Արծրուն Հովհաննիսյանը չի կարող ԱԺ-ում փորձագետ աշխատել, նա պատասխանող կողմ է. պատգամավոր

© Sputnik / Aram NersesyanԳեղամ Նազարյան
Գեղամ Նազարյան - Sputnik Արմենիա, 1920, 03.11.2021
Բաժանորդագրվեք
Ընդդիմության ներկայացուցիչը կարծում է, որ ՊՆ նախկին մամուլի քարտուղարը պետք է պատասխան տա Արցախյան 44-օրյա պատերազմի ժամանակ ստելու համար։
ԵՐԵՎԱՆ, 3 նոյեմբերի - Sputnik. Հայաստանի պաշտպանության նախարարության նախկին ներկայացուցիչ Արծրուն Հովհաննիսյանը չի կարող փորձագետ լինել խորհրդարանի՝ պաշտպանության ու անվտանգության հանձնաժողովում, Sputnik Արմենիայի հետ զրույցում նշեց ընդդիմադիր «Հայաստան» խմբակցության պատգամավոր Գեղամ Նազարյանը՝ մեկնաբանելով նախատեսվող նշանակումը։
Ոմն ՔՊ-ական հարվածեց ուղիղ աչքիս. Գեղամ Նազարյանը պատմել է իր առողջական վիճակի մասին
Ավելի վաղ Armlur պարբերականը հայտնել էր, որ Պաշտպանության նախարարության նախկին ներկայացուցիչը նշանակվելու է փորձագետ ԱԺ պաշտպանության ու անվտանգության հարցերի մշտական հանձնաժողովում։ Հանձնաժողովի նախագահ Անդրանիկ Քոչարյանը Factor.am-ի հետ զրույցում հաստատել էր այդ տեղեկությունը։
«Ինձ այդ մասին ոչ ոք ոչինչ չի ասել (Նազարյանը հանձնաժողովի անդամ է-խմբ.)։ Բայց Հովհաննիսյանը չի կարող փորձագետ աշխատել, քանի որ նա պատասխանող կողմ է։ Նա դեռ պետք է պատասխան տա իր ստերի համար։ Պատասխանող կողմը ոչ մի դեպքում չի կարող փորձագետ լինել»,-ասաց Նազարյանը։
Арцрун Ованнисян беседует с корреспондентами Sputnik Армения - Sputnik Արմենիա, 1920, 05.04.2021
Արծրուն Հովհաննիսյանն ազատվել է պաշտոնից
Նրա խոսքով՝ փորձագետ նշանակելու վերաբերյալ որոշում կայացնելիս թեկնածուն պետք է ներկայացվի հանձնաժողովի անդամներին։ Բայց հիմա անհասկանալի գործընթաց է գնում՝ իշխանությունները փորձում են ինչ-որ հարցեր լուծել հանձնաժողովից դուրս։
Դա վերաբերում է և՛ փորձագետներին, և՛ 44-օրյա պատերազմի հանգամանքները հետաքննող ապագա հանձնաժողովի կազմին։ Դա առանձին խնդիր է, որը ընդդիմության ներկայացուցիչները մտադիր են հրապարակավ բարձրացնել։
Նշենք, որ ՀՀ ՊՆ նախկին մամուլի քարտուղար և ներկայացուցիչ Արծրուն Հովհաննիսյանին մեղադրում են նպատակաուղղված ստի և արցախյան 44-օրյա պատերազմի ժամանակ փաստերը թաքցնելու մեջ։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала