Ադրբեջանի հատուկ ծառայության ներկայացուցիչներն արցախցուն սպանության սպառնալիքներ են ուղղել

© Sputnik / Владимир Трефилов / Անցնել ֆոտոբանկԱրխիվային լուսանկար
Արխիվային լուսանկար - Sputnik Արմենիա, 1920, 09.11.2021
Բաժանորդագրվեք
Ադրբեջանի հատուկ ծառայությունների կողմից համացանցային տիրույթում արցախցիներին ահաբեկելու գործողությունները նոր թափ են ստացել։
ԵՐԵՎԱՆ, 9 նոյեմբերի – Sputnik. Ադրբեջանի հատուկ ծառայությունների ներկայացուցիչներն Արցախի քաղաքացուն սպանության, հաշվեհարդարի սպառնալիքներ են ուղղել։ Նման հաղորդագրություն է տարածել Արցախի դատախազությունը` մանրամասներ հաղորդելով դեպքից։
Омбудсмен Арман Татоян в гостях у радио Sputnik  - Sputnik Արմենիա, 1920, 13.01.2021
Ադրբեջանական սոցցանցերը լի են հայ երեխաների սպանելու, արյունը խմելու կոչերով. Թաթոյան
Նշվում է, որ Ադրբեջանի հատուկ ծառայությունների կողմից համացանցային տիրույթում արցախցիներին ահաբեկելու գործողությունները նոր թափ ու որակ են ստացել։ Ադրբեջանի հատուկ ծառայությունները կամ նրանց ներկայացուցիչները սոցցանցերում զանազան հնարքների կիրառմամբ արցախցի օգտատերերին պարբերաբար փորձում են ներգրավել տարբեր գործընթացների մեջ` նպատակ հետապնդելով նրանցից ստանալ տեղեկություններ։

«Երեկ Արցախի դատախազություն է ներկայացվել հաղորդում, որ ադրբեջանի հատուկ ծառայությունների ներկայացուցիչները սոցցանցում ակտիվություն ցուցաբերող Արցախի քաղաքացուն նույն ցանցի տարբեր էջերով տվել են սպանության, հաշվեհարդար տեսնելու սպառնալիքներ։ Այդ ընթացքում արցախցու մասին ներկայացրել են այնպիսի տեղեկություններ, որոնք վկայում են ԱՀ քաղաքացու վերաբերյալ նախապես անհատական տվյալներ հավաքագրելու մասին»,–նշված է հաղորդագրության մեջ:

Այս հաղորդումն ուղարկվել է ԱՀ ազգային անվտանգության ծառայություն: Դատախազությունը հորդորում է զերծ մնալ սոցցանցերում կասկածելի կամ անծանոթ օգտատերերի հետ շփումներից, տեղեկություններ փոխանցելուց:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала