Առուշ Առուշանյանը հրաժարվում է մանդատից. նա նոր հայտարարություն է տարածել կալանավայրից

© Photo : facebook / Զանգեզուրն ԱյսօրМэр Гориса Аруш Арушанян
Мэр Гориса Аруш Арушанян - Sputnik Արմենիա, 1920, 03.11.2021
Բաժանորդագրվեք
«Հայաստան» դաշինքի ընտրական ցուցակում ընդգրկված Առուշ Առուշանյանը բացատրել է իր որոշման պատճառը և խոսել Ռոբերտ Քոչարյանի մասին։
ԵՐԵՎԱՆ, 3 նոյեմբերի – Spunik. Գորիսի համայնքապետ Առուշ Առուշանյանը, ընդգրկված լինելով «Հայաստան» դաշինքի ընտրական ցուցակում, այսօր մանդատից հրաժարվելու դիմում է ներկայացրել։ Նա կալանավայրից հայտարարություն է տարածել, որը հրապարակվել է «Առուշ Առուշանյան» դաշինքի ֆեյսբուքյան էջում։

«Նման որոշում եմ կայացրել այն պարզ պատճառով, որ ոչ միայն ինձ չեմ տեսնում օրենսդիրում, այլև ցանկանում եմ լինել ձեր կողքին, ձեզ հետ միասին շարունակել շենացնել մեր սիրելի Գորիս համայնքը, ուզում եմ ապրել ու արարել իմ հարազատ քաղաքում, ամբողջ ներուժս ներդնել հանուն մեր համայնքի բարգավաճման ու իմ սիրելի գորիսեցիների բարօրության»,– նշել է Առուշանյանը։

Համայնքապետի խոսքով`այս փուլում իր հիմնական առաքելությունը սիրելի Գորիս համայնքի շարունակական զարգացումն ու առաջընթացն ապահովելն է։
«Ուզում եմ վստահեցնել, որ առաջիկա տարիներին աշխատելու եմ առավել ջանասիրությամբ ու եռանդով, որ ձեզնից յուրաքանչյուրը, ով իր վստահության քվեն տվել է հօգուտ մեր դաշինքի, համոզվի, որ մեր գործն արդար է, որ մեր նպատակներն ազնիվ են ու հեռուն գնացող։ Ես եղել և մշտապես մնալու եմ ժողովրդիս կողքին»,– շեշտել է Առուշանյանը։
Միաժամանակ նա տեղեկացրել է, որ շարունակում է սատարել ՀՀ երկրորդ նախագահ Ռոբերտ Քոչարյանին, քանի որ նրան է վստահում մեր հայրենիքի պաշտպանությունն ու երկրի արագընթաց զարգացումը։
 Мэр Гориса Аруш Арушанян - Sputnik Արմենիա, 1920, 18.10.2021
Առուշանյանի հաղթանակը ընտրություններում դեռ չի նշանակում, որ նրան պետք է կալանքից ազատեն
Հիշեցնենք` հոկտեմբերի 22-ին հայտնի դարձավ, որ մանդատը վայր դնելու վերաբերյալ հայտարարություն է արել «Հայաստան» դաշինքի պատգամավոր Դավիթ Սեդրակյանը։ Ցուցակում հաջորդը, որը պիտի վերցնի պատգամավորի թափուր մանդատը, Գորիս համայնքի ՏԻՄ ընտրություններում վերընտրված Առուշ Առուշանյանն է, որն այժմ կալանավորված է։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала