Թևանյանը դարձավ աշխարհի փոխչեմպիոն, Խնձրցյանն ու Ավագյանը` բրոնզե մեդալակիրներ

© Sputnik / Asatur YesayantsВазген Теванян во время поединка (6 августа 20201). Токио
Вазген Теванян во время поединка (6 августа 20201). Токио - Sputnik Արմենիա, 1920, 06.11.2021
Բաժանորդագրվեք
Երբ հավաքականը ներկայացնող 8 ըմբիշներից 6-ը հասնում են մեդալի համար գոտեմարտերի, նշանակում է` ունենք հաջողություն։ Իսկ եթե հաշվի առնենք նաև, որ այդ ըմբիշները մասնակցում են մինչև 23 տարեկանների աշխարհի առաջնությանը, ուրեմն հաջողություն կունենանք նաև հետո։
ԵՐԵՎԱՆ, 6 նոյեմբերի – Sputnik. Սերբիայում ընթացող մինչև 23 տարեկան ըմբիշների աշխարհի առաջնությունում Հայաստանի ներկայացուցիչ ազատոճային Վազգեն Թևանյանն այսօր 70 կգ քաշայինների եզրափակիչում 2։10 հաշվով պարտվեց Ղրղզստանի ներկայացուցիչ Էրնազար Ակմատիլևին և դարձավ փոխչեմպիոն։
Թևանյանը մինչև եզրափակիչ հասնելը առավելության էր հասել Գերմանիան ներկայացնող Շամիլ Ուստաևի, ուզբեկ Բեգիջոն Կուլդաշևի, թուրք Չունեյթ Բուդակի և մոլդովացի Նիկոլայ Գրահմեզի նկատմամբ։
Մանվել Խնձրցյանը (57 կգ) բացարձակ առավելությամբ, ժամանակից շուտ հաղթանակի հասավ հնդիկ Սաուրաբ Իգավեյի նկատմամբ ու դարձավ բրոնզե մեդալակիր։
Հրաչյա Մարգարյանը 65 կգ կարգում բրոնզե մեդալի համար գոտեմարտում թուրք Քավիտ Աքարին պարտվեց գոտեմարտի վերջին վայրկյաններին:
79 կգ քաշային կարգում Արման Ավագյանը, հասնելով կիսաեզրափակիչ, պարտվեց թուրք Ռամազան Սարիին, իսկ բրոնզե մեդալի համար գոտեմարտում մեր ըմբիշի մրցակիցը վրացի Գոգա Մամիաուրին էր։ Գոտեմարտի ընթացքում Ավագյանը պարտվում էր 0։4 հաշվով, բայց վերջին վայրկյանին կորզեց բրոնզե հաղթանակը։
«Ամեն ինչ դրել էի, որ ադրբեջանցուն կիսաեզրափակիչում հաղթեի»․ Դավիթ Չալոյանի հարցազրույցը
Վաղը աշխարհի առաջնությունում մեր ազատոճայինները հաստատ կթարմացնեն մեր ընտրանու արդյունքները։ 61կգ քաշային կարգում եզրափակիչում Արսեն Հարությունյանը գոտեմարտելու է ռուսաստանցի Արթուր Չեբոդաևի հետ։ 74 կգ քաշային կարգում Հրայր Ալիխանյանը գոտեմարտելու է երրորդ տեղի համար։ 86 կգ քաշային Մհեր Մարկոսյանը փորձելու է սփոփիչ գոտեմարտերի միջոցով պայքար մղել բրոնզե մեդալի համար, նույնը վերաբերվում է նաև գերծանր քաշային Մարտին Սիմոնյանին։
Борец Арсен Арутюнян после поединка 1/8 финала по вольной борьбе против Бехбайяра Эрденебата (Монголия) на XXXII летних Олимпийских играх (4 августа 2021). Токио - Sputnik Արմենիա, 1920, 06.11.2021
«Տղաներն այսօր փառահեղ են». Ալիխանյանն ու Հարությունյանը դուրս եկան ԱԱ կիսաեզրափակիչ
Նշենք, որ աշխարհի մինչև 23 տարեկանների առաջնությունում ազատոճայինները պայքարը սկսել են նոյեմբերի 5-ին։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала