Վարչապետ Նիկոլ Փաշինյանն ընդունել է ԵԽԽՎ համազեկուցողներին

© Photo : official site of the Prime Minister of RAПремьер-министр Никол Пашинян принял содокладчиков Мониторингового комитета ПАСЕ по Армении Кимо Килунена и Бориану Аберг
Премьер-министр Никол Пашинян принял содокладчиков Мониторингового комитета ПАСЕ по Армении Кимо Килунена и Бориану Аберг - Sputnik Արմենիա, 1920, 05.11.2021
Բաժանորդագրվեք
Փաշինյանի խոսքով` ՀՀ կառավարությունը որդեգրել է Հայաստանի և տարածաշրջանի համար խաղաղ զարգացման դարաշրջան բացելու քաղաքականությունը:
ԵՐԵՎԱՆ, 5 նոյեմբերի - Sputnik. ՀՀ վարչապետ Նիկոլ Փաշինյանն ընդունել է ԵԽԽՎ մոնիթորինգի հանձնաժողովի՝ Հայաստանի հարցերով համազեկուցողներ Կիմո Կիլյունենին և Բորիանա Աբերգին: Տեղեկությունը հայտնում են ՀՀ վարչապետի մամուլի ծառայությունից։
Հանդիպման ընթացքում Փաշինյանը նշել է, որ գնահատում է այն ներդրումը, որ 20 տարվա ընթացքում ԵԽ-ն ունեցել է Հայաստանին ժողովրդավարության հարցում աջակցելիս:
Խոշտանգում, սպանություն․ Անդրեասյանը ԵԽԽՎ ներկայացուցիչների հետ խոսել է հայ գերիների մասին
Վարչապետն ընդգծել է, որ խնդիրներ կան տարածաշրջանում, որոնք կայունությունը և խաղաղությունը շատ մեծ հարվածի տակ են դնում։
«Այն փաստը, որ մենք մինչև հիմա ունենք, ի հեճուկս 2020 թվականի նոյեմբերի 9-ի եռակողմ հայտարարության, գերիներ Ադրբեջանում, սրա ամենավառ արտահայտումն է: Ես շատ բարձր եմ գնահատում, որ ԵԽԽՎ-ում այս խնդիրը բարձրաձայնվեց և արձանագրվեց: Դա իսկապես կարևոր է»,–ասել է Փաշինյանը։
Նա նաև կարևոր է համարել շատ հարցերում Մարդու իրավունքների եվրոպական դատարանի սկզբունքային դիրքորոշումը։ Փաշինյանի խոսքով` ի հեճուկս բոլոր մարտահրավերների և դժվարությունների՝ ՀՀ կառավարությունը որդեգրել է Հայաստանի և տարածաշրջանի համար խաղաղ զարգացման դարաշրջան բացելու քաղաքականությունը:
ՀՀ ԱԳ նախարար Արարատ Միրզոյանն ընդունել է ԵԽԽՎ մոնիտորինգի հանձնաժողովում Հայաստանի պարտավորությունների հարցով համազեկուցողներ, ԵԽԽՎ-ում Ֆինլանդիայի պատվիրակության ղեկավար Կիմո Կիլյունենին և Շվեդիայի պատվիրակության ղեկավար Բորիանա Աբերգին (4 նոյեմբերի, 2021թ․). Երևան - Sputnik Արմենիա, 1920, 04.11.2021
Ադրբեջանը խախտել է ԵԽ-ի առջև ստանձնած պարտավորությունը․ Միրզոյանը՝ ԵԽԽՎ ներկայացուցիչներին
«Վատ լուրն այն է, որ դա միայն մեզնից չէ կախված, ավելի ճիշտ վատ լուրն այն է, որ այս օրակարգը ոչ բոլորն են կիսում և, համենայնդեպս, խաղաղության պարամետրերի պատկերացումները նույնական չեն: Բայց մենք պիտի հետևողական շարունակենք աշխատել այդ ուղղությամբ»,–ասել է Փաշինյանը:
Նա ընդգծել է, որ այդ հարցում Հայաստանն ունի միջազգային գործընկերների աջակցության կարիքը:
ԵԽԽՎ մոնիթորինգի հանձնաժողովի՝ Հայաստանի հարցերով համազեկուցողներ Բորիանա Աբերգն ու Կիմո Կիլյունեն կարևորել են տարածաշրջանում խաղաղության և կայունության ուղղությամբ մասնակից բոլոր երկրների ջանքերը և նշել, որ կշարունակեն բարձրաձայնել Ադրբեջանում հայ ռազմագերիների, այլ պահվող անձանց անհապաղ ազատ արձակման անհրաժեշտության մասին:
Ո՞ր դեպքում հայ գերիների վերադարձման մասին ԵԽԽՎ բանաձևը կարող է իրավիճակ փոխել
Կողմերը մտքեր են փոխանակել հետպատերազմյան իրավիճակին, Լեռնային Ղարաբաղի հակամարտությանը, մեր երկրում ժողովրդավարական հաստատությունների կայացմանը, մարդու իրավունքների պաշտպանությանը, ոլորտային մի շարք բարեփոխումներին վերաբերող հարցերի շուրջ:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала