագահի կողմից պարգևատրվել է Սուրբ Մեսրոպ Մաշտոցի շքանշանով։
Մրցանակի հանձնման հանդիսավոր արարողությունը կկայանա նոյեմբերի 15-ին։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала