https://arm.sputniknews.ru/20211104/ynddimutjuny-chi-masnakci-44-orja-paterazmn-usumnasirvogh-handznazhvoghvovi-ashkhatanqin-ete-34990631.html

Ընդդիմությունը չի մասնակցի 44-օրյա պատերազմն ուսումնասիրող հանձնաժողովի աշխատանքին, եթե...

Ընդդիմությունը չի մասնակցի 44-օրյա պատերազմն ուսումնասիրող հանձնաժողովի աշխատանքին, եթե...

Sputnik Արմենիա

Ընդդիմությունը պայքարելու է այն փոփոխությունների դեմ, որոնք թույլ են տալիս խորհրդարանական արտաքին ուժերին մասնակցել պատերազմի հանգամանքներն ուսումնասիրող... 04.11.2021, Sputnik Արմենիա

2021-11-04T15:08+0400

2021-11-04T15:08+0400

2021-11-04T15:11+0400

հայաստան

աժ (ազգային ժողով)

պատերազմ

արթուր ղազինյան

հանձնաժողով

https://cdn.am.sputniknews.ru/img/07e5/08/02/28517240_0:0:1485:836_1920x0_80_0_0_cdb4fc1aeeec11a51e60b203d023c3fb.jpg

ԵՐԵՎԱՆ, 4 նոյեմբերի – Sputnik. Խորհրդարանական ընդդիմությունը չի մասնակցի 44-օրյա պատերազմն ուսումնասիրող հանձնաժողովի աշխատանքներին, եթե կորցնի ¼ + 1 ձայն ձևաչափը։ Ընդդիմադիր ուժերի կազմակերպած համաժողովում այս մասին հայտարարեց «Հայաստան» խմբակցության պատգամավոր Արթուր Ղազինյանը։«Եթե ստեղծվի նման իրավիճակ, ապա մեր մասնակցությունը կդառնա ձևական, և մենք կամա թե ակամա մաս ենք կազմելու հրեշավոր հանցագործությունների պարտակմանն ու քողարկմանը։ Մեր քաղաքական և մասնագիտական հիմնական թիրախն է դրվագ առ դրվագ բացահայտել այս իշխանության կողմից հայկական պետականության և Արցախի դեմ կատարված դավաճանական հանցագործությունների ամբողջ ծավալը»,- ասաց նա։Այս համատեքստում Ղազինյանը նշեց, որ խորհրդարանում և Սահմանադրական դատարանում ընդդիմությունը պայքարելու է այն փոփոխությունների դեմ, որոնք թույլ չեն տա «ամեն պատահածի» մասնակցել պատերազմի հանգամանքներն ուսումնասիրող հանձնաժողովի աշխատանքներին։Հիշեցնենք` հուլիսի 26-ին ԱԺ նախագահ Ալեն Սիմոնյանը հայտարարեց 44-օրյա պատերազմի հանգամանքներն ուսումնասիրող հանձնաժողով ստեղծելու որոշման մասին։ Նրա խոսքով` հանձնաժողովում պետք է ընդգրկվեն ինչպես խորհրդարանական, այնպես էլ արտախորհրդարանական ուժերի ներկայացուցիչներ, ինչպես նաև ռազմագերիների և անհետ կորած զինծառայողների հարազատներ ու փորձագետներ։Վարչապետ Նիկոլ Փաշինյանն էլ հայտարարեց օրենսդրական փոփոխություններ կատարելու մտադրության մասին, որոնք թույլ կտան այս հանձնաժողովում ընդգրկել արտախորհրդարանական երեք ուժերի ներկայացուցիչներին, ռազմագերիների ու անհայտ կորած զինծառայողների հարազատներին ու փորձագետներին։Արծրուն Հովհաննիսյանը չի կարող ԱԺ-ում փորձագետ աշխատել, նա պատասխանող կողմ է. պատգամավորԱրդեն տեղեկություններ են հայտնվել, որ ՊՆ նախկին մամուլի քարտուղար Արծրուն Հովհաննիսյանը կնշանակվի ԱԺ պաշտպանության և անվտանգության հարցերի մշտական հանձնաժողովի փորձագետ։ Ընդդիմությունը կտրականապես դեմ է դրան, քանի որ նրան համարում է հայկական կողմի պարտության մեղավորներից մեկը։

https://arm.sputniknews.ru/20211029/44-orja-paterazmi-qnnich-handznazhvoghvovi-steghtsumy-hapaghum-e-ghazinjani-pattsharvov-qvocharjan-34793761.html

https://arm.sputniknews.ru/20211030/unenq-mi-shat-kvonkret-vorvoshum-pashinjany-handipel-e-artakhvorhrdaranakan-uzheri-ghekavarnerin-34837951.html

2021

Լուրեր

am_HY

հայաստան, աժ (ազգային ժողով), պատերազմ, արթուր ղազինյան, հանձնաժողով