ԵՊՀ հոգաբարձուների խորհրդի նախագահ է ընտրվել ՀՀ փոխվարչապետը

© Sputnik / Andranik GhazaryanПамятник Месропу Маштоцу и Сааку Партеву перед зданием Ереванского государственного университета
Памятник Месропу Маштоцу и Сааку Партеву перед зданием Ереванского государственного университета - Sputnik Արմենիա, 1920, 06.11.2021
Բաժանորդագրվեք
ԵՊՀ հոգաբարձուների խորհուրդը համալսարանի կառավարման բարձրագույն մարմինն է, որի լիազորությունների ժամկետը 5 տարի է:
ԵՐԵՎԱՆ, 6 նոյեմբերի – Sputnik. ԵՊՀ գիտխորհրդի նիստերի դահլիճում այսօր տեղի է ունեցել «Երևանի պետական համալսարան» հիմնադրամի նոր ձևավորված հոգաբարձուների խորհրդի անդրանիկ նիստը, որի ընթացքում ընտրվել են նախագահը և քարտուղարը:

Ըստ համալսարանի ֆեյսբուքյան էջում հրապարակված հաղորդագրության` ԵՊՀ հոգաբարձուների խորհրդի նախագահի պաշտոնում ընտրվել է ՀՀ փոխվարչապետ Սուրեն Պապիկյանը, իսկ քարտուղարի պաշտոնում՝ Մարդու իրավունքների եվրոպական դատարանում Հայաստանի Հանրապետության ներկայացուցիչ Եղիշե Կիրակոսյանը:

ԵՊՀ հոգաբարձուների խորհուրդը համալսարանի կառավարման բարձրագույն մարմինն է, որի լիազորությունների ժամկետը 5 տարի է: Նոր կազմը հաստատվել է ՀՀ արդարադատության նախարարի` հոկտեմբերի 28-ի որոշմամբ։ Այն կազմված է 20 անդամից:
Ճգնաժամը կհարթվի՞, կամ իշխանությունները ԵՊՀ-ի ռեկտորի պաշտոնում տեսնում են քաղաքական դեմքի
«Երևանի պետական համալսարան» հիմնադրամի հոգաբարձուների խորհրդի՝ ԵՊՀ-ից ընտրված անդամներն են Հանրահաշվի և երկրաչափության ամբիոնի վարիչ Վարուժան Աթաբեկյանը, Հնագիտության և ազգագրության ամբիոնի դոցենտ Մխիթար Գաբրիելյանը,Անձի հոգեբանության ամբիոնի վարիչ Նարինե Խաչատրյանը, Կենսաքիմիայի, մանրէաբանության և կենսատեխնոլոգիայի ամբիոնի վարիչ Աննա Փոլադյանը, Արաբագիտության ամբիոնի վարիչ Հայկ Քոչարյանը:
Հիշեցնենք` օգոստոսին Երևանի պետական համալսարանի ռեկտորի նոր ժամանակավոր պաշտոնակատար նշանակվեց աստվածաբան Հովհաննես Հովհաննիսյանը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала