Հայկ Մարությանը մեկուսացած է, ոչ մեկի հետ չի շփվում. փոխքաղաքապետ

© Sputnik / Aram NersesyanЗаседание совета старейшин Еревана (15 января 2019). Еревaн
Заседание совета старейшин Еревана (15 января 2019). Еревaн - Sputnik Արմենիա, 1920, 05.11.2021
Բաժանորդագրվեք
«Քաղաքացիական պայմանագիր» խմբակցության պատգամավորը նշեց, որ Երևանի քաղաքապետի բացակայությունն այս անգամ հարգելի է, բայց խնդրեց փոխանցել, որ մյուս անգամ անձամբ ներկայանա ԱԺ։
ԵՐԵՎԱՆ, 5 նոյեմբերի – Sputnik. Երևանի քաղաքապետ Հայկ Մարությանը մեկուսացել է։ Այսօր ազգային ժողովում տեղեկությունը հայտնեց փոխքաղաքապետ Սերգեյ Ներսեսյանը` պատասխանելով «Քաղաքացիական պայմանագիր» խմբակցության պատգամավոր Սերգեյ Մովսիսյանի հարցին։
Պատգամավորը հետաքրքրվեց` տեղյա՞կ եք` ինչու քաղաքապետն անձամբ չի եկել, որպեսզի ներկայացնի Երևանի բյուջեի ծրագիրը։

«Ճիշտն ասած` քաղաքապետն ուզում էր գալ և անձամբ ներկայացնել Երևանի բյուջեի ծրագիրը։ Բայց, ցավոք սրտի, հաշվի առնելով ներկայիս համաճարակը, որը մտավ նաև նրանց տուն, և նրա կինն ու երեխաներն այս պահի դրությամբ հիվանդ են Covid–ով, նա, զուտ լինելով վտանգավոր զոնայում, չի ուզում վտանգել այլ մարդկանց կյանքը։ Այժմ նա գտնվում է մեկուսացած վիճակում, իհարկե աշխատանքի վայրում, ոչ մեկի հետ կոնկրետ շփման մեջ չի գտնվում»,– պատասխանեց Ներսեսյանը։

Պատգամավորն առողջության մաղթեց քաղաքապետին և ավելացրեց. «Ուղղակի փոխանցեք, որ պատգամավորներն ասում են` այս անգամ պատճառը հարգելի է, բայց մյուս անգամ Ազգային ժողովին անձամբ ներկայանա»։
Նշենք, որ Ազգային ժողովի տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում Մարությանը պետք է ներկայացներ 2022 թվականի ՀՀ պետական բյուջեի` քաղաքապետարանի ծախսերն ու եկամուտները:
Հայկ Մարության - Sputnik Արմենիա, 1920, 26.10.2021
Առնետների հավաքակայան է. Մարությանը` բազմաբնակարաններում աղբամուղերի և դրանք փակելու մասին
Հիշեցնենք` ԱԺ արտահերթ ընտրություններից հետո ԶԼՄ–ներից մեկին տված հարցազրույցում վարչապետի կառավարության աշխատակազմի ղեկավար Արայիկ Հարությունյանը քննադատել էր Երևանի քաղաքապետ Հայկ Մարությանին` նշելով, որ նա, լինելով «Իմ քայլի» կողմից առաջադրված քաղաքապետ, նախընտրական փուլում ակներև և հրապարակային աջակցություն չի հայտնել ՔՊ-ին, իսկ այն քվեն, որով Մարությանը դարձել է Երևանի քաղաքապետ, մեծամասամբ այն ուժինն է, որը երկրորդ անգամ է ձևավորելու կառավարություն։
Այս տարի ավելի պասիվ են. Հայկ Մարությանը չի պատրաստվում հրաժարական տալ
Հարությունյանը նաև նշել էր, որ կուսակցականների շրջանում Մարությանի նկատմամբ ձևավորվել է հստակ վերաբերմունք, և իրենք պետք է հասկանան ու որոշում կայացնեն` ինչ անեն այս իրավիճակում, որ քաղաքը և քաղաքային իշխանությունը չտուժեն։
Երևանում ևս 6 մանկապարտեզ կհիմնանորոգեն. Հայկ Մարությանը կնքել է պայմանագրերը
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала