https://arm.sputniknews.ru/20211105/hhi-ev-rdi-hamagvortsakcutjuny-khvoracnelu-hnaravvorutjunnery-bazmativ-en-armen-sargsjan-35017618.html
ՀՀ–ի և ՌԴ–ի համագործակցությունը խորացնելու հնարավորությունները բազմաթիվ են. Արմեն Սարգսյան
ՀՀ–ի և ՌԴ–ի համագործակցությունը խորացնելու հնարավորությունները բազմաթիվ են. Արմեն Սարգսյան
Sputnik Արմենիա
Հայաստանի նախագահը կարծում է, որ փոխգործակցության ձևաչափը կարող է մի փոքր փոխվել, իսկ որակը՝ զգալիորեն ավելանալ։ 05.11.2021, Sputnik Արմենիա
2021-11-05T13:43+0400
2021-11-05T13:43+0400
2021-11-05T13:43+0400
հայաստան
ռուսաստան
արմեն սարգսյան
https://cdn.am.sputniknews.ru/img/07e4/0a/0d/24890882_0:0:1280:721_1920x0_80_0_0_c9762170ac9f0ee1c29c9c3f4fd8fb62.jpg
ԵՐԵՎԱՆ, 5 հոկտեմբերի – Sputnik. Հայաստանի և Ռուսաստանի միջև ավելի խորը համագործակցության բազմաթիվ հնարավորություններ կան։ ՀՀ նախագահ Արմեն Սարգսյանը նման կարծիք է հայտնել «Ռոսիա 24»-ին տված հարցազրույցում։Հայաստանի նախագահը հիշեցրել է, որ վերջին մի քանի հարյուրամյակների ընթացքում Հայաստանը բաժանվել է Օսմանյան ու Ռուսական կայսրությունների միջև: Օսմանյան կայսրությունում ապրող հայերը ցեղասպանության ենթարկվեցին, մինչդեռ Ռուսաստանում նրանք ինտեգրվեցին և այսօր ներկայացված են կենսագործունեության գրեթե բոլոր ոլորտներում։ՀՀ նախագահն անիմաստ է համարում հայ-ռուսական համագործակցության նպատակահարմարության վերաբերյալ քննարկումները, քանի որ երկու պետությունների միջև ձևավորվել են սերտ հարաբերություններ և խորը փոխգործակցություն: Դրա հետ մեկտեղ, նրա կարծիքով, երկկողմ համագործակցության ձևաչափը կարող է մի փոքր փոխվել, իսկ որակը՝ բարձրանալ ։«Դրա համար առաջին հերթին մենք Հայաստանում պետք է ինքներս փոխենք մեր վերաբերմունքը մեր հանդեպ։ Այսինքն՝ կառուցենք փոքր, բայց խելացի պետություն, որը շատ մեծ և ուժեղ բարեկամ ունի՝ Ռուսաստանը։ Դառնանք նրա փոքր, բայց իրոք ուժեղ գործընկերը։ Կուզենայի իսկապես լինել ուժեղ երկրի նախագահ, որը հսկայական, մեծ, վաղեմի, պատմական ընկեր ունի, որի հետ կարող ես դեպի ապագա գնալ», – ասել է Սարգսյանը։ՀՀ նախագահը նշել է, որ Հայաստանը Ռուսաստանի հետ համատեղ կարող է, օրինակ, զբաղվել նոր տեխնոլոգիաներով։ Այս համատեքստում նա հիշեցրել է, որ Ռուսաստանի գրեթե բոլոր շրջաններում ապրում են մեծ թվով հայ գիտնականներ, գործարարներ, որոնք կարող են նպաստել փոխգործակցության նման ձևաչափի ձևավորմանը։«Կուզենայի, որ այս բոլոր ձախորդություններից, ծանր կորուստներից հետո, այնուամենայնիվ, կարողանանք կառուցել երկիրը», - եզրափակել է Սարգսյանը։Հիշեցնենք, որ իր նախորդ հարցազրույցներից մեկում Արմեն Սարգսյանը նշել էր, որ հայ-ռուսական հարաբերությունները աքսիոմա են, իսկ այլ երկրների հետ հարաբերությունները` թեորեմներ, որոնք պետք է ապացուցել։
https://arm.sputniknews.ru/20211028/erevani-ev-mvoskvaji-haraberutjunnery-karucvum-en-aqsivomaneri-vra-34759209.html
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, ռուսաստան, արմեն սարգսյան
հայաստան, ռուսաստան, արմեն սարգսյան
ՀՀ–ի և ՌԴ–ի համագործակցությունը խորացնելու հնարավորությունները բազմաթիվ են. Արմեն Սարգսյան
Հայաստանի նախագահը կարծում է, որ փոխգործակցության ձևաչափը կարող է մի փոքր փոխվել, իսկ որակը՝ զգալիորեն ավելանալ։
ԵՐԵՎԱՆ, 5 հոկտեմբերի – Sputnik. Հայաստանի և Ռուսաստանի միջև ավելի խորը համագործակցության բազմաթիվ հնարավորություններ կան։ ՀՀ նախագահ Արմեն Սարգսյանը նման կարծիք է հայտնել «Ռոսիա 24»-ին տված հարցազրույցում։
Հայաստանի նախագահը հիշեցրել է, որ վերջին մի քանի հարյուրամյակների ընթացքում Հայաստանը բաժանվել է Օսմանյան ու Ռուսական կայսրությունների միջև: Օսմանյան կայսրությունում ապրող հայերը ցեղասպանության ենթարկվեցին, մինչդեռ Ռուսաստանում նրանք ինտեգրվեցին և այսօր ներկայացված են կենսագործունեության գրեթե բոլոր ոլորտներում։
«Երբ կնոջս հետ զբոսնում ենք Մոսկվայում, ես նրան միշտ հետ եմ պահում ընտանեկան թեմաների քննարկումից, քանի որ կողքներովս միշտ կարող է հայ անցնել։ Այնտեղ շատ հայեր կան, ու նրանք շատ լավ են ապրում», – նշել է Սարգսյանը։
ՀՀ նախագահն անիմաստ է համարում հայ-ռուսական համագործակցության նպատակահարմարության վերաբերյալ քննարկումները, քանի որ երկու պետությունների միջև ձևավորվել են սերտ հարաբերություններ և խորը փոխգործակցություն: Դրա հետ մեկտեղ, նրա կարծիքով, երկկողմ համագործակցության ձևաչափը կարող է մի փոքր փոխվել, իսկ որակը՝ բարձրանալ ։
«Դրա համար առաջին հերթին մենք
Հայաստանում պետք է ինքներս փոխենք մեր վերաբերմունքը մեր հանդեպ։ Այսինքն՝ կառուցենք փոքր, բայց խելացի պետություն, որը շատ մեծ և ուժեղ բարեկամ ունի՝ Ռուսաստանը։ Դառնանք նրա փոքր, բայց իրոք ուժեղ գործընկերը։ Կուզենայի իսկապես լինել ուժեղ երկրի նախագահ, որը հսկայական, մեծ, վաղեմի, պատմական ընկեր ունի, որի հետ կարող ես դեպի ապագա գնալ», – ասել է Սարգսյանը։
28 հոկտեմբերի 2021, 13:44
ՀՀ նախագահը նշել է, որ
Հայաստանը Ռուսաստանի հետ համատեղ կարող է, օրինակ, զբաղվել նոր տեխնոլոգիաներով։ Այս համատեքստում նա հիշեցրել է, որ Ռուսաստանի գրեթե բոլոր շրջաններում ապրում են մեծ թվով հայ գիտնականներ, գործարարներ, որոնք կարող են նպաստել փոխգործակցության նման ձևաչափի ձևավորմանը։
«Կուզենայի, որ այս բոլոր ձախորդություններից, ծանր կորուստներից հետո, այնուամենայնիվ, կարողանանք կառուցել երկիրը», - եզրափակել է Սարգսյանը։
Հիշեցնենք, որ իր նախորդ հարցազրույցներից մեկում Արմեն Սարգսյանը նշել էր, որ հայ-ռուսական հարաբերությունները աքսիոմա են, իսկ այլ երկրների հետ հարաբերությունները` թեորեմներ, որոնք պետք է ապացուցել։
