Շիրակի մարզպետի պաշտոնն ամենապատվաբերն էր. Հարությունյանը խոսեց արածից ու խնդիրներից

© Sputnik / Armenuhi Mkhoyan Հովհաննես Հարությունյանի վերջին մամուլի ասուլիսը Շիրակի մարզպետի սենյակում (4 նոյեմբերի, 2021թ․). Գյումրի
Հովհաննես Հարությունյանի վերջին մամուլի ասուլիսը Շիրակի մարզպետի սենյակում (4 նոյեմբերի, 2021թ․). Գյումրի - Sputnik Արմենիա, 1920, 04.11.2021
Բաժանորդագրվեք
Հովհաննես Հարությունյանը Շիրակի մարզպետի պաշտոնից ազատվել է սեփական դիմումի համաձայն: «Քաղաքացիական պայմանագիր» կուսակցության կողմից նոր մարզպետը կլինի 4-րդը:
ԵՐԵՎԱՆ, 4 նոյեմբերի –Sputnik, Արմենուհի Մխոյան. Շիրակի արդեն նախկին մարզպետ Հովհաննես Հարությունյանի` ՀՀ կառավարութան կողմից պաշտոնից ազատվելու որոշումից անմիջապես հետո մարզպետի ցուցանակն արդեն հանված էր, նոր մարզպետի ցուցանակը դեռ փակցված չէ:
© Sputnik / Armenuhi Mkhoyan Շիրակի մարզպետի առանձնասենյակի դուռը
Շիրակի մարզպետի առանձնասենյակի դուռը - Sputnik Արմենիա, 1920, 04.11.2021
Շիրակի մարզպետի առանձնասենյակի դուռը
Թեև նոր մարզպետի անունը Հովհաննես Հարությունյանը չբարձրաձայնեց, սակայն այն, որ շուտով, ամենայն հավանականությամբ, Շիրակն ունենալու է իր պատմության մեջ 2-րդ կին մարզպետը, մարզում բոլորը գիտեն:
Խոսքը ՀՀ ԱԺ պատգամավոր Նազելի Բաղդասարյանի մասին է, նա օրեր առաջ է հրաժարվել պատգամավորի մանդատից։ Նշենք, որ Շիրակի 11 մարզպետներից միայն մեկն է կին եղել ՝ Լիդա Նանյանը, որը պաշտոնավարել է 2007-2010 թվականներին։
Ամեն դեպքում, Հովհաննես Հարությունյանը վստահ է` հաջորդ մարզպետն ի զորու կլինի լուծել իր առջև դրված խնդիրները։ «Շիրակի մարզում խնդիրները կարևորությամբ իրար չեն զիջում և ասել, որ այս մի հարցն ավելի կարևոր է և պետք է օր առաջ լուծել, քան մյուսը, այդպես չէ»,–մարզպետի առանձնասենյակում ԶԼՄ ներկայացուցիչների հետ վերջին հանդիպման ժամանակ ասաց նա։
Հովհաննես Հարությունյանը շնորհակալություն հայտնեց ՀՀ կառավարությանն ու վարչապետին, Շիրակի մարզպետարանի աշխատակազմին, համայնքների և ուժային կառույցների ղեկավարներին և ԶՄՆ-ներին համատեղ արգասաբեր աշխատանքի համար։
Վարդգես Սամսոնյանի երդմնակալության արարողությունը - Sputnik Արմենիա, 1920, 04.11.2021
Գյումրու բանալին ի պահ տրվեց նորընտիր քաղաքապետին. Վարդգես Սամսոնյանը երդվեց
«Աշխատանքը պատվաբեր էր, կարևոր․իմ կենսագրությունում Շիրակի մարզպետ աշխատելու ժամանակահատվածն ամենակարևոր տողը կլինի: Ես եղել եմ հավատարիմ այն բոլոր ճիշտ մոտեցումներին, ինչը բնորոշ է շիրակցուն։ Իմ որոշումների հիմքում եղել են միայն ի նպաստ Շիրակի որոշումներ»,- անկեղծացավ Հովհաննես Հարությունյանը։
Նա նշեց, որ մարզպետի պաշտոնից հրաժարվելու մասին բոլորն էլ պետք է ենթադրեին, երբ համաձայնել էր գլխավորել «Քաղաքացիական պայմանագիր» կուսակցության նախընտրական ցուցակը Գյումրու ավագանու ընտրություններում։

Ինչ վերաբերում է նոր աշխատանքի անցնելուն, ապա նա նշեց, որ վերջնական որոշում այս պահին չկա։ «Քաղաքական ղեկավարությունը, իմ գործընկերները և ես տարբեր քննարկումների մեջ ենք։ Քննարկումների արդյունքում ինչ որոշման էլ հանգենք, անկախ այն հանգամանքից, թե ինչ պաշտոն կզբաղեցնեմ, միևնույն է, լինելու եմ Շիրակի մարզի կողքին»։

Նախկին մարզպետը չի փոշմանել նախընտարական պայքարին մասնակցելու համար, վստահեցնում է՝ անմիջական շփումներից առկա խնդիրների մասին առավել հիմնավոր է տեղեկացվել։
Հիշեցնենք` հոկտեմբերի17-ին Գյումրիում անցկացված ՏԻՄ ընտրություններում անցողիկ շեմը հաղթահարել էին 5 ուժ՝ «Բալասանյան» դաշինքը՝9637 քվե (36,59%), «Քաղաքացիական պայմանագիր» կուսակցությունը՝ 7785 քվե (29,56 %), «Զարթոնք» կուսակցությունը՝ 2793 քվե (10,60%), «Ապրելու երկիր» կուսակցությունը՝ 1489 քվե (5,65%), Հայաստանի հանրապետական կուսակցությունը՝ 1333 քվե (5,06%):
Գյումրու նորընտիր քաղաքապետը ընդդիմությանը «կստիպի» համատեղ գործել
Նրանցից որևէ մեկը միանձնյա քաղաքային իշխանություն ձևավորել չէր կարող, քանի որ ստացած քվեների համաձայն` ավագանու 33 տեղերի կեսից ավելին՝ 17 մանդատ, որևէ ուժի բաժին չէր հասել։
Այդ պատճառով էլ ՔՊ–ն ու «Բալասանյան» դաշինքը համագործակցության հուշագիր էին ստորագրել։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала