Կարևոր է` Մինսկի շրջանակում բանակցային գործընթացը վերականգնվի. Փաշինյանը` Հարությունյանին

© Photo : official site of the Prime Minister of RAՎարչապետ Նիկոլ Փաշինյանն հանդիպել է Արցախի նախագահ Արայիկ Հարությունյանի հետ (3 նոյեմբերի, 2021թ.). Երևան
Վարչապետ Նիկոլ Փաշինյանն հանդիպել է Արցախի նախագահ Արայիկ Հարությունյանի հետ (3 նոյեմբերի, 2021թ.). Երևան - Sputnik Արմենիա, 1920, 03.11.2021
Բաժանորդագրվեք
Նիկոլ Փաշինյանը, հանդիպելով Արցախի նախագահին, նշել է, որ 44-օրյա պատերազմի տարելիցին ընդառաջ պետք է այդ ընթացքում արված աշխատանքը վերլուծել և գնահատել իրադրությունը:
ԵՐԵՎԱՆ, 3 նոյեմբերի – Sputnik. Կարևոր է, որ ԵԱՀԿ Մինսկի խմբի համանախագահության շրջանակում բանակցային լիարժեք գործընթացը վերականգնվի։ Արցախի նախագահ Արայիկ Հարությունյանի հետ Հայաստանում հանդիպման ժամանակ ասել է վարչապետ Նիկոլ Փաշինյանը։
Արցախի նախագահը Թաղավարդում քննարկել է տեղահանված բնակիչներին բնակարանով ապահովելու հարցը
«Մենք կարևոր ենք համարում, որ ԵԱՀԿ Մինսկի խմբի համանախագահության շրջանակում բանակցային լիարժեք գործընթացը վերականգնվի, որտեղ, ինչպես նաև համանախագահներն են ընդգծել մի քանի անգամ, հայտնի սկզբունքների հիման վրա, այդ թվում՝ ազգերի ինքնորոշման իրավունքի, տեղի ունենա Լեռնային Ղարաբաղի հակամարտության կարգավորումը՝ վերջնական և համապարփակ և Լեռնային Ղարաբաղի կարգավիճակի ճշգրտումը»,–ասել է Փաշինյանը։
Նա նշել է, որ շուտով 44-օրյա պատերազմի ավարտի առաջին տարելիցն է լրանում, և դրա կապակցությամբ նաև այդ ընթացքում արված աշխատանքը վերլուծելը և իրադրությունը գնահատելը կարևոր է:
Արայիկ Հարությունյանն էլ իր հերթին ասել է, որ Արցախի հարցի քաղաքական լուծման ճանապարհից չեն շեղվել, և Արցախի ինքնորոշման իրավունքը՝ որպես գլխավոր քաղաքական լուծման ուղղություն շարունակում են պահպանել։
Շինարարություն Արցախում. արխիվային լուսանկար - Sputnik Արմենիա, 1920, 02.11.2021
Մինչև տարեվերջ Արցախի մայրաքաղաքում շահագործման կհանձնվի շուրջ 300 բնակարան
«Միջազգային խաղացողները, այդ թվում՝ ԵԱՀԿ Մինսկի խումբը շարունակում է որպես միջնորդ լինել, և օրակարգում Ղարաբաղյան խնդրի լուծման առումով հիմքում դրված է նաև ազգերի ինքնորոշման իրավունքը»,–ասել է Հարությունյանը։
Անդրադառնալով Արցախում ընթացող աշխատանքներին` նա նշել է, որ լայնածավալ շինարարության արդյունքում առաջին պտուղներն են քաղում, և ընդամենը օրերի ընթացքում՝ մինչև տարեվերջ, առնվազն 300 բնակարան միայն Ստեփանակերտ քաղաքում կհանձնեն շահագործման:
Արայիկ Հարությունյանը հանդիպել է Սամվել Կարապետյանի հետ. ի՞նչ են քննարկել
Ըստ Հարությունյանի` հազարավոր բնակարանների հիմքեր են դրվել արդեն իսկ, և մինչև եկող տարվա վերջ առնվազն 2500-3000 բնակարան պատրաստ կլինի: Նա հավելել է, որ կարճ ժամանակահատվածում՝ 2-3 տարվա ընթացքում, ամբողջությամբ կլուծեն բնակարանային և անհրաժեշտ մնացած ենթակառուցվածքային և սոցիալական խնդիրները:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала