Սյունիքի տարածաշրջանային պետական քոլեջի տնօրենին մեղադրանք է առաջադրվել

© Sputnik / Екатерина Чеснокова / Անցնել ֆոտոբանկԱրխիվայի լուսանկար
Արխիվայի լուսանկար - Sputnik Արմենիա, 1920, 05.11.2021
Բաժանորդագրվեք
Ըստ մեղադրանքի`որոշ ուսանողներ ուսումնական և քննական պրոցեսին չեն մասնակցել, սակայն դիպլոմ են ստացել։
ԵՐԵՎԱՆ, 5 նոյեմբերի - Sputnik. «Սյունիքի տարածաշրջանային պետական քոլեջ» ՊՈԱԿ-ի տնօրենին մեղադրանք է առաջադրվել։ Տեղեկությունը հայտնում են ՀՀ քննչական կոմիտեի մամուլի ծառայությունից։
Նշվում է, որ պարզվել են «Սյունիքի տարածաշրջանային պետական քոլեջ» ՊՈԱԿ-ի տնօրենի կողմից մի շարք չարաշահումներ կատարելու դեպքի հանգամանքները:
Մասնավորապես`վերոհիշյալ ՊՈԱԿ-ի տնօրենը, 2014թ. սեպտեմբերի 9-ից զբաղեցնելով նշված պաշտոնը, կազմակերպության մի շարք աշխատակիցների հետ նախնական համաձայնությամբ, պաշտոնական փաստաթղթերում ներառել է որոշ ուսանողների մասին կեղծ տեղեկություններ։
Больничный коридор, архивное фото - Sputnik Արմենիա, 1920, 30.07.2021
Չարաշահումներ Յոլյանի անվան արյունաբանական կենտրոնում. պետությանը լուրջ վնաս է հասցվել
Որոշ ուսանողներ ուսումնական և քննական պրոցեսին չեն մասնակցել, սակայն նրանց ստուգման գրքույկներում և դասամատյաններում նշանակվել են գնահատականներ՝ իրավական հիմքեր ստեղծելով նրանց կազմակերպությունից չհեռացնելու համար:
Ավելին, այդ ուսանողներին ուսման բնականոն ժամկետում տրամադրվել են դիպլոմներ:

«Սյունիքի տարածաշրջանային պետական քոլեջ» ՊՈԱԿ-ի տնօրենին մեղադրանք է առաջադրվել ՀՀ քրեական օրենսգրքի 314-րդ հոդվածի 1-ին մասով (Պաշտոնեական կեղծիքը ) և 38-325-րդ հոդվածի 2-րդ մասով (Փաստաթղթեր, դրոշմներ, կնիքներ կեղծելը, իրացնելը կամ օգտագործելը):

Նրա նկատմամբ որպես խափանման միջոց է ընտրվել չհեռանալու մասին ստորագրությունը:
Նախաքննությունը շարունակվում է:
Ավելի վաղ ՀՀ մարդու իրավունքների պաշտպանը հայտարարություն էր տարածել Սյունիքի մարզի Կապան համայնքի ՏԻՄ ընտրությունների վերաբերյալ ահազանգերի մասին ու անդրադարձել վերը նշված քոլեջին։
Պաշտպանի աշխատակազմը ստացել էր ահազանգ այն մասին, որ խուզարկությամբ առգրավվել են «Սյունիքի մարզային տարածաշրջանային պետական քոլեջ» ՊՈԱԿ-ին պատկանող գույքը:
Դիլիջան - Sputnik Արմենիա, 1920, 25.10.2021
Չարաշահում, կաշառք, վատնում. Դիլիջանի նախկին քաղաքապետի գործի նախաքննությունն ավարտվել է
Ըստ ահազանգի՝ դա արվել է՝ նպատակ ունենալով հասնել քոլեջի տնօրենի հեռացման, քանի որ նա Կապան համայնքի ղեկավարի տեղակալի մայրն է, իսկ համայնքի ղեկավարի նշված տեղակալն ընդգրկված է «Շանթ դաշինք» ցուցակում:
Պաշտպանի աշխատակազմ մի շարք ահազանգեր են հասցեագրվել այն մասին, որ «Քաղաքացիական պայմանագիր» կուսակցության նեկայացուցիչները ճնշումներ են գործադրում համայնքի մի շարք դպրոցների նկատմամբ՝ տնօրեններից պահանջելով, որ վերջիններս իրենց աշխատակիցներին ուղղորդեն ՏԻՄ ընտրությունների ժամանակ քվեարկել կուսակցության առաջադրած թեկնածուի օգտին:
Կապանում ՏԻՄ ընտրությունները տեղի են ունենալու նոյեմբերի 14-ին։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала