Այլ լուծում դելիմիտացիան ուղղակի չի թողնելու. Քոչարյանը` Արցախի կարգավիճակի մասին

© Sputnik / Aram NersesyanԸնդդիմության հանրահավաքը Ազատության հրապարակում (8 նոյեմբերի, 2021թ․). Երևան
Ընդդիմության հանրահավաքը Ազատության հրապարակում (8 նոյեմբերի, 2021թ․). Երևան - Sputnik Արմենիա, 1920, 08.11.2021
Բաժանորդագրվեք
ՀՀ երկրորդ նախագահը շեշտեց, որ դելիմիտացիան իրականացնելուց հետո Ադրբեջանը ստանալու է լեգիտիմ իրավունք` ցանկացած պահի Հայաստանը Ղարաբաղին միացնող ճանապարհին տեղակայելու իր սահմանապահներին, մաքսակետեր և ամբողջությամբ վերահսկելու ճանապարհի շարժը։
ԵՐԵՎԱՆ, 8 նոյեմբերի – Sputnik. Ադրբեջանի հետ դելիմիտացիայի և դեմարկացիայի հարցում լուրջ ռիսկեր կան։ Ազատության հրապարակում ընթացող ընդդիմության հանրահավաքի ժամանակ այս մասին հայտարարեց ՀՀ 2–րդ նախագահ Ռոբերտ Քոչարյանը։
Նրա խոսքով` դելիմիտացիա` նշանակում է, որ մենք ուղղակի կամ անուղղակի կերպով, բայց փաստացի ճանաչում ենք Ադրբեջանի տարածքային ամբողջականությունը և ֆիքսում ենք Ղարաբաղի անկլավային իրավիճակը Ադրբեջանի ներսում։

«Սա վերջ է դնելու Ղարաբաղյան հարցի կարգավորմանը։ Սա նշանակում է, որ մնալու է մեկ լուծում` Ղարաբաղի կարգավիճակն Ադրբեջանի կազմում։ Այլ լուծում դելիմիտացիան ուղղակի չի թողնելու»,–ասաց Քոչարյանը։

Նա շեշտեց, որ դելիմիտացիան իրականացնելուց հետո Ադրբեջանը ստանալու է լեգիտիմ իրավունք` ցանկացած պահի Հայաստանը Ղարաբաղին միացնող ճանապարհին տեղակայելու իր սահմանապահներին, մաքսակետեր և ամբողջությամբ վերահսկելու ճանապարհի շարժը։ Ադրբեջանը նույնն անում է Հայաստանը Իրանի հետ կապող Գորիս-Կապան ճանապարհին։ Քոչարյանը կոչ արեց թույլ չտալ իշխանություններին ստորագրել մի փաստաթուղթ, որը կհավերժացնի իր կարծիքով անցյալ տարվա հանձնումը։
Սեյրան Օհանյան - Sputnik Արմենիա, 1920, 08.11.2021
Ի՞նչ է նշանակում այս դժվարին իրավիճակում անցնել 1.5 տարվա ժամկետային ծառայության. Օհանյան
Ավելի վաղ մամուլում տեղեկություններ էին հայտնվել նոյեմբերի 9-ին Մոսկվայում Ռուսաստանի, Հայաստանի և Ադրբեջանի ղեկավարների սպասվող հանդիպման մասին։
Ըստ տեղեկությունների՝ բանակցություններից հետո սպասվում է եռակողմ հայտարարությունների ստորագրում։ Փաստաթղթերից մեկը վերաբերելու է Հայաստանի և Ադրբեջանի միջև պետական սահմանի դելիմիտացիային և դեմարկացիային, մյուսը՝ տարածաշրջանում տրանսպորտային հաղորդակցությունների ապաշրջափակմանը։
Министр иностранных дел России Сергей Лавров во время совместной с армянским коллегой пресс-конференции (31 августа 2021). Москвa - Sputnik Արմենիա, 1920, 31.08.2021
Երկարաժամկետ կարգավորումը հնարավոր է միայն դելիմիտացիայի ու դեմարկացիայի դեպքում. Լավրով
Մինչդեռ վարչապետ Նիկոլ Փաշինյանը նոյեմբերի 7-ին Հանրային հեռուստատեսությանը տված հարցազրույցում հայտարարեց, որ այս պահին նոյեմբերի 9-ի հանդիպման վերաբերյալ պայմանավորվածություններ չկան։
ՌԴ նախագահի մամուլի քարտուղար Դմիտրի Պեսկովն իր հերթին հայտնել է, որ բանակցությունները նախապատրաստվում են տեսաֆորմատով, սակայն հստակ ժամկետներ դեռ չկան։
Դեմարկացիան և դելիմիտացիան ՀՀ–ի համար մերժելի չեն, և պետք չէ այդ բառերից վախենալ. Փաշինյան
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала