«Իսկ աշխարհի ո՞ր երկրում կորոնավիրուս չկա». իշխանական պատգամավորի շշմեցուցիչ հիմնավորումը

© Sputnik / Asatur YesayantsՀՀ ԱԺ
ՀՀ ԱԺ - Sputnik Արմենիա, 1920, 05.11.2021
ՀՀ ԱԺ
Բաժանորդագրվեք
Եկեք անկեղծ լինենք։ Երբ մի քանի օր առաջ հայոց խորհրդարանում կրկին խոսվեց այն մասին, որ համավարակային իրադրությունը խիստ մտահոգիչ է դարձել։
«Իսկ աշխարհի ո՞ր երկրում կորոնավիրուս չկա». իշխանական պատգամավորի շշմեցուցիչ հիմնավորումը
Հայաստանում ամեն օր հիվանդանում է մոտ 2000 մարդ, իսկ մահացածների թիվը հասնում է 50-ի, իշխանական խմբակցությունը ներկայացնող պատգամավորներից մեկը բավական տարօրինակ փաստարկով հակադարձեց. «Իսկ աշխարհումորտե՞ղչկակորոնավիրուս»։
Միանգամից հիշեցի, որ տարիներ առաջ էլ նույն ոչ պակաս արտառոց հիմնավորումն էր հնչում կոռուպցիայի հետ կապված. «Իսկ այդ ո՞ր երկրում կոռուպցիա չկա»։ Ու մարդ զարմանում էր՝ բա էլ ինչո՞ւ է «Թրանսփարենսի ինթերնեշնլ» միջազգային կազմակերպությունն ամեն տարի կազմում տարբեր պետությունների իշխանությունների կոռումպացվածության ցուցակը, էլ ինչո՞ւ էր ասում՝ այս մի երկրում գրեթե լիովին վերացված է կոռուպցիան, իսկ այն մեկը թաղված է կոռուպցիայի մեջ։ Դրա փոխարեն կարող էր ընդամենը մի տող գրել՝ ամեն տեղ էլ կոռուպցիա կա։ Ու՝ վե՛րջ։
Անահիտ Ավանեսյան - Sputnik Արմենիա, 1920, 04.11.2021
Հայաստանում քանի՞ երեխա է պատվաստվել կորոնավիրուսի դեմ. նախարարը թվեր հրապարակեց
Այս շաբաթվա սկզբին՝ երկուշաբթի առավոտյան, կորոնավիրուսից մահացածների թիվը ողջ աշխարհում հասավ 5 միլիոնի։ Առողջապահության համաշխարհային կազմակերպության կանխատեսումներով` մինչև փետրվար միայն Եվրոպայում կորոնավիրուսից կմահանա ևս կես միլիոն մարդ։ Փորձագետները հաշվարկել են, որ այդ հիվանդությունն արդեն նույնքան կյանք է խլել, որքան բոլոր միջազգային զինված հակամարտությունները 1950 թվականից ի վեր, և դարձել է մահվան երրորդ գլխավոր պատճառը սիրտանոթային հիվանդություններից ու կաթվածներից հետո։
Ընդ որում, հակառակ տարածված կարծիքի, մահվան արձանագրված դեպքերի գրեթե կեսը բաժին է հասնում ոչ թե ամենաաղքատ, այլ բարձր և միջին եկամուտ ունեցող բնակչությամբ պետություններին, մասնավորապես` Ամերիկային, Եվրամիության անդամներին, Բրազիլիային և այլն։ Միայն Միացյալ նահանգներում կորոնավիրուսի զոհ է դարձել գրեթե 750 հազար մարդ։ Ոչ մի այլ երկրում նման բարձր ցուցանիշ չկա։

Հիմա այն՝ ամեն ինչ արդարացնող, սակայն, մեղմ ասած, անհասկանալի փաստարկի մասին, թե կորոնավիրուս կա բացարձակապես բոլոր երկրներում։ Ախր, որոշ երկրներում իրավիճակը պարզապես ահավոր է, օրհասական, մինչդեռ կան պետություններ, որոնց իշխանությունների արդյունավետ պայքարը համավարակի դեմ ուղղակի նախանձ է առաջացնում։ Վերցնենք Ուկրաինան։ Եվրոպայում կորոնավիրուսի հայտնվելուց մոտ երկու տարի անց համավարակը պարզապես մոլեգնում է Եվրամիության և Ռուսաստանի արանքում գտնվում այդ 42 միլիոնանոց երկրում։

Ընդամենը մոտ մեկ շաբաթ առաջ՝ հոկտեմբերի 27-ին, այնտեղ շատ տխուր ռեկորդ է գրանցվել՝ 27 հազար նոր հիվանդ և գրեթե 750 մահվան դեպք։ Այս ռեկորդին, անշուշտ, նպաստել է մեկ այլ ռեկորդ՝ պատվաստվածների աննախադեպ ցածր թիվը. փաստում է շվեյցարական «Տամպ» թերթը։
Պարբերականի վկայությամբ` անցած շաբաթավերջին, երբ Իվանո-Ֆրանկովսկի պատվաստման կենտրոնը պիտի փակվեր երեկոյան ժամը 8-ին, քաղաքի բնակիչները սպառնում էին բժիշկներին. «Ձեզնից ոչ մեկը տուն չի գնա մինչև չպատվաստվեն այս հսկա հերթում կանգնած բոլոր մարդիկ»։ Ուկրաինայի երկու խոշոր քաղաքներում՝ Օդեսայում և Խարկովում, որոնցից յուրաքանչյուրում ապրում է ավելի քան մեկ միլիոն մարդ, ազատ մահճակալներ այլևս ընդհանրապես չկան։ Եվ այս պայմաններում ամռանն Ուկրաինայի իշխանությունները վերացրել են պատվասման քարոզչությանն ուղղված հեռուստատեսային արշավը՝ բերելով ամենապարզունակ պատճառաբանությունը՝ փող չկա։
ՔԿՀ-ներում կորոնավիրուսով վարակված անձանցից 49-ը «Դատապարտյալների հիվանդանոցում» են
Հիմա այն մասին, թե ինչ է կատարվում Երկրի հակառակ կողմում՝ Ավստրալիայում։ Եթե Հայաստանում երկուշաբթի օրվանից կրկին սահմանափակումներ մտցվեցին, իսկ առողջապահության նախարարը խոսում է հնարավոր լրացուցիչ խստացումների մասին, ապա Ավստրալիայում նույն երկուշաբթի օրը տոնի նման մի բան էր՝ վերջապես ավարտվեց, եթե կարելի է այդպես ասել, «20-ամսյա ազատազրկումը», երբ երկրի իշխանությունները ոչ միայն զբոսաշրջիկներին, այլև սեփական քաղաքացիներին հիմնականում արգելել էին երկրից դուրս գալ և երկիր մտնել։
Փաստորեն, ավստրալացիները մեկուկես տարուց ավելի «բանտարկված» էին հարազատ երկրում, որի բոլոր բնակավայրերում ներքին սահմանափակումներ էին գործում՝ ոչ մի կինո, թատրոն, համերգ կամ ֆիթնես։ Ձեր սիրած ռեստորանի ուտելիքն եք կարոտե՞լ՝ պատվիրե՛ք, թող ձեր տուն բերեն։ Արդյունքը շշմեցնող է՝ եթե 3 միլիոնանոց Հայաստանում այս չորեքշաբթի գրանցվել է ավելի քան 2000 նոր հիվանդացած, ապա 25 միլիոնանոց Ավստրալիայում այդ նույն օրը նման դեպքերի թիվը իսկի 2000-ի չի հասել։
Պատվաստում - Sputnik Արմենիա, 1920, 05.11.2021
Պատվաստվածների մեծ մասը COVID-ն ասիմպտոմ է տանում. «Ռոսպոտրեբնադզորի» փորձագետ
Ինչպես տեսնում եք, մի երկրում իշխանությունների անճարակությունը աղետալի հետևանքների է հանգեցրել, իսկ մեկ այլ պետությունում կառավարության գործունեությունը գերազանց արդյունք է ապահովել։ Բայց համաձայնե՛ք, մյուս կողմից՝ միանգամայն ճիշտ, իրականությանը լիովին համապատասխանող փաստարկ էր բերում իշխանական պատգամավորը. «Կորոնավիրուս աշխարհում ամեն տեղ էլ կա»։
Եթե որևէ մեկը կհերքի այս անհերքելի պնդումը, թող առաջինը քար նետի իշխանական պատգամավորի ուղղությամբ։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала