Պատգամավորների անձնական երաշխավորությամբ քննարկվում է Առուշանյանի կալանքը փոխելու հարցը

© Sputnik / Andranik GhazaryanԱռուշ Առուշանյանի գործով դատ
Առուշ Առուշանյանի գործով դատ - Sputnik Արմենիա, 1920, 05.11.2021
Առուշ Առուշանյանի գործով դատ
Բաժանորդագրվեք
Այսօրվա դատական նիստի ժամանակ կքննարկվի նաև Առուշանյանի տեսակցությունների և սահմանափակման իրավաչափության հարցը։
ԵՐԵՎԱՆ, 5 նոյեմբերի – Sputnik. Գորիսի համայնքապետ Առուշ Առուշանյանի գործով պաշտպանական կողմը պատրաստվում է այսօր միջնորդություն ներկայացնել խափանման միջոց ընտրված կալանավորումն ավելի մեղմ տեսակի խափանման միջոցով փոխարինելու համար։ Գորիսում լրագրողների հետ զրույցում ասաց Առուշ Առուշանյանի փաստաբան Էրիկ Ալեքսանյանը։
Նշենք, որ այսօր կընթանա Առուշանանի գործով դատական նիստը։
 Мэр Гориса Аруш Арушанян - Sputnik Արմենիա, 1920, 18.10.2021
Առուշանյանի հաղթանակը ընտրություններում դեռ չի նշանակում, որ նրան պետք է կալանքից ազատեն
«Խոսքը թե՛ գրավի, թե անձնական երաշխավորության մասին է։ «Հայաստան» խմբակցության 3-ից ավելի պատգամավորներ են եկել Գորիս՝ աջակցելու Առուշ Առուշանյանին և իրենց պատրաստակամությունն են հայտնում անձնական երաշխավորություն սահմանել Առուշանյանի պատշաճ վարքագծի համար»,–ասաց Ալեքսանյանը։
Բացի այդ, ըստ նրա, այսօր պետք է Առուշանյանի տեսակցությունների և սահմանափակման իրավաչափության հարցը քննարկվի և գործով դատախազն իր դիրքորոշումը կներկայացնի։ Դրանից հետո դատարանը որոշում կկայացնի և կանցնեն բուն դատական փուլ։

Փաստաբանը նշեց, որ հույս ունի դատարանը կգտնվի իր բարձունքում և խափանման միջոցի հարցի քննարկման շրջանակում օբյեկտիվություն կդրսևորի։

Հիշեցնենք, որ Առուշանյանը կալանավորված է 2021թ.–ի հուլիսի 16-ից: Գորիսի համայնքապետին մեղադրանք է առաջադրվել ՀՀ քրեական օրենսգրքի 35-154.2-րդ հոդվածի 4-րդ մասի 2-րդ կետով, 38-149-րդ հոդվածի 2-րդ մասի 4-րդ կետով և 38-154.2-րդ հոդվածի 3-րդ մասով (քվեարկության գաղտնիությունը խախտելը, ընտրական իրավունքի իրականացմանը խոչընդոտելը)։
Նոյեմբերի 3-ին հայտնի դարձավ, որ Առուշանյանը, ընդգրկված լինելով «Հայաստան» դաշինքի ընտրական ցուցակում, մանդատից հրաժարվելու դիմում է ներկայացրել։ Համայնքապետի խոսքով` այս փուլում իր հիմնական առաքելությունը սիրելի Գորիս համայնքի շարունակական զարգացումն ու առաջընթացն ապահովելն է։
Հոկտեմբերի 17–ին կայացած ՏԻՄ ընտրությունների արդյունքում Գորիսսում հաղթեց «Առուշ Առուշանյան» դաշինքը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала