ԱՄՆ-ում Քիմ Քարդաշյանի փեսայի համերգի ժամանակ ութ մարդ է մահացել. տեսանյութ

© AP Photo / Amy HarrisԹրևիս Սքոթ
Թրևիս Սքոթ - Sputnik Արմենիա, 1920, 06.11.2021
Թրևիս Սքոթ
Բաժանորդագրվեք
Տեխաս նահանգի Հյուսթոն քաղաքում երաժշտական փառատոնի բացման գիշերը հրմշտոցների հետևանքով մարդիկ են մահացել, տասնյակ տուժածներ կան:
ԵՐԵՎԱՆ, 6 նոյեմբերի – Sputnik. Հեռուստաաստղ Քիմ Քարդաշյանի քրոջ` Քայլի Ջեների փեսացու, հանրահայտ ռեփեր Թրևիս Սքոթի համերգին ութ մարդ է մահացել։ Տեղեկությունը հայտնում է New York Post-ը։
Դեպքը տեղի է ունեցել ուրբաթ գիշերը, երբ Տեխաս նահանգի Հյուսթոն քաղաքում Թրևիս Սքոթի «Astroworld» երաժշտական բացօթյա փառատոնի բացումն է եղել։ Համերգի տարածքում հավաքված մարդկանց շրջանում իսկական քաոս է սկսել, մարդկանց զանգվածը սկսել է «սեղմվել»։ Դրա հետևանքով ոմանք ընկել են, գիտակցությունը կորցրել, խուճապն ավելի է սաստկացել։
Ժամը 21:38-ի սահմաններում տեղի իրավապահները հայտնել են, որ միջադեպի հետևանքով մարդիկ են մահացել։ Նույն պահին հայտնել են, որ շտապօգնության աշխատակիցները ծանրաբեռնված ռեժիմով են աշխատում:
«Մենք բոլորս սրան էինք սպասում». Քայլի Ջեներն ու Թրևիս Սքոթը կրկին միասին են. լուսանկար
Նշվում է, որ 23 մարդու շտապ տեղափոխել են հիվանդանոց, այդ թվում՝ 10-ամյա մի երեխայի: Դեպքի վայրում գտնվող դաշտային հիվանդանոցում մոտ 300 մարդ է բուժօգնություն ստացել: Մինչ այս պահը ութ հաստատված մահ կա, նրանց մահվան պատճառը չի նշվում, քանի դեռ դատաբժշկական փորձաքննություն չի իրականացվել։ Խոսակցություններ կան, որ համերգի ժամանակ մարդկանց թմրանյութեր են ներարկել: Ոստիկանությունը ստուգում է այդ վարկածը։
Ոստիկանությունը պարզում է մահացածների ինքնությունը։ Փառատոնը չեղարկվել է։
«Astroworld» փառատոնը ամենամյա միջոցառում է, որն անցկացվում է Հյուսթոնի NRG Park զբոսայգում։
Հիշեցնենք` 29-ամյա Թրևիս Սքոթը հայտնի դարձավ 2013 թվականից: Նա և ԱՄՆ ամենահարուստ կանանցից մեկը՝ Քայլի Ջեները, երեք տարեկան երեխա ունեն։Այժմ Քայլին սպասում է երկրորդ զավակի լույս աշխարհ գալուն։
Քիմ Քարդաշյանի քույրը նշանվել է. տեսանյութ
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала