https://arm.sputniknews.ru/20211105/hh-ev-rd-gaa-nakhagahnery-hamagvortsakcutjan--tshanaparhajin-qartez-stvoragrecin-35015790.html
ՀՀ և ՌԴ ԳԱԱ նախագահները համագործակցության ճանապարհային քարտեզ ստորագրեցին
ՀՀ և ՌԴ ԳԱԱ նախագահները համագործակցության ճանապարհային քարտեզ ստորագրեցին
Sputnik Արմենիա
ԵՐԵՎԱՆ, 5 նոյեմբերի – Sputnik. Ռուսաստանի գիտությունների ակադեմիայի նախագահ Ալեքսանդր Սերգեևն ու Հայաստանի գիտությունների ազգային ակադեմիայի նախագահ Աշոտ... 05.11.2021, Sputnik Արմենիա
2021-11-05T11:57+0400
2021-11-05T11:57+0400
2021-11-05T12:18+0400
հայաստան
ռուսաստան
գիտություն
https://cdn.am.sputniknews.ru/img/07e5/0b/05/35015039_0:115:1101:734_1920x0_80_0_0_cd4f43d7acdcc4a4f7700c83d25b9311.jpg
ԵՐԵՎԱՆ, 5 նոյեմբերի – Sputnik. Ռուսաստանի գիտությունների ակադեմիայի նախագահ Ալեքսանդր Սերգեևն ու Հայաստանի գիտությունների ազգային ակադեմիայի նախագահ Աշոտ Սաղյանն այսօր Երևանում ռուս-հայկական գիտական համագործակցության ճանապարհային քարտեզ ստորագրեցին։«Մենք բոլորս շատ լավ հասկանում ենք, թե հիմա որքան կարևոր է ակադեմիաների և ինստիտուտների համագործակցությունը։ Մենք տեսնում ենք, թե ինչ բարդ գործընթացներ են տեղի ունենում աշխարհում, մարդկության առջև բարդ և երբեմն վտանգավոր մարտահրավերներ են առաջանում, և դրանց դիմակայելու համար անհրաժեշտ է միավորվել, միավորել ներուժը, օպտիմալացնել համագործակցությունը գիտնականների միջև», - ասաց Սաղյանը։Նա նշեց, որ Հայաստանի և Ռուսաստանի գիտնականները հատկապես սերտորեն են կապված, քանի որ սերում են գիտությունների մի մեծ ակադեմիայից՝ ԽՍՀՄ–ից։ Ըստ Սաղյանի` թեև այսօր ավելի քան 38 պետական և ավելի քան 100 դրամաշնորհային նախագծեր են իրականացվում, բայց դա բավարար չէ:«Պետք է ընդլայնել գործող պայմանագրերը՝ ակտիվորեն օգտագործելով հաղորդակցության ժամանակակից մեխանիզմները, և որ ամենակարևորն է՝ անհրաժեշտ է համագործակցությունը տեղափոխել այլ մակարդակի՝ ելնելով միջազգային շուկայի առաջնահերթություններից՝ հաշվի առնելով գիտության հիմնարար և կիրառական ժամանակակից մարտահրավերները», - ասաց նա:Սերգեևն էլ նշեց, որ զարգացում ապահովելու համար պետք է օգտագործվեն հին փորձն ու նոր գործիքները։«Աշխարհում այսօր մրցակցություն է տեխնոլոգիական ոլորտում առաջատար լինելու համար, ինչն անհնար է առանց գիտության։ Մենք ապրում ենք բարդ բազմաբևեռ աշխարհում, որտեղ նոր հզոր խաղացողներ են ի հայտ գալիս: Այս ֆոնին գիտնականների համար կարևոր է փոխգործակցությունը տարբեր երկրների միջև»,- նշեց նա։Ստորագրված ճանապարհային քարտեզի համաձայն՝ համատեղ հետազոտություններ են նախատեսվում մաթեմատիկական և ֆիզիկական գիտությունների, տեղեկատվական տեխնոլոգիաների, էներգետիկայի, մեքենաշինության, մեխանիկայի, կենսատեխնոլոգիայի, բնական գիտությունների և այլ բնագավառներում:Ալեքսանդր Սերգեևին շնորհվեց Հայաստանի ԳԱԱ պատվավոր անդամի դիպլոմ։ Նիստին ներկա էր նաև Հայաստանում Ռուսաստանի դեսպան Սերգեյ Կոպիրկինը։Ռուսաստանի գիտությունների ակադեմիայի պատվիրակության այցի ծրագրով նախատեսված է հանդիպում ՀՀ վարչապետ Նիկոլ Փաշինյանի և Ն.Ս.Օ.Տ.Տ. Գարեգին Բ Ամենայն հայոց կաթողիկոսի հետ, այցելություն Մատենադարան և Հայոց ցեղասպանության թանգարան-ինստիտուտ:
https://arm.sputniknews.ru/20211104/pejntbvolic-aveli-lurj-hajastanum-nvor-makardaki-razmakan-simuljatvor-en-steghtsel-35009136.html
https://arm.sputniknews.ru/20200823/Mshushot-apaga-inch-e-spasvum-hayagitutyany-ev-inchu-e-petutyuny-antesum-gitnakannerin-24192380.html
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, ռուսաստան, գիտություն
հայաստան, ռուսաստան, գիտություն
ԵՐԵՎԱՆ, 5 նոյեմբերի – Sputnik. Ռուսաստանի գիտությունների ակադեմիայի նախագահ Ալեքսանդր Սերգեևն ու
Հայաստանի գիտությունների ազգային ակադեմիայի նախագահ Աշոտ Սաղյանն այսօր Երևանում ռուս-հայկական գիտական համագործակցության ճանապարհային քարտեզ ստորագրեցին։
«Մենք բոլորս շատ լավ հասկանում ենք, թե հիմա որքան կարևոր է ակադեմիաների և ինստիտուտների համագործակցությունը։ Մենք տեսնում ենք, թե ինչ բարդ գործընթացներ են տեղի ունենում աշխարհում, մարդկության առջև բարդ և երբեմն վտանգավոր մարտահրավերներ են առաջանում, և դրանց դիմակայելու համար անհրաժեշտ է միավորվել, միավորել ներուժը, օպտիմալացնել համագործակցությունը գիտնականների միջև», - ասաց Սաղյանը։
Նա նշեց, որ
Հայաստանի և Ռուսաստանի գիտնականները հատկապես սերտորեն են կապված, քանի որ սերում են գիտությունների մի մեծ ակադեմիայից՝ ԽՍՀՄ–ից։ Ըստ Սաղյանի` թեև այսօր ավելի քան 38 պետական և ավելի քան 100 դրամաշնորհային նախագծեր են իրականացվում, բայց դա բավարար չէ:
«Պետք է ընդլայնել գործող պայմանագրերը՝ ակտիվորեն օգտագործելով հաղորդակցության ժամանակակից մեխանիզմները, և որ ամենակարևորն է՝ անհրաժեշտ է համագործակցությունը տեղափոխել այլ մակարդակի՝ ելնելով միջազգային շուկայի առաջնահերթություններից՝ հաշվի առնելով գիտության հիմնարար և կիրառական ժամանակակից մարտահրավերները», - ասաց նա:
Սերգեևն էլ նշեց, որ զարգացում ապահովելու համար պետք է օգտագործվեն հին փորձն ու նոր գործիքները։
«Աշխարհում այսօր մրցակցություն է տեխնոլոգիական ոլորտում առաջատար լինելու համար, ինչն անհնար է առանց գիտության։ Մենք ապրում ենք բարդ բազմաբևեռ աշխարհում, որտեղ նոր հզոր խաղացողներ են ի հայտ գալիս: Այս ֆոնին գիտնականների համար կարևոր է փոխգործակցությունը տարբեր երկրների միջև»,- նշեց նա։
Ստորագրված ճանապարհային քարտեզի համաձայն՝ համատեղ հետազոտություններ են նախատեսվում մաթեմատիկական և ֆիզիկական գիտությունների, տեղեկատվական տեխնոլոգիաների, էներգետիկայի, մեքենաշինության, մեխանիկայի, կենսատեխնոլոգիայի, բնական գիտությունների և այլ բնագավառներում:
Ալեքսանդր Սերգեևին շնորհվեց
Հայաստանի ԳԱԱ պատվավոր անդամի դիպլոմ։ Նիստին ներկա էր նաև Հայաստանում Ռուսաստանի դեսպան Սերգեյ Կոպիրկինը։
Ռուսաստանի գիտությունների ակադեմիայի պատվիրակության այցի ծրագրով նախատեսված է հանդիպում ՀՀ վարչապետ Նիկոլ Փաշինյանի և Ն.Ս.Օ.Տ.Տ. Գարեգին Բ Ամենայն հայոց կաթողիկոսի հետ, այցելություն Մատենադարան և Հայոց ցեղասպանության թանգարան-ինստիտուտ:
