Զինծառայողը մահացել է հիվանդանոցի ճանապարհին. ՔԿ–ն մանրամասներ է հայտնում

© Sputnik / Andranik GhazaryanԱրխիվային լուսանկար
Արխիվային լուսանկար - Sputnik Արմենիա, 1920, 08.11.2021
Բաժանորդագրվեք
Քննչական կոմիտեն հայտնում է նաև, որ դեպքը տեղի է ունեցել մարտական դիրքի ճաշարանում։
ԵՐԵՎԱՆ, 8 նոյեմբերի – Sputnik. Դիրքի ավագ, պարտադիր ժամկետային զինծառայող, կրտսեր սերժանտ Գրիգոր Սահակի Վարդանյանը մահացել է հիվանդանոց տեղափոխվելու ճանապարհին: Տեղեկությունը հայտնում է ՀՀ քննչական կոմիտեն` մանրամասներ ներկայացնելով դեպքից։
ՊՆ–ն նոյեմբերի 7-ին հայտնել էր, որ նույնը օրը, ժամը 04:20 սահմաններում, ՀՀ հյուսիսարևելյան ուղղությամբ տեղակայված ՊՆ N զորամասի մարտական հենակետում զենքի հետ վարվելու կանոնները խախտելու հետևանքով մահացու հրազենային վիրավորում է ստացել ժամկետային զինծառայող, կրտսեր սերժանտ, 2001թ. ծնված Գրիգոր Վարդանյանը:

«Նախնական տվյալներով՝ ՀՀ ՊՆ N զորամասի պահպանության շրջանում գտնվող մարտական դիրքում զինծառայողի կողմից խախտվել են մարտական հերթապահության իրականացման կանոնները։ Սրա արդյունքում 2021թ. նոյեմբերի 7-ին՝ ժամը 04։20-ի սահմաններում, մարտական դիրքի ճաշարանում, հրազենից արձակված կրակոցից վիրավորում է ստացել նշված մարտական դիրքի ավագ Գրիգոր Վարդանյանը և հիվանդանոց տեղափոխվելու ճանապարհին մահացել»,–նշված է հաղորդագրության մեջ:

Դեպքի առթիվ ՀՀ քննչական կոմիտեի զինվորական քննչական գլխավոր վարչության վեցերորդ կայազորային քննչական բաժնում ՀՀ քրեական օրենսգրքի 365-րդ հոդվածի 3-րդ մասով (մարտական հերթապահություն կամ մարտական ծառայություն կրելու կանոնները խախտելը)։
Панорама города Шуши  - Sputnik Արմենիա, 1920, 08.11.2021
Շուշիի մոտ ադրբեջանցիները կրակոցներ են արձակել. կա մեկ զոհ
Կատարվում են անհրաժեշտ քննչական և դատավարական այլ գործողություններ: Նախաքննությունը շարունակվում է:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала