Գնաճը Հայաստանում. ինչն ինչքան է թանկացել

Բաժանորդագրվեք
Վերջին ամիսներին գնաճ է գրանցվում պարենային և ոչ պարենային ապրանքաշուկայում։ Sputnik Արմենիայի ինֆոգրաֆիկան ներկայացնում է Հայաստանի պարենային շուկայում նկատված գնաճի չափը` վերջին տարվա և վերջին ամսվա կտրվածքով։
Հայաստանի Հանրապետության սպառողական շուկայում 12-ամսյա գնաճը (2021թ. հոկտեմբերը 2020թ. հոկտեմբերի նկատմամբ) կազմել է 9.1%, իսկ նախորդ ամսվա նկատմամբ` 0.7%: Տեղեկությունը ներկայացնում է Վիճակագրությւան կոմիտեն։
2021թ. հունվար-հոկտեմբերին սպառողական գների միջին ամսական հավելաճը կազմել է 0.4%: Հանրապետության դիտարկվող բոլոր քաղաքներում 2021թ. հոկտեմբերին սեպտեմբերի համեմատ սպառողական գներն աճել են 0.5-0.8%-ով, այդ թվում, գնաճի ամենաբարձր ցուցանիշն արձանագրվել է Վանաձորում: Մայրաքաղաքում սպառողական գների մակարդակն աճել է 0.7%-ով:
2021թ. հոկտեմբերին 2020թ. հոկտեմբերի համեմատ հանրապետությունում արձանագրվել է սննդամթերքի և ոչ ալկոհոլային խմիչքի 16.0%, իսկ 2021թ. սեպտեմբերի համեմատ՝ 1.4% գնաճ: Վերջինիս մեծապես նպաստել են սուրճի, թեյի, կակաոյի, մրգի, կաթնամթերքի, պանրի, ձվի, ձկան և ծովամթերքի, բանջարեղենի՝1.5-5.2% գնաճերը:
Գնաճի բարձր մակարդակը դեռ կպահպանվի. ԿԲ–ն վերաֆինանսավորման տոկոսադրույքը թողեց անփոփոխ
Բանջարեղենի ապրանքախմբում 2021թ. հոկտեմբերին 2020թ. հոկտեմբերի համեմատ արձանագրվել է 69.3%, իսկ 2021թ. սեպտեմբերի համեմատ՝ 5.2% գնաճ: Մրգի ապրանքախմբում 2021թ. հոկտեմբերին 2020թ. հոկտեմբերի համեմատ արձանագրվել է 0.4%, իսկ 2021թ. սեպտեմբերի համեմատ`2.4% գնաճ:
Ձկան և ծովամթերքի ապրանքախմբում 2021թ. հոկտեմբերին 2020թ. հոկտեմբերի համեմատ արձանագրվել է 31.9%, իսկ 2021թ. սեպտեմբերի համեմատ՝ 3.3% գնաճ:
Կաթնամթերքի, պանրի և ձվի շուկայում 2021թ. հոկտեմբերին 2020թ. հոկտեմբերի համեմատ գրանցվել է 11.7%, իսկ 2021թ. սեպտեմբերի համեմատ՝ 2.6% գնաճ: Ձվի գինը 2021թ. հոկտեմբերին 2020թ. հոկտեմբերի համեմատ աճել է 28.2%-ով, իսկ 2021թ. սեպտեմբերի համեմատ`4.8%-ով: 2021թ. հոկտեմբերին 2020թ. հոկտեմբերի համեմատ հանրապետությունում արձանագրվել է պանրի 8.8%, իսկ 2021թ. սեպտեմբերի համեմատ`2.5% գնաճ:
ԵԱՏՄ–ն փորձում է զսպել շաքարավազի գնաճը. Հայաստանում սպասում են ընդհանուր որոշման
Այսքան գնաճի մեջ, մեկ ապրանքանիշ գնանկում է գրանցել։
Յուղերի և ճարպերի ապրանքախմբում 2021թ. հոկտեմբերին 2020թ. հոկտեմբերի համեմատ արձանագրվել է 23.6% գնաճ, իսկ 2021թ. սեպտեմբերի համեմատ 0.2% գնանկում: Արևածաղկի բուսական յուղի գնաճը 2021թ. հոկտեմբերին 2020թ. հոկտեմբերի համեմատ կազմել է 42.4%, իսկ 2021թ. սեպտեմբերի համեմատ արձանագրվել է 1.3% գնանկում:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала