ՔԿՀ–ում գրանցվել է կորոնավիրուսի հետևանքով մահվան առաջին դեպքը. Անդրեասյան

«Նուբարաշեն» ՔԿՀ - Sputnik Արմենիա, 1920, 03.11.2021
Բաժանորդագրվեք
Արդարադատության նախարարը նշեց, որ հիմա քննարկում են հրատապ միջոցներ ձեռնարկելու հարցը, որ գոնե ժամանակավորապես սահմանափակեն որոշակի շարժը ՔԿՀ–ներ։
ԵՐԵՎԱՆ, 3 նոյեմբերի – Sputnik. Քրեակատարողական հիմնարկում գրանցվել է կորոնավիրուսի հետևանքով մահվան առաջին դեպքը: ԱԺ պետական-իրավական ու ֆինանսավարկային և բյուջետային հարցերի մշտական հանձնաժողովների համատեղ նիստի ժամանակ հայտարարեց ՀՀ արդարադատության նախարար Կարեն Անդրեասյանը:
Գիտնականները պատմել են կորոնավիրուսի նոր վտանգավոր հետևանքների մասին
«Ցավով պետք է հայտնեմ, որ այսօր ունենք կորոնավիրուսով պայմանավորված առաջին մահը ՔԿՀ–ում, եթե, իհարկե, ինձ ճիշտ են զեկուցել: Հիմա ճշտումներ են անում, քանի որ բժշկական որոշակի թեմաներ կան, բայց նախնական տեղեկացրեցին, որ կորոնավիրուսով է պայմանավորված նրա մահը»,– ասաց Անդրեասյանը:
Նրա խոսքով` հիմա քննարկում են հրատապ միջոցներ ձեռնարկելու հարցը, որ գոնե ժամանակավորապես սահմանափակեն որոշակի շարժը ՔԿՀ–ներ։ Անդրեասյանը նշեց, որ մտածում են նաև, թե ինչպիսի մոտեցումներով պետք է 2022-ին այս խնդիրը կարգավորեն:
Արմեն Մուրադյան - Sputnik Արմենիա, 1920, 29.10.2021
Կորոնավիրուսով հոսպիտալացված երեխաներից 2-ի վիճակը ծայրահեղ ծանր է․ Մուրադյան
Նախարարը վստահեցրեց, որ մինչև այսօր ավելի պաշտպանված են եղել փակ հաստատությունները, բայց հիմա, երբ վիրուսն ավելի ագրեսիվ կերպով է տարածվում, նույնիսկ փակ հաստատություններն ունեն դժվարություններ։ Նա իր խոսքն ամփոփեց` ասելով, որ առաջիկայում հանրությանը կներկայացնեն, թե ինչ ծրագիր ունեն փակ հաստատություններին պաշտպանելու համար։
Հիշեցնենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 2045-ով և դարձել 312 674: Վերջին մեկ օրում կորոնավիրուսից մահացել է 50 մարդ, վարակի զոհ դարձածների ընդհանուր թիվը 6491 է։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала