Հայաստանում հազարավոր թափուր աշխատատեղեր կան. Փաշինյան

© VAHRAM BAGHDASARYANВсеармянский фонд "Айастан" строит многоквартирные жилые здания и детский сад в районе Муш в Гюмри.
Всеармянский фонд Айастан строит многоквартирные жилые здания и детский сад в районе Муш в Гюмри. - Sputnik Արմենիա, 1920, 04.11.2021
Բաժանորդագրվեք
Աշխատուժի բացակայության խնդիրը, ըստ վարչապետի, առկա է բոլոր ոլորտներում` սկսած շինարարությունից մինչև բարձր տեխնոլոգիաներ։
ԵՐԵՎԱՆ, 4 նոյեմբերի – Sputnik. Հայաստանում հազարավոր թափուր աշխատատեղեր կան։ Նման հայտարարություն այսօր կառավարության նիստում արեց ՀՀ վարչապետ Նիկոլ Փաշինյանը` վկայակոչելով ՀՀ աշխատանքի և սոցիալական հարցերի նախարարության տվյալները։
Նոր ռեկորդ Հայաստանի աշխատատեղերի շուկայում. գրանցված աշխատողների թիվը շարունակում է աճել
«Ամենահաճախ ստացվող ահազանգը բիզնեսից աշխատուժի խնդիրն է` սկսած շինարարության ոլորտից, ավարտած բարձր տեխնոլոգիաների ոլորտով։ Ամենուր մենք աշխատատեղերի խնդիր ունենք, և այս հարցը պետք է մեր աչքի առաջ ունենանք ու զբաղվենք դրա լուծմամբ»,– ասաց Փաշինյանը։
Ծրագրերի շարքում վարչապետը կարևորեց նաև հեռագնա արոտավայրեր տանող ճանապարհների շինարարության խնդիրը, որոնք հեռավորության ու անմատչելիության պատճառով գրեթե չեն օգտագործվում։
Երկաթուղային աշխատանքներ - Sputnik Արմենիա, 1920, 31.05.2021
Ինչո՞ւ է Հայաստանում օրինական աշխատատեղերի թիվն ավելանում. հարկայինի բացատրությունը
«Հայաստանի արոտավայրերի գերակշիռ մասը` մոտ 70-80 տոկոսը, չի օգտագործվում։ Հիմնական պատճառը ճանապարհների բացակայությունն է»,– ասաց նա։
Հիշեցնենք` ՀՀ կառավարության 5-ամյա ծրագրով նախատեսվում է մինչև 2026 թվականը Հայաստանում գործազրկության մակարդակը 10 տոկոսից ցածր դարձնել։ Բարձր տեխնոլոգիաների ոլորտում մինչև 2026-ը նախատեսվում է ունենալ շուրջ 35 000 զբաղվածներ և ոլորտի շրջանառությունը դարձնել 500 մլրդ դրամ։ Այսինքն` ստեղծել շուրջ 16 000 աշխատատեղ ` 5 տարում։ Մինչև 2026թ–ը նախատեսվում է նաև կառուցել կամ նորոգել շուրջ 300 դպրոց, 500 մանկապարտեզ, ինչը կառավարության մեկնաբանմամբ, ևս կնպաստի շինարարության ոլորտում աշխատատեղերի ավելացմանն ու զբաղվածության խթանմանը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала