Մահացել է ՀԽՍՀ վաստակավոր արտիստ Ժենյա Ներսիսյանը

© Photo : Հայաստանի թատերական գործիչների միությունЗаслуженная артистка Армении Женя Нерсисян
Заслуженная артистка Армении Женя Нерсисян - Sputnik Արմենիա, 1920, 05.11.2021
Բաժանորդագրվեք
Ժենյա Ներսիսյանը Լոնդոնի Թահթայան ազգային վարժարանում դասավանդել է հայ գրականություն և գեղարվեստ, բեմադրել բազմաթիվ ներկայացումներ:
ԵՐԵՎԱՆ, 5 նոյեմբերի – Sputnik. 90 տարեկան հասակում այսօր կյանքից հեռացել է ՀԽՍՀ վաստակավոր արտիստ Ժենյա Ներսիսյանը։ Տեղեկությունը հայտնում է Հայաստանի թատերական գործիչների միությունը։
«Խորը ցավով հայտնում ենք, որ կյանքից հեռացել է ՀՀ վաստակավոր արտիստ Ժենյա Ներսիսյանը»,–գրված է միության ֆեյսբուքյան էջում։
Հայաստանի թատերական գործիչների միությունը իր խորին ցավակցություններն է հայտնում Ժ. Ներսիսյանի ընտանիքին, հարազատներին և գործընկերներին։
Նշենք, որ Ժենյա Ներսիսյանը կերտել է շուրջ 150 թատերական դեր: Նա նաև Երևանի քաղաքային խորհրդի պատգամավոր է եղել։
Актриса театра им. Сундукяна Женя Аветисян - Sputnik Արմենիա, 1920, 20.09.2021
Մահացել է հայտնի դերասանուհի Ժենյա Ավետիսյանը
Ժենյա Ներսիսյանը ծնվել է 1931թ. Երևանում: Ավարտել է Երևանի թիվ 3 իգական դպրոցը, 1953թ.` Երևանի գեղարվեստաթատերական ինստիտուտի դերասանական ֆակուլտետը: Նույն թվականին, Հրաչյա Ղափլանյանի հրավերով ընդունվել է Երևանի Պատանի հանդիսատեսի թատրոն` որպես դերասանուհի:
1995թ. Ժենյա Ներսիսյանը մեկնել է Լոնդոն, որտեղ Թահթայան ազգային վարժարանում դասավանդել է հայ գրականություն և գեղարվեստ, բեմադրել բազմաթիվ ներկայացումներ:

1996թ. անգլիական բեմում խաղացել է Մարիամի դերը «Դատավճիռ» ներկայացման մեջ, ի դեպ` անգլերեն լեզվով և արժանացել մամուլի ու հասարակության բարձր գնահատականին: 1997-2002թթ Լոնդոնի հայ համայնքում զբաղվել է հասարակական գործունեությամբ:

2006թ. վերադարձել է Երևան ու խաղացել Վենաբլի «Անսպասելիորեն անցյալ ամռանը» (Ուիլյամս), «Սիրո և մենության միջև» (Աննա Հաթավեյ) ներկայացումներում: 2009թ-ից խաղացել է Լյուսի Կուպերի դերը` Դելմարի «Հիշիր վաղվա օրդ» խաղացանկային ներկայացման մեջ: Խաղացել է նաև ռադիո և հեռուստաթատրոնում:
Արժանացել է բազմաթիվ մեդալների և պատվոգրերի: 1976թ. արժանացել է ՀԽՍՀ վաստակավոր արտիստի կոչման։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала