Ռուսաստանն ու Թուրքիան քննարկում են Ղարաբաղի թեման. Չավուշօղլու

© Photo : Александр Щербак / Անցնել ֆոտոբանկՌուսաստանի և Թուրքիայի արտգործնախարարները
Ռուսաստանի և Թուրքիայի արտգործնախարարները - Sputnik Արմենիա, 1920, 05.11.2021
Ռուսաստանի և Թուրքիայի արտգործնախարարները
Բաժանորդագրվեք
Թուրքիայի արտգործնախարարը հայտարարել է, որ Անկարան պատրաստ է կարգավորել Երևանի հետ հարաբերությունները։
ԵՐԵՎԱՆ, 5 նոյեմբերի - Sputnik. Թուրքիայի արտգործնախարար Մևլութ Չավուշօղլուն հայտարարել է, որ Անկարան Մոսկվայի հետ ակտիվ քննարկում է հրատապ հարցերը, այդ թվում՝ Ղարաբաղի իրադրությունը։ Տեղեկությունը հայտնում է «Թուրքիայի նորություններ» Telegram–յան ալիքը։
Նախարարի խոսքով՝ Թուրքիան ու Ռուսաստանը կողմ են կառուցողական երկխոսությանը՝ հաշվի առնելով ազգային շահերը:

Չավուշօղլուն նաև նշել է, որ Հարավային Կովկասում փոփոխությունների և վերափոխման հույս է առաջացել, և Անկարան պատրաստ է Երևանի հետ հարաբերությունների կարգավորման գործընթացին:

Այս պահին Թուրքիայի հետ որևէ բանակցային գործընթաց դեռ չի ընթանում. Միրզոյան
Ավելի վաղ ՌԴ արտգործնախարար Սերգեյ Լավրովը Իրանի գործընկերոջ Հոսեյն Ամիր Աբդոլլահիանի հետ համատեղ ասուլիսի ժամանակ հայտարարել էր, որ կողմերը քննարկել են «3+3» ձևաչափի ստեղծման հնարավորությունը։
Լավրովը նշել էր, որ Իրանը, ինչպես Թուրքիան ու Ադրբեջանը, դրական է վերաբերվում այս նախաձեռնությանը։ Նա հույս էր հայտնել, որ Վրաստանը հետաքրքրվածություն կդրսևորի խորհրդակցությունների նման մեխանիզմ ստեղծելու և Անդրկովկասի զարգացմանն ուղղված որոշումները համաձայնեցնելու հարցում։
Հոկտեմբերին Վրաստանի ԱԳՆ–ն հերքեց տեղեկությունը, թե գերատեսչության ղեկավար Դավիթ Զալկալիանին իբր հաստատել է Հայաստանի, Ադրբեջանի, Վրաստանի, Իրանի, Ռուսաստանի և Թուրքիայի մասնակցությամբ «3+3» ձևաչափի բանակցություններին վրացական կողմի մասնակցության պատրաստակամությունը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала