Հայաստանն Ադրբեջանի տարածքով պետք է կապ ունենա Ռուսաստանի և Իրանի հետ․ ՀՀ վարչապետ

© Sputnik / Asatur YesayantsЖелезнодорожный состав на станции Ванадзора
Железнодорожный состав на станции Ванадзора - Sputnik Արմենիա, 1920, 07.11.2021
Բաժանորդագրվեք
Փաշինյանի խոսքով՝ կառուցվելու է նաև Երասխ- Օրդուբադ –Մեղրի- Հորադիզ երկաթուղին։
ԵՐԵՎԱՆ, 7 նոյեմբերի – Sputnik․ Ադրբեջանը Հայաստանի սուվերեն տարածքով պետք է հաղորդակցություն ունենա Նախիջևանի հետ, իսկ Հայաստանն էլ Ադրբեջանի տարածքով պետք է հաղորդակցություն հաստատի Ռուսաստանի և Իրանի հետ։ Առաջին ալիքի հետ հարցազրույցում, խոսելով տարածաշրջանային կոմունիկացիաների ապաշրջափակման մասին, հայտարարեց ՀՀ վարչապետ Նիկոլ Փաշինյանը։
Կապերի ապաշրջափակման բանակցությունների ո՞ր ձևաչափն է ընդունելի․ մեկնաբանում է Զախարովան
«Երբ խոսում ենք, որ Ադրբեջանը հաղորդակցություն կունենա Նախիջևանի հետ, խոսում ենք այն մասին, որ հաղորդակցություն կունենա նաև Թուրքիայի հետ։ Այստեղ չի կարող խոսք լինել միայն ներքին հաղորդակցությունների մասին, այլ մենք նաև միջազգային հաղորդակցությունների թեման ենք հետապնդում, որպեսզի կարողանանք այդտեղ գալ հնարավորինս արագ լուծումների»,- նշեց Փաշինյանը։
Նրա խոսքով՝ ստեղծված եռակողմ աշխատանքային խումբն այս ուղղությամբ մեծ աշխատանքներ է կատարել, ուսումնասիրել, նշել է բոլոր հնարավոր երթուղիները՝ Իջևան-Ղազախ, Բերդ-Թովուզ, Անգեղակոթ-Բիչենեք, Հորադիզ-Երասխ, Հորադիզ-Մեղրի-Օրդուբադ-Երասխ հատված և այլն։ «Մեր ընկալումն այն է, որ Երասխ- Օրդուբադ –Մեղրի- Հորադիզ երկաթուղին պետք է կառուցվի ՀՀ-ն իր տարածքում, Ադրբեջանը՝ իր տարածքում»,- ընդգծեց Փաշինյանը։
Встреча министров иностранных дел Армении и Грузии Арарата Мирзояна и Давида Залкалиани (8 сентября 2021). Тбилиси - Sputnik Արմենիա, 1920, 08.09.2021
Կոմունիկացիաների ապաշրջափակումը կընդլայնի Հայաստան-Վրաստան համագործակցությունը. Միրզոյան
Հիշեցնենք, որ 2021 թվականի հունվարի 11-ին Մոսկվայում կայացավ Հայաստանի վարչապետ Նիկոլ Փաշինյանի, Ռուսաստանի նախագահ Վլադիմիր Պուտինի, Ադրբեջանի նախագահ Իլհամ Ալիևի հանդիպումը։
Գրեթե 4 ժամ տևած բանակցությունների արդյունքում ընդունվեց եռակողմ հայտարարություն, որը հիմնականում վերաբերում էր 2020-ի նոյեմբերի 9-ի հայտարարության 9-րդ՝ տարածաշրջանում բոլոր տնտեսական և տրանսպորտային կապերն ապաշրջափակելու վերաբերյալ կետի իրագործմանը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала