https://arm.sputniknews.ru/20211106/vovqer-en-ditarkvum-erdvoghani-zharangvordi-derum-35058134.html
Ո՞վ կարող է լինել Էրդողանի ժառանգորդը. Մելքոնյանը` թուրք առաջնորդի վարկանիշի մասին
Ո՞վ կարող է լինել Էրդողանի ժառանգորդը. Մելքոնյանը` թուրք առաջնորդի վարկանիշի մասին
Sputnik Արմենիա
ԵՊՀ արևելագիտության ֆակուլտետի դեկան, թուրքագետ Ռուբեն Մելքոնյանը Sputnik Արմենիայի եթերում անդրադարձել է Թուրքիայի ներքաղաքական կյանքում շարունակաբար... 06.11.2021, Sputnik Արմենիա
2021-11-06T16:27+0400
2021-11-06T16:27+0400
2021-11-06T19:46+0400
թուրքիա
ռեջեփ թայիփ էրդողան
ռուբեն մելքոնյան (թուրքագետ)
ռադիո
պոդկաստ
https://cdn.am.sputniknews.ru/img/07e5/0b/06/35057746_0:41:1600:942_1920x0_80_0_0_1b0ea79daa3df7646783f0b0a2bb8a3b.jpg
Ռուբեն Մելքոնյան. Էրդողանի ժառանգորդի դերում դիտարկվում են նաև ուժային կառույցների ներկայացուցիչները
Sputnik Արմենիա
Ռուբեն Մելքոնյան. Էրդողանի ժառանգորդի դերում դիտարկվում են նաև ուժային կառույցների ներկայացուցիչները
Թուրքիայում արտահերթ ընտրությունները շատ մեծ բացառություն չեն և կազմում են այդ երկրի քաղաքական ավանդույթի մի մասը, քանի որ շատ հաճախ են տեղի ունեցել, մանավանդ` ըստ քաղաքական նպատակահարմարության, որովհետև նույն իշխող ուժը հայտարարել է արտահերթ ընտրությունների մասին` հասկանալով, որ իր վարկանիշը կարող է ավելի անկում ապրել, Sputnik Արմենիայի հետ զրույցում նման կարծիք հայտնեց թուրքագետ Ռուբեն Մելքոնյանը։«Ինչ վերաբերում է կոնկրետ Ռեջեփ Թայիփ Էրդողանի վարկանիշին, ապա այն հիմա իսկապես բավական ցածր է, և դրան գումարվում են առողջական տարատեսակ խնդիրները, որոնց մասին նշվում և ապացուցվում է տարբեր տեսանյութերով։ Այդ ամենը ժողովրդի մոտ նրա հանդեպ բնականաբար առաջացնում է վստահության որոշակի կորուստ։ Բացի դրանից, Թուրքիայի տարատեսակ խնդիրներն ու հատկապես գերակտիվ արտաքին քաղաքական քայլերը բավական թանկ են նստում տնտեսության վրա։ Կարևոր դերակատարում ունի նաև քաղաքական սերնդափոխության անհրաժեշտությունը, մանավանդ որ Էրդողանն այդ երկիրը կառավարում է 2002 թվականից»,– նշեց թուրքագետը։Մելքոնյանի դիտարկմամբ` այդուհանդերձ նախկին արտգործնախարար և վարչապետ Մևլութ Դավութօղլուի տեսակետները մասամբ են համապատասխանում իրականությանը, որովհետև Էրդողանի վարկանիշն այնուամենայնիվ կրիտիկական սահմանագծին չի հասել, բայց եթե առողջական խնդիրները գլուխ բարձրացնեն, կարող է ստեղծվել բոլորովին այլ իրավիճակ, երբ իշխող կուսակցությունն ընտրությունների կգնա առանց լիդերի։Թուրքագետն ավելի շատ հավանական համարեց նոր կոալիցիոն կառավարության ձևավորումը, ինչի շնորհիվ վերջ կտրվի «Արդարություն և զարգացում» կուսակցության բացարձակ իշխանությանը, որը սկսվել է 2002 թվականից։Էրդողանը Քավալային չներեց Հայոց ցեղասպանության ճանաչմանն ուղղված ջանքերի համարՆշենք, որ Թուրքիայի նախագահ Ռեջեփ Թայիփ Էրդողանի նախկին կուսակից, նախկին արտգործնախարար ու վարչապետ, հիմա էլ էրդողանի գլխավոր քննադատ Ահմեթ Դավութօղլուն հավանական է համարել արտահերթ ընտրությունների անցկացումը՝ այն կապելով երկրի տնտեսության վատ վիճակի հետ: Դավութօղլուի կանխատեսմամբ՝ Թուրքիայի բնակչությանը ծանր ժամանակներ են սպասում` գազի, վառելիքի թանկացումներ, գնաճ։ Սա, ըստ նախկին պաշտոնյանի, դժգոհությունների ալիք է բարձրանալու։ Նախկին պաշտոնյան համոզված է, որ նոր ընտրությունների դեպքում Էրդողանի կուսակցությունը իշխանությունից հեռացվելու է:«3+3»` բազում տարաձայնություններով տարօրինակ ձևաչափ. Էրդողանի՞ առաջարկն է, թե՞ Ալիևի
թուրքիա
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
թուրքիա, ռեջեփ թայիփ էրդողան, ռուբեն մելքոնյան (թուրքագետ), պոդկաստ, аудио
թուրքիա, ռեջեփ թայիփ էրդողան, ռուբեն մելքոնյան (թուրքագետ), պոդկաստ, аудио
Ո՞վ կարող է լինել Էրդողանի ժառանգորդը. Մելքոնյանը` թուրք առաջնորդի վարկանիշի մասին
16:27 06.11.2021 (Թարմացված է: 19:46 06.11.2021) ԵՊՀ արևելագիտության ֆակուլտետի դեկան, թուրքագետ Ռուբեն Մելքոնյանը Sputnik Արմենիայի եթերում անդրադարձել է Թուրքիայի ներքաղաքական կյանքում շարունակաբար քննարկվող արտահերթ ընտրությունների վերաբերյալ խոսակցություններին:
Թուրքիայում արտահերթ ընտրությունները շատ մեծ բացառություն չեն և կազմում են այդ երկրի քաղաքական ավանդույթի մի մասը, քանի որ շատ հաճախ են տեղի ունեցել, մանավանդ` ըստ քաղաքական նպատակահարմարության, որովհետև նույն իշխող ուժը հայտարարել է արտահերթ ընտրությունների մասին` հասկանալով, որ իր վարկանիշը կարող է ավելի անկում ապրել,
Sputnik Արմենիայի հետ զրույցում նման կարծիք հայտնեց թուրքագետ Ռուբեն Մելքոնյանը։
«Ինչ վերաբերում է կոնկրետ Ռեջեփ Թայիփ Էրդողանի վարկանիշին, ապա այն հիմա իսկապես բավական ցածր է, և դրան գումարվում են առողջական տարատեսակ խնդիրները, որոնց մասին նշվում և ապացուցվում է տարբեր տեսանյութերով։ Այդ ամենը ժողովրդի մոտ նրա հանդեպ բնականաբար առաջացնում է վստահության որոշակի կորուստ։ Բացի դրանից, Թուրքիայի տարատեսակ խնդիրներն ու հատկապես գերակտիվ արտաքին քաղաքական քայլերը բավական թանկ են նստում տնտեսության վրա։ Կարևոր դերակատարում ունի նաև քաղաքական սերնդափոխության անհրաժեշտությունը, մանավանդ որ Էրդողանն այդ երկիրը կառավարում է 2002 թվականից»,– նշեց թուրքագետը։
Մելքոնյանի դիտարկմամբ` այդուհանդերձ նախկին արտգործնախարար և վարչապետ Մևլութ Դավութօղլուի տեսակետները մասամբ են համապատասխանում իրականությանը, որովհետև Էրդողանի վարկանիշն այնուամենայնիվ կրիտիկական սահմանագծին չի հասել, բայց եթե առողջական խնդիրները գլուխ բարձրացնեն, կարող է ստեղծվել բոլորովին այլ իրավիճակ, երբ իշխող կուսակցությունն ընտրությունների կգնա առանց լիդերի։
Թուրքագետն ավելի շատ հավանական համարեց նոր կոալիցիոն կառավարության ձևավորումը, ինչի շնորհիվ վերջ կտրվի «Արդարություն և զարգացում» կուսակցության բացարձակ իշխանությանը, որը սկսվել է 2002 թվականից։
«Թեև Թուրքիան այդ դեպքում կարող է մտնել իր կյանքի նոր փուլ, բայցևայնպես դեռ վաղ է ասել, որ էրդողանական դարաշրջանը շատ արագ կփակվի, քանզի կա ժառանգորդի հետ կապված մի քանի սցենար, թե ինչպիսին պետք է լինի քաղաքականության շարունակությունն Էրդողանից հետո, ընդ որում` ժառանգորդի դերում դիտարկվում են նաև ուժային կառույցների ներկայացուցիչները»,– ասաց Մելքոնյանը։
Նշենք, որ Թուրքիայի նախագահ Ռեջեփ Թայիփ Էրդողանի նախկին կուսակից, նախկին արտգործնախարար ու վարչապետ, հիմա էլ էրդողանի գլխավոր քննադատ Ահմեթ Դավութօղլուն հավանական է համարել արտահերթ ընտրությունների անցկացումը՝ այն կապելով երկրի տնտեսության վատ վիճակի հետ: Դավութօղլուի կանխատեսմամբ՝ Թուրքիայի բնակչությանը ծանր ժամանակներ են սպասում` գազի, վառելիքի թանկացումներ, գնաճ։ Սա, ըստ նախկին պաշտոնյանի, դժգոհությունների ալիք է բարձրանալու։ Նախկին պաշտոնյան համոզված է, որ նոր ընտրությունների դեպքում Էրդողանի կուսակցությունը իշխանությունից հեռացվելու է:
