Ժամանակն է, որ ծրագրերը գործնական հարթություն տեղափոխվեն. Զախարովան` «3+3» ձևաչափի մասին

© Photo / official site of the President of RA Հայ–ադրբեջանական սահման
Հայ–ադրբեջանական սահման - Sputnik Արմենիա, 1920, 03.11.2021
Հայ–ադրբեջանական սահման
Բաժանորդագրվեք
Պաշտոնական Մոսկվան կարծում է, որ «3+3» ձևաչափը կարող է լուծել և՛ հին, և՛ նոր խնդիրները։
ԵՐԵՎԱՆ, 3 նոյեմբերի - Sputnik. ՌԴ ԱԳՆ պաշտոնական ներկայացուցիչ Մարիա Զախարովան այսօր հայտարարել է, որ Ռուսաստանը կողմ է Ադրբեջանի ու Թուրքիայի նախագահների առաջարկած «3+3» տարածաշրջանային խորհրդատվական մեխանիզմի ստեղծման գաղափարին: Խոսքը վերաբերում է Հարավային Կովկասի երկրներին ու նրանց հարևաններին` Ադրբեջան, Վրաստան, Հայաստան, Ռուսաստան, Իրան, Թուրքիա։
«Կարծում ենք` ժամանակն է, որ այդ ծրագրերը գործնական հարթություն տեղափոխվեն։ Բազմակողմ տարածաշրջանային համագործակցության զարգացումը համապատասխանում է այդ ձևաչափի բոլոր ենթադրյալ մասնակիցների շահերին», - նշել Է Զախարովան:
Նրա խոսքով՝ «3+3»-ի գործարկումը կնպաստի միջպետական հարաբերություններում վստահության բարձրացմանը, առկա հակասությունների կարգավորմանը, տարածաշրջանի տնտեսական, տրանսպորտային ներուժի բացահայտմանը: Ձևաչափն ընդհանուր առմամբ կարող է ինչպես հին խնդիրների, այնպես էլ նոր մարտահրավերների լուծում առաջարկել։
Իլհամ Ալիևն ու Ռեջեփ Թայիփ Էրդողանը - Sputnik Արմենիա, 1920, 02.11.2021
«3+3»` բազում տարաձայնություններով տարօրինակ ձևաչափ. Էրդողանի՞ առաջարկն է, թե՞ Ալիևի
Ավելի վաղ ՌԴ արտգործնախարար Սերգեյ Լավրովը Իրանի գործընկերոջ Հոսեյն Ամիր Աբդոլլահիանի հետ համատեղ ասուլիսի ժամանակ հայտարարել էր, որ կողմերը քննարկել են «3+3» ձևաչափի ստեղծման հնարավորությունը։
Լավրովը նշել էր, որ Իրանը, ինչպես Թուրքիան ու Ադրբեջանը, դրական է վերաբերվում այս նախաձեռնությանը։ Նա հույս էր հայտնել, որ Վրաստանը հետաքրքրվածություն կդրսևորի խորհրդակցությունների նման մեխանիզմ ստեղծելու և Անդրկովկասի զարգացմանն ուղղված որոշումները համաձայնեցնելու հարցում։
Հոկտեմբերին Վրաստանի ԱԳՆ–ն հերքեց տեղեկությունը, թե գերատեսչության ղեկավար Դավիթ Զալկալիանին իբր հաստատել է Հայաստանի, Ադրբեջանի, Վրաստանի, Իրանի, Ռուսաստանի և Թուրքիայի մասնակցությամբ «3+3» ձևաչափի բանակցություններին վրացական կողմի մասնակցության պատրաստակամությունը։
Նիկոլ Փաշինյան - Sputnik Արմենիա, 1920, 06.10.2021
Պետք է հասկանանք` դրանք ինչ ֆորմատներ են. Փաշինյանը` «3+3»–ի առաջարկի մասին
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала